Joshua 21:27 - Bible Ni Thothup

²⁷ Ma fare ke girdi’ rok Gershon ni ka fare ganong rok Levi e ni pi’ l’agruw e binaw ngorad ko gin tafen e ba’ ni Ngek e Manasseh: Golan u lan yu Bashan (ni reb fapi binaw ntagil’ e ayuw) ngu Beeshterah, nge pi yungi flang riy ni fan ko gamanman.

Joshua 21:27 Iomraidhean Croise

1 Kronicles 6:47

Mahli, Mushi, Merari, Levi.

1 Kronicles 6:71

Pi tabnaw ko fare ke girdi’ rok Gershon e ni pi’ e yochi binaw ni ba’aray ngorad, nib mu’un ngay e yungi binaw riy ntagil’ e chugol gamanman: U lan fa gin tafen e Ba’ ni Ngek e Manasseh: Golan u lan yu Bashan, ngu Ashtaroth.

Deuteronomy 1:4

Weliy ngorad u tomuren nike mael SOMOL ke gel ngak Sihon ni Pilung ko Amorite. Mi Sihon e ma par u lan e binaw nu Heshbon ngi i gagiyeg. Ma ku er rogon Og ni Pilung nu Bashan, ni i gagiyeg u lan e binaw nu Ashtaroth ngu Edrei.

Deuteronomy 4:43

Binaw nu Bezer e tagil’ e ayuw rok e ganong rok Ruben, ni bang i ted ni desert; ma binaw nu Ramoth e fan ko ganong rok Gad, ni bay ko gin ba milsuwon ngak e Gilead; ma binaw nu Golan e fan ko fare ganong rok Manasseh, ni bay ko gin ba milsuwon ngak Bashan.

Joshua 20:8

Nge ba’ ni ngek ko Jordan u Jeriko e ra mel’eged yu Bezer u lan e binaw ko ganong rok Ruben, nge Ramoth u Gilead ni bay ko ganong rok Gad, ma Golan u Bashan ko ganong rok Manasseh.

Joshua 21:26

Pi tabnaw ney ko fare ke girdi’ rok Kohath e ragag e binaw u gubin nge yungi flang riy ni fan ko gamanman nni pi’ ngorad.

Joshua 21:28

Mu kun pi’ aningeg e binaw ngorad u lan tafen Issakar: Kishion, Daberath,

Joshua 21:6

Fare ke girdi’ rok Gershon e ni pi’ ragag nge dalip e binaw ngorad u daken e gin tafen Issakar, Asher, Naftali, nge ba’ ni Ngek e Manasseh.