Joshua 22:25 - Bible Ni Thothup

²⁵ Ir e tay e Jordan nib mathil u thildad, gimed e pi girdi’ rok Ruben nge Gad. Dariy rogmed ngak SOMOL.’ Ma aram e richey me taleg e pi’in owchemed e pi’in owchemad ndab ku ra liyorgad ngak SOMOL.

Joshua 22:25 Iomraidhean Croise

2 Samuel 20:1

Ma yigi buch ni immoy be’ u Gilgal nde fel’ ngonglen ni Sheba fithingan ni be’ nib pumo’on ni fak Bikri, ni yib ko fare ganong rok Benjamin. Me thoy Sheba e yabul me tolul ni ga’ar, “Ngan dariyfannag David! Dab da leked! Pi pumo’on nu Israel, mmarod ngad sulod nga tafedad!”

1 Kings 12:16

Ma fa’ani nang e girdi’ ni fare pilung e dabi motoyil ngorad, miyad tolul ni lungurad, “Kad math’gad David nge tabinaw rok! Mang e ren’en ni bfel’ ni kar rin’ed ngodad! Gadad yu Israel, e ngad sulod nga tafedad, me par Rehoboam rok nge mang ir e i ayweg ir!” Aram rogon ni togopluw yu Israel,

1 Kings 14:16

Bayi digey SOMOL yu Israel ni bochan e ke denen Jeroboam ma ke waliy e girdi’ nu Israel nga fithik’ e denen.”

1 Kings 15:30

Ran’ey e buch ni bochan e ke pug Jeroboam e damumuw rok SOMOL, ni Got nu Israel, ko pi denen nike ngongliy ma ku ir tapgin yu Israel ni denen.

Nehemiah 2:20

Mu gu fulweg ni lungug, “I Got nu tharmiy e bayi ayuwegmad nge fel’ e pin’en ni gamad be muruwliy, ya gamad e tapigpig rok, ere nggu tababgad ko maruwel. Ma gimed e dariy e f’oth romed ara mat’awmed ara rogomed nga Jerusalem.”

Psalms 16:5

SOMOL, i gur e gubin ban’en ngog, I gur e ga ma pi’ ngog urngin e tin ba t’uf rog; ma tin kabay e rran u puluwog e bay u lan pa’am.

Acts 8:21

Dariy mat’wum nge f’oth rom ko maruwel romow ni bochan e leam rom e de mat’aw u mit Got.

Joshua 22:24

Danga’! Kug rin’ed ni bochan e gamad be rus nri yan i daken bi’id me ga’ar e pi’in owchemed ngak e pi’in owchemad, ‘Mang rogmed ngak SOMOL, ni fare Got nu Israel?

Joshua 22:26

Ere ku gu toyed ba altar, ni gathi ngu’ug urfiyed e pi maligach u daken ara ngu’un pi’ e pi maligach riy,

Joshua 22:27

ya kemus nib pow ni fan ngak e tiromad e girdi’ nge tiromed, ma ku fan ngak e pi mfen ni bayib, nib riyul’ ni ug liyorgad ngak SOMOL u mit fare Tent rok nib thothup ngu’ug pi’ed e maligach romad ni mo’oruf, nib mu’un e pi maligach ngay nge maligach nma gapaseg thilin Got nge girdi’. Ren’em e nge taleg e pi’in owchmed ni dab roged ni pi’in owchamad e dariy rograd ngak SOMOL. Fan e ran’em e nge dabi yog e pi’in owchemed ngak e pi’in owchemad ni yad e dariy rogorad ngak SOMOL.

1 Samuel 26:19

Gur pilung, mmotoyil ko n’en ni nggog. Fa’anra SOMOL e ke pingegem kam togopluw ngog, mab maligach e yira pi’ ngak me thilyeg e leam rok; machane fa’anra ngongol rok boch e girdi’, me ere mang e yigi aw e buch wa’athan rok SOMOL nga dakenrad. Ni bochan e kar tulufedgag nga wuru’ e nam rok SOMOL kug wan ngab nam ni kemus ni yi go’ bogi got rok yug reb e nam e be yag ni gu tayfan.