Joshua 18:6 - Bible Ni Thothup

⁶ Mu yoloyed rogon ya’an e mathil ko medlip yang i binaw ney ngam feked i yib ngog. Ma aram e bay gu girengiy e pow nggu fith’ laniyan’ SOMOL ni Got rodad ni fan ngomed.

Joshua 18:6 Iomraidhean Croise

Psalms 105:11

I ga’ar, “Bay gu pi’ ngom e nam nu Kanaan; me par nike mil suwon ngom.”

Proverbs 16:33

Girdi’ e yad ma girengiy e pow ni ngar nanged ko mang e bm’agan’ Got ngay, machane Got e ir e ma duwgiliy e fulweg riy.

Proverbs 18:18

Fa’anra malu’ag thin l’agruw ni’ ni yow ba yargal u tafen e puf oloboch, ma ngan girengiy e pow nge puf fare pa’ i oloboch.

Numbers 33:54

Mu f’othed e binaw u daken e pi ganong nge yuke girdi’ ni rogon nike gagyel ko pow ni ka mu girengiyed, ni gin baga’ e binaw e nge yan ko ken nib ga’ e girdi’ ma gin ba’chig e nge yan ko ke girdi’ nib achig.

Numbers 34:13

Ma aram me ga’ar Moses ngak fapi girdi’ nu Israel, “Irera’ e binaw nrayag ngomed nike duwgil iip ko pow ni kan girengiy, ni fare binaw ni SOMOL e ke turguy ni ngan pi’ ko fa mereb nge balay e ganong.

Acts 13:19

Me therbeg Got girdi’en medlip e nam ni immoy u daken e nam nu Kanaan, me fek e tirok’ e girdi’ nge tayrad ngay nge mang yad e mil suwon e gi nam nem ngorad.

Joshua 14:2

Ni bod rogon ni yog SOMOL ngak Moses, ni duwgil ko pow nni girengiy nge gagyelnag e yungin ni nge milfan ngak fa mereb nge balay e ganong u ba’ ni ngal e Jordan.

Joshua 18:10

I Joshua e girengiy e pow ni fan ngorad u lan yu Shiloh u p’eowchen SOMOL, ma tin kabay e ganong nu Israel e ra reb me pi’ bang e binaw u lan fare nam ngak.

Joshua 18:7

Machane ganong rok Levi e dariy e f’oth rorad ko binaw u lan fare nam ni bod gimed, ni bochan e f’oth rorad e pigpig ni ngu’ur ted ni yad e pi prist rok SOMOL. Ma gimed manang faram ni pi ganong rok Gad, nge Ruben, nge ba’ ni ngek e Manasseh e kan mu’ i pi’ taferad binaw u ba’ ni ngek e Jordan, ni Moses ni tapigpig rok SOMOL e pi’ ngorad.”

Joshua 18:8

Me yan fapi pumo’on ni aram e ngar yaliyed ngar yoloyed ya’an e re nam nem u but’ u tomuren nike yog Joshua ngorad e tin ni ngar rin’ed ni ga’ar: “Mmarod u daken e re nam ney ni ga’ngin ngam yoloyed rogon ya’an u but’, mi gimed sul ngog. Ma aram u roy u Shiloh e bay gu fith lanyan’ SOMOL riy ni fan ngomed ko pow ni ngan girengiy.”