Joshua 23:13 - Bible Ni Thothup

¹³ ma rrigimed manang ni SOMOL ni Got romed e dabki tuluf girdi’en e pi nam ngar chuwgad u nap’an ni gimed be yan i yan nga m’on. Bay ra manged maad’ad u puluwomed ni bod e wup, ara low, nge dimow u daken keru’med nrib amith, ara rachangal u lan owchemed. Ma bayi par ni aray rogon nge taw ko ngiyal’ ndakuriy bigimed u lan re nam nfel’ ney ni pi’ SOMOL ni Got romed ngomed.

Joshua 23:13 Iomraidhean Croise

1 Kings 11:4

ma nap’an ni pilbithir ma kar waliyed ke un i tayfan yug boch e got. Ma daki yul’yul’ ngak SOMOL ni Got rok, ni bod David ni chitamngin ni i par.

2 Kings 17:18

Me damumuw SOMOL ngak piyu Israel me chuwegrad u p’eowchen, me par ni kemus ni go’ yu Judah e digey.

2 Kings 17:20

Me fek SOMOL owchen rok urngin piyu Israel, me gechig nagrad me pi’rad nga pa’ e pi to’ogor ni buchan’ nma’ngach nge yan i taw ko ngiyal’ nike tharbegrad u p’eowchen.

2 Kings 25:21

Mu rom u Riblah ko nug nu Hammath e yog e pilung riy ni ngan gafgow nagrad nge mu’ min thang e pogofan rorad. Aray rogon nchuweg e girdi’ nu Judah ko nam rorad min fekrad nga Babylonia ngar kalbusgad.

2 Kings 25:26

Ma aram me mil urngin e girdi’ nu Israel ngranod nga Egypt, ni tin ntolang nge mada’ ngak e tin nib gafgow nib mu’un e pi tolang ko salthaw ngorad, ya kar rusgad ngak e girdi’ nu Babylonia.

Psalms 69:22

Pi mur ni yad be tay e mang e yigi kireb nagrad; pi madnom ni yad be tay e mang e yigi mang ba wup ngorad!

Exodus 10:7

Me ga’ar fapi tolang ni bay u tan pa’ Farao ngak Farao, “Uw n’umngin nap’an ni nge par e re mo’on ney ngi i gafgow nagdad? Mu pagrad ngranod ngar meybilgad ngak SOMOL ni Got rorad. Damur guy nike kireb e nam nu Egypt?”

Exodus 23:33

Dab mu paged e pi girdi’ nem ngar pired u lan e nam romed; ya fa’an gimed ra pag, ma yad ra waliymed ngam denengad nib togopluw ngog. Ma fa’an gimed ra tayfan e pi got rorad, mra mang ba wup’ ngam awgad ngay.”

Exodus 34:12

Ngar mu guy rogon ndab mu ngongliy ba tha’ u thilmed girdi’en e re nam ni ir e ngam man ngay, ya ir e ra girengiy e riya’ nga dakenam.

Exodus 34:16

Ma richey me le’engiy pifakam e ppin u rom, ngar waliyedrad nge dab ku ra yul’yul’gad ngog miyad un i tayfan e pi got rorad.

Ezekiel 28:24

I SOMOL e ga’ar, “Dakriy reb fapi nam nib chugur ni i togopluw nga Israel ni ku rayag ni mang ba rachangal fa makankan ni nge gafgownag yu Israel. Ma aram e bay ra nanged ni Gag fare SOMOL ni Th’abi Tolang.”

Numbers 33:55

Ma fa’anra dab mu t’ulfed e girdi’ riy nga wuru’, ma pi arorad nra magay e yad ra par ni yad ba matharthar ni bod ban’en nib m’uth nike aw ngalan owchemed fa rachangal u tan p’eywunmed, ma ra ur chamgad ngomed.

Luke 21:24

Ma bay nthang e fan rorad ko saydon, min fekrad ni kalbus nga urngin e nam, ma pi’in gathi yad piyu Israel e bay ur yot’ed daken yu Jerusalem nge mada’ ko ngiyal’ ni ngar musgad riy.”

Deuteronomy 29:28

Kri damumuw SOMOL nib gel, ma gelngin e damumuw e ke pugrad u daken e nam rorad nge yin’rad nga daken yug reb e nam, ma aram e gin yad bay riy ke mada’ ko daba’.’

Deuteronomy 30:18

gu be micheg ngomed u roy e chiney nib muduwgil ni yira thirifmed u but’, ma dabi n’uw nap’med u lan e re nam nem ni bay nga ba’nem e Jordan, ni bay mmarod ni ngam pired riy.

Deuteronomy 4:26

Fa’anra dab mu folgad rog, ma gu be pining e tharmiy nge fayleng e daba’ ngar mangew mich nib togopluw ngomed, ni dabi n’uw nap’an min thang owchamed u daken e re nam nem. Ma, re nam nem u ba’ nem e Jordan ni aray e ngam marod mpired ngay e, dabi n’uw napmed riy. Ya bay ni thirifmed u but’.

Deuteronomy 7:16

Mu thanged owchen urngin e girdi’ ko pi nam ni SOMOL ni Got romed e bayi pi’ nga pa’med, ma dab mu runguyed yad. Dab mu ted fan ara mu meybilgad ko pi got rorad. Ya gimed ra rin’ ma ra yib riy’en ngomed.

2 Timothy 2:26

Me sulan’rad ngorad ngar milgad nga orel ko wup rok mo’onyan’, ni ir e ke kolrad ke tayrad, yad be fol ko tin ni ba’adag.

Judges 2:21

ere dab kug tuluf girdi’en e pi nam ni rmagaygad u roy u nap’an ni yim’ Joshua.