Joshua 18:28 - Bible Ni Thothup

²⁸ Zela, Haelef, Jebus (ara Jerusalem), Gibeah, nge Kiriath Jearim: ragag nge aningeg e binaw u gubin nib mu’un e yuchi binaw nib liyeg e pi binaw ney ngay. Irera’ e re gi but’ nni pi’ ni tafen e pi tabnaw nu lane ganong rok Benjamin.

Joshua 18:28 Iomraidhean Croise

2 Samuel 21:14

Ma aram mar k’eyeged yilen Saul nge Jonathan ngalan e malangen e yam’ rok Kish ni chitamngin Saul, u lan yu Zela u lan e gin nib milsuwon ngak Benjamin, pin’ey e go’ fare pilung e keyog ni ngan rin’. Ma tomuren e binem, me fulweg Got taban e pi meybil rorad ni fan ko fare nam.

2 Samuel 5:6

David ni Pilung nge girdi’ rok e ranod ngar maelgad ngak yu Jerusalem. Ma pi Jebus, ni aram e girdi’ ni be par u rom, e ra leam niged ndabiyag rok David ni nge kol e re binaw nem, ma aram me lungurad ngak, “Dabiyag ni nga mub ngalan e re binaw ney; pi’in ni malmit nge pi’in ni mugutgut e rayag rorad ni ngar ted gur ndabiyag ni nga mub ngalan.

2 Samuel 5:8

Rofen nem e ga’ar David ngak e girdi’ rok, “Gur bay be’ u roy ni fanenikan e pi Jebus ney ni bod rogog? Nikam taw ngabang nrayag ningam thang e pogofan rorad? Ra bay me yan u wol’ e ran ngalang nge og ngak e pi malmit nge pi mugutgut nem ni gafgow.” (Aram tapgin me lunguy, “Pi’in ni malmit nge pi’in ni mugutgut e dabiyag ni ngranod ngalan e naun rok SOMOL.”)

1 Kronicles 8:28

Irera’ e pi ga’ rorad ni lolgen e pi tabnaw rorad ni kakrom nge pi’in owcherad nib ga’ ni ur pired u Jerusalem.

Isaiah 10:29

Ra thumurgad ko fare wo’ ni wa’ich’ich miyad toffan reb e nep’ u Geba. Ma girdi’ nu lan fachi binaw nu Ramah e rrusgad, ma girdi’ nu lan e binaw rok i Saul ni Pilung u Gibeah e ra milgad.

Jeremiah 6:1

Gimed girdi’en e Benjamin, mmil naged e pogofan romed! Mmilgad ngam chuwgad u Jerusalem! Mu thoyed e rappa’ u lan yu Tekoa mi gimed k’eg ba nifiy ni pow u lan yu Beth-Haccherem. Riya’ nge gafgow e nge yib ko lel’och.

Hosea 10:9

Be ga’ar SOMOL, “Piyu Israel e dawor rtalgad ko denen nib togopluw ngog ni ka nap’an e ra denengad u Gibeah. Ere u rom u Gibeah e yad ra machda’nag e mael riy.

Numbers 26:38

Fare ganong rok Benjamin: e fa yuke girdi’ ni Bela, Ashbel, Ahiram,

Numbers 26:54

Yungi binaw nib ga’ yang e nge fanay e pi ganong nib yo’or girdi’en, ma yungin ba’chig e binaw e nge fanay e pi ganong nib lich girdi’en; ra reb e pi ganong nem ma nge yag ngak e binaw nib m’ag ga’ngin nga urngirad.

Numbers 33:54

Mu f’othed e binaw u daken e pi ganong nge yuke girdi’ ni rogon nike gagyel ko pow ni ka mu girengiyed, ni gin baga’ e binaw e nge yan ko ken nib ga’ e girdi’ ma gin ba’chig e nge yan ko ke girdi’ nib achig.

Joshua 15:63

Machane pi girdi’ rok Judah e de yag rorad ni ngar tulufed u Jerusalem e pi Jebusite ni ur pired u rom. Pi Jebusite e kayad bay u rom ni yad be par u fithik’ e pi girdi’ nu Judah.

Joshua 15:8

me sor nga talang nge yan u lan fare Loway ni Hinnom ni bay u ba’ ni yimuch ko fachi burey, ni aram e gin’en u Jerusalem ni immoy fare binaw rok piyu Jebus riy. Miki forthog fare mathil u rom ngalang nga p’ebgul fachi burey u ba’ ni ngal ko fare Loway ni Hinnom, ni bay u ley ni lel’och ko fare Loway ni Refaim.

Joshua 18:16

Ma aram me yan e mathil u rom nga pe’ning nga enggin fare burey ni yira changar riy min guy fare Loway ni Hinnom, ni bay u ley ni lel’och ko fare Loway ni Refaim. Ma aram me sor ko yimuch nge th’ab e Loway ni Hinnom, ko yimuch u p’ebgul e burey ko pi Jebus, me yan riy nga Enrogel.

Joshua 18:27

Rekem, Irpeel, Taralah,

Joshua 19:1

Ma en ni migid nni pi’ e binaw rok e fapi tabnaw nu lan e ganong rok Simeon. Fare gi binaw e yan nge taw nga daken e gi but’ nni pi’ ko ganong rok Judah.

Judges 1:21

Machane pi girdi’ ko fare ganong rok Benjamin e dar tulufed piyu Jebus ni yad be par u Jerusalem, miki par piyu Jebus u rom ngu’ur pired u fithik’ e girdi’ rok Benjamin ni ka’aram n’umngin nap’an.

Judges 19:10

Machane fare mo’on e daki m’agan’ ngay ni ngki par reb e nep’ u rom, ma aram me yan fare pumo’on nge fare pin rok, nike un fare sib ngorow nge l’agruw i dongki ni bay e saddle u daken keru’row. Ke blayal’ e rofen nem ma karbad i yib nga charen yu Jebus (ni aram yu, Jerusalem), aram me ga’ar fare tapigpig ngak e masta rok, “Mangfan ni dab da talgad ngad pired e re nep’ ney u lan e re binaw nu Jebus ney?”

1 Samuel 10:26

Ma ku er rogon Saul ni sul nga tafen nga Gibeah nike un boch e pumo’on ngak nib gel, ni Got e ke mithmitheg lanin’rad.