Joshua 22:24 - Bible Ni Thothup

²⁴ Danga’! Kug rin’ed ni bochan e gamad be rus nri yan i daken bi’id me ga’ar e pi’in owchemed ngak e pi’in owchemad, ‘Mang rogmed ngak SOMOL, ni fare Got nu Israel?

Joshua 22:24 Iomraidhean Croise

Genesis 18:19

Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”

Genesis 30:33

Ya nge daken reb e kadbul mag ra pir’eg ni ug yul’yul’. Nap’an ni ga ra yib ni ngam guy puluwog, ma fa’anra bay reb e kaming rog nde myolyol ara wupwupnun’ fa reb e saf nde talmor, mag ra nang ni kan iring.

Exodus 13:14

Mra yani daken bi’id ni fith pifakmed ni pumo’on ko mangfan ni gimed be tayfan e rofen ney, mi gimed fulweg ni nge lungmed, ‘Bochan gelngin SOMOL nrib gel e fekmad riy nga wuru’ yu Egypt ni fare nam ni ug sibgad riy.

Deuteronomy 6:20

“Tin bayi yib e duw e ra fithmed pifakmed ni lungurad, ‘Mangfan ni yog SOMOL ni Got rodad ngomed ni ngu’um folgad ko urngin e pi motochiyel ney?’

Joshua 22:23

Fa’anra kug togopluwgad ngak SOMOL kug toyed e altar romad ni nggu urfiyed e pi maligach riy ara maligach ni grain ara maligach nma gapaseg thilin Got nge girdi’, me’ere nge mang SOMOL e nge gechig nagmad.

Joshua 22:25

Ir e tay e Jordan nib mathil u thildad, gimed e pi girdi’ rok Ruben nge Gad. Dariy rogmed ngak SOMOL.’ Ma aram e richey me taleg e pi’in owchemed e pi’in owchemad ndab ku ra liyorgad ngak SOMOL.

Joshua 4:6

Pi malang ney e nge puguran ngak e girdi’ e n’en nike rin’ SOMOL. Fa’anra yan i daken bi’id ni fith pifakmed ngomed fan e pi malang ney