Joshua 17:1 - Bible Ni Thothup

¹ Bang ko fare gi but’ ni bay ko ngal u Jordan e ni pi’ ngak boch fapi tabnaw ni owchen e bin nganni’ e pumo’on ni fak Josef ni aram Manasseh. Me Makir e chitamngin Gilead ma irreram e bin nganni’ e pumo’on u fak Manasseh, cha’anem i Makir e reb e salthaw nrib cheag mab flu’, ere ni pi’ yu Gilead nge yu Bashan ngak ni bay ko ngek ko Jordan.

Joshua 17:1 Iomraidhean Croise

Genesis 41:51

Me ga’ar Josef, “I Got e ke ayuwegneg kug pag talin urngin e gafgow ni kug tay nge urngin e girdi’ u tabinaw rok e chitamag”; ma aram me tunguy Manasseh.

Genesis 41:52

Miki ga’ar, “Re nam ni kug pir’eg e gafgow riy, e ir e ke pi’ Got e bitir ngog riy”; ma aram me tunguy fithingan e bin l’agruw e pagel ni fan ni Efraim.

Genesis 46:20

U lan yu Egypt e fakay Josef l’agruw e pumo’on riy, ni Manasseh nge Efraim, rok Asenath, ni be’ ni bpin ni fak Potifera, ni ir e prist u lan yu Heliopolis.

Genesis 48:17

Me dabuy Josef ni fa’ani guy nike tay e chitamngin e ba’ ni mat’aw i pa’ nga daken chugen Efraim; me kol pa’ e chitamngin ni nge chuweg u daken chugen Efraim nge tay nga chugen Manasseh.

Genesis 48:18

Me ga’ar ngak e chitamngin, “Chitamag, gathi er rogon. Biney e ir e bin ilal; mu tay e ba’ ni mat’aw i pa’am nga daken chugen.”

Genesis 50:23

I par Josef nge guy e bitir rok Efraim nge bitir rok e bitir rok Efraim. Fa’an nni gargeleg pifak Makir, ni be’ nib mo’on ni fak Manasseh, me tayrad Josef ni yad girdi’en e tabinaw rok.

2 Samuel 2:9

Mu rom e tay Abner i Ishbosheth ni nge mang pilung ko fa yungi nug nu Gilead, Asher, Jezreel, Efraim, ngu Benjamin, nge ku gubin yang u daken yu Israel.

1 Kronicles 2:23

Machane nam nu Geshur ngu Aram e ra kolew nel’i ragag e yochi binaw u rom, nib mu’un fa galochi binaw ni Jair nge Kenath ngay, nge pi yochi binaw nib chugur ngay. Urngin e pi girdi’ ni yad ma par u rom e pi’in ni owchen Makir ni chitamngin Gilead.

Ezekiel 47:13

I SOMOL ni Th’abi Tolang e ga’ar, “Irera’ e pi mathil ko binaw ni ngan f’oth u daken fa ragag nge l’agruw i ganong, birok Josef e ganong e rayag ngorad l’agruw guruy.

Numbers 26:29

Fare ganong rok Manasseh. I Makir ni be’ ni pagel ni fak Manasseh e ir e chitamngin Gilead, ma yuke girdi’ ni ba’aray e sum e ga’ rorad rok Gilead:

Numbers 27:1

I Mahlah, Noah, Hoglah, Milkah nge Tirzah e bogi ppin ni fak Zelofehad nib mo’on ni fak Hefer nib mo’on ni fak Gilead nib mo’on ni fak Makir nib mo’on ni fak Manasseh nib mo’on ni fak Josef.

Numbers 32:33

Me pi’ Moses urngin e binaw rok Sihon ni Pilung nu Amorite nge Og ni Pilung nu Bashan ko ganong rok Gad nge Ruben nge baley ko ganong rok Manasseh, nib mu’un ngay e yochi binaw nge charen i yan.

Deuteronomy 21:17

Fare pumo’on e nge pi’ ngak e bin nganni’ i fak ni pumo’on l’agruw e f’oth ko gayog rok, ni yug aram rogon ni gathi ireram e bin fak fare pin ni ba’adag. Thangri fel’ u wan’ fare matam e bin nganni’ i fak nib pumo’on nge pi’ ngak e f’oth rok nrogon nib mat’aw ko yalen.

Joshua 17:2

Ma bang e binaw ni bay nga ba’ ni ngal u Jordan e ni pi’ ngak e tin kabay ko fapi tabnaw rok Manasseh, ni aram Abiezer, Helek, Asriel, Shekem, Hefer, nge Shemida. Pi cha’ney e pumo’on ni owchen Manasseh ni fak Josef, ma yad lolugen e pi tabnaw.

Joshua 22:7

Baley ko ganong rok Manasseh e pi’ Moses e binaw nu Bashan ngorad, ma ley ni aw ko fare ganong e pi’ Joshua bang e binaw ko ngal u Jordan ngorad u charen pi walagrad. Nap’an ni yog Joshua ngorad ni ngar sulod nga taferad me fal’eg wa’athrad,

Judges 5:14

Rabad u Efraim ngalan e loway ni yad be lek e ganong rok Benjamin. Me yib e pi’in yad be tay murung’agen e salthaw u Makir nga pe’ning, ma pi tolang ko salthaw e rabad u Zebulun nga pe’ning.