Joshua 23:2 - Bible Ni Thothup

² ma aram me pining gubin yu Israel nga ta’bang, ni pi’lal, nge pi’in yad ma yog e thin, nge pi tayugang’, nge pi tolang, me ga’ar ngorad, “Chiney e kar gu pilbithir.

Joshua 23:2 Iomraidhean Croise

1 Kings 1:1

David ni Pilung e yan i par ni kari pilibthir, ni yira guluguluy, ma der chuw e ulum rok.

1 Kings 8:1

Solomon ni Pilung e pi’ e thin nge yan ngak e pi tolang ko pi ganong nge yu ke girdi’ nu Israel ni ngarbad ngak nga Jerusalem ni fan e ngan fek fare Kahol ko M’ag rok SOMOL u Zion, ni aram fare Binaw rok David, i yan ko fare Tempel.

1 Kronicles 23:2

Me pining David urngin e pi’in yad ma yog e thin u Israel nga ta’bang nge urngin e prist nge pi Levite.

1 Kronicles 28:1

David ni Pilung e pining gubin fapi tolang nu Israel ngar mu’ulunggad nga Jerusalem. Ere gubin e pi tayugang’ ko pi ganong, nge pi tolang ni yad ma tay murung’agen e maruwel u gil’ilungun e en pilung, nge pi mitethin ko yuke girdi’, nge pi’in yad ma gonpiy rogon e binaw nge yu ran’ i gamanman nib milfan ngak e en pilung nge fapi pagel ni fak — gubin e pi ga’ u lan fare naun rok e pilung, nge pi’in gireng ko salthaw, nge pi pumo’on nib ga’farad e go’ ra mu’ulunggad ngalan yu Jerusalem.

Deuteronomy 31:28

Mu ulunguyed nga p’eowcheg urngin e pi ilal ko pi ganong romed, nge pi tolang romed, ya nge yag ni gu weliy ngorad e pi thin ney; bay gu non ngak e tharmiy nge fayleng ngar mangew mich rog nib togopluw ngorad.

Joshua 13:1

Ma aram e kari pilbithir Joshua. Me ga’ar SOMOL ngak, “Kar mu pilbithir, machane kabay e binaw ni kab ga’yang ni ku yira kol

Joshua 23:3

Kam guyed urngin e tin ke rin’ SOMOL ni Got romed ngak gubin e pi nam ney ni bochmed. I SOMOL ni Got romed e ki i cham ni fan ngomed.

Joshua 24:1

Me ulunguy Joshua urngin e ganong nu Israel nga Shekem. Me non ngak e pi’in pi’lal, nge pi’in yad ma yog e thin rok piyu Israel, nge pi tayugang’, nge pi tolang rok piyu Israel, miyad yib nga p’eowchen Got.

1 Samuel 12:2

Ere chiney e bay romed ni bay i pow’iymed. Mi gag e kug pilibthir ma ke manna’ chugeg, ma fa gal pumo’on ni fakag e yow bay romed. Ug par ni gag e gu be yog e thin rodad ni ku gub pagel ke mada’ ko chiney.