Joshua 19:22 - Bible Ni Thothup

²² Ma mathil riy e kub peth nga Tabor, Shahazumah, nge Beth Shemesh, me yan i mus ko Jordan. Ragag nge nel’ u gubin e binaw nib mu’un e yuchi binaw nib liyeg e pi binaw ney ngay.

Joshua 19:22 Iomraidhean Croise

1 Kings 4:9

Bendeker: fapi binaw nu Makaz, Shaalbim, Beth Shemesh, Elon, ngu Beth Hanan

1 Kronicles 6:62

Fare ke girdi’ rok Gershon, nreb e tabnaw nge reb e ni pi’ ragag nge dalip e yochi binaw nu lan fa yungin tafen Issakar, Asher, Naftali, nge Ba’ ni Ngek e Manasseh u lan yu Bashan.

1 Kronicles 6:77

Ma tin kabay e tabnaw ko fare ke girdi’ rok Merari e ni pi’ e tin ba’aray e binaw ngorad nib mu’un ngay e yungi binaw riy ntagil e chugol gamanman: U lan e gin tafen Zebulun: yu Rimmono ngu Tabor.

Psalms 89:12

gur e mu tay e lel’och nge yimuch; Burey ni Tabor nge Burey ni Hermon e yow be tang nigem u fithik’ e felfelan’.

Jeremiah 46:18

I Gag fare SOMOL ni Gubin ma Rayag Rok, e gub pilung. I Gag fare Got nib fos. Bod rogon e Burey ni Tabor nib tolang ko pi burey nge fare Burey ni Karmel nib sak’iy ngalang u daken e day, e aram feni gel e cha’ nra cham ngomed.

Joshua 19:12

Me yan u rom ko ngek u Sarid ko mathil nu Kisloth Tabor, me yan nga Daberath nge forthog nga talang u Jafia.

Joshua 19:21

Remeth, Engannim, Enhaddah, nge Bethpazzez.

Joshua 19:23

Pi binaw ney nge pi yuchi binaw riy e go’ bay u daken fa gi but’ nni pi’ ngak e pi tabnaw nu lane ganong rok Issakar ni ngar tafned.

Joshua 19:38

Yiron, Migdalel, Horem, Bethanath, nge Beth Shemesh: ragag nge mereb e binaw u gubin nib mu’un e yochi binaw nib liyeg e pi binaw ney ngay.

Joshua 21:16

Ain, Juttah, nge Beth Shemesh, nge yungi flang riy ni fan ko chugol gamanman: mereb e binaw nni fek ko ganong rok Judah nge Simeon.

Judges 4:12

Minog ngak Sisera, ni Barak ni be’ nib mo’on ni fak Abinoam e ke yan nga daken e burey ni Tabor.

Judges 4:6

Reb e rran me mulwoliy Barak ni nge yib, ni be’ nib mo’on ni fak Abinoam nma par u lan e binaw nu Kedesh ni bay u lan yu Naftali, me ga’ar fare pin ngak, “SOMOL ni ir e Got rok piyu Israel, e ke motochiyel ngom ni be ga’ar: ‘Ngam fek 10,000 e pumo’on ko ganong rok Naftali nge Zebulun ngam gafaliyrad ko fare Burey nu Tabor.