Joshua 22:19 - Bible Ni Thothup

¹⁹ Ere chiney, e fa’anra nam romed e de bung ni ngu’un liyor riy, mi gimed yib ngalan e gin tafen SOMOL, ko gin’en ni bay e Tent rok riy. Mu feked bang e binaw romad ngam pired ngay. Machane dab mu togopluwgad ngak SOMOL fa mu mang niged gadad boch e pi’in tatogopluw ni fan e reb e altar ni ngam ngongliyed ngki cheg ko altar rok SOMOL ni Got rodad.

Joshua 22:19 Iomraidhean Croise

2 Kronicles 11:13

Ga’ngin yang e nug nu Israel ni yib e pi prist nge pi Levite riy ko yimuch nga Judah.

Exodus 15:17

Bay mu fekrad i yan ngam man mu tayrad ko burey rom, ni fa gin’em ni gur, SOMOL, e mu mel’eg ni tabnaw rom, ni fare Tempel ni ri gur e mu toy.

Daniel 10:13

Fare engel ni ir pilungen e nam nu Persia e rliw’ nge ta’reb e rran ni togopluw ngog; me Maikal, ni reb fapi pilungen e engel e yibi ayuwegneg, ya kan pageg u rom u lan yu Persia ni go’ gag rok fare pilungen e nam nu Persia.

Amos 7:17

Amaziah, bochan e re bugithin nir ni kamog, me ere be ga’ar SOMOL ngom, ‘Le’engim e bay i pi’ ir nchuway’ u lan binaw, ma pifakam e bay nli’rad u fithik’ e mael. Ma binaw rom e bay ni th’eth’ab u but’ nga ni pi’ ngak yugu boch e girdi’, me gur e bay mum’ u daken e nam rok e pi’in ndar nanged Got. Ma girdi’ nu Israel e rib mich ni bay nchuwegrad ko nam rorad ngan kalbus nagrad.’”

Joshua 18:1

Nga tomuren nike kol yu Israel fare nam miyad mu’ulung ni yad gubin nga Shiloh ngar n’ufed ngalang fare Tent u p’eowchen SOMOL.

Joshua 22:11

Ba’aray e n’en nnog ko tin ni magach e girdi’ nu Israel, “Mmotoyilgad! Fapi girdi ko ganong rok Ruben, nge Gad, nge ley ni Ngek e Manasseh e kar toyed ba altar u Geliloth, u ba’ rodad e Jordan!”