Joshua 21:4 - Bible Ni Thothup

⁴ Pi tabnaw ko fare ke girdi’ rok Kohath u lan e ganong rok Levi e th’abi som’on nni pi’ boch e binaw ngorad. Pi tabnaw ni owchen Aron ni prist e npi’ ragag nge dalip e binaw u daken e gin tafen Judah, Simeon nge Benjamin.

Joshua 21:4 Iomraidhean Croise

1 Kronicles 6:39

Asaf e gafaliy e bin l’agruw e ulung ko tang. Gathon e tabnaw rok Asaf ni tabab rok me yan nga tomur nge mada’ ngak Levi e bod ni ba’aray: Asaf, Berekiah, Shimea,

Exodus 6:16

I Levi e dalip e pagel ni fak ni aram e Gershon, Kohath, nge Merari; yad e chitamngin e yuke girdi’ nni tunguy fithingirad ngorad. Me Levi e par ni bfos nge gaman 137 e duw rok.

Exodus 6:20

I Amram e le’engiy Jokebed ni be’ ni bpin ni walagen e chitmangin, miyow diyennag Aron nge Moses. I Amram e par ni bfos nge yan i gaman 137 e duw rok.

Numbers 3:27

Fare ke girdi’ rok Kohath e yib fapi tabnaw rok Amram, nge Izhar, nge Hebron, nge Uzziel riy.

Joshua 21:3

Ere bod rogon ni yog SOMOL ngak e girdi’ nu Israel, ma aram miyad pi’ ngak e pi Levi boch e binaw rorad nge pi flang riy ni nge tafnay e gamanman rorad.

Joshua 21:5

Ma tin kabay ko fare ke girdi’ rok Kohath e npi’ ragag e binaw ngorad u daken e gin tafen pi Efraim, nge Dan nge ba’ ni Ngal e Manasseh.

Joshua 24:33

Me yim’ Eleazar nib mo’on ni fak Aron min k’eyag u Gibeah, chi binaw nem e bay u Efraim ni go’ burey nni pi’ ngak Finehas nib mo’on ni fak.