Joshua 14:15 - Bible Ni Thothup

¹⁵ U m’on ni buch e pin’ey ma yu Hebron e yima yog ni binaw rok Arba. (I Arba e cha’ nth’abi gilbugwan ma ba tagyet rok e pi Anakim.) Ma ngiyal’ney e ba gapas langgin fare nam.

Joshua 14:15 Iomraidhean Croise

Genesis 23:2

Me yim’ u Hebron u lan yu Kanaan, me kireban’ Abraham me mowawnag.

Genesis 35:27

Me yan Jakob ngak Isak ni chitmangin nga Memre, u charen yu Hebron, ni aram e gin i par Abraham nge Isak riy.

Genesis 37:14

Me ga’ar e chitamngin ngak, “Mman, ngam guy pi walagem ngam nang salprad ma ga nang ko kabfel’ rogon e gamanman fa danga’; ma ga sul ngamog ngog.” Ma aram me l’oeg e chitamngin Josef u lan e loway u Hebron nge yan. Fa’an ni taw nga Shekem,

1 Kronicles 6:4

Ba’aray e pi’in owchen Eleazar u reb e mfen ngu reb: Finehas, Abishua,

Nehemiah 11:25

Bo’or e girdi’ ni urpired u lan e yochi binaw nib chugur ko milay’ rorad. Ma pi girdi’en e ganong rok Judah e urpired u lan yu Kiriath Arba, Dibon, Jekabzeel, ngu lan e yuchi binaw nib chugur ko pi binaw ney.

Joshua 11:23

Me kol Joshua fare nam ni ga’ngin, ni bod ni yog SOMOL ngak Moses. Me pi’ Joshua fare nam ngak piyu Israel ngar tafned miyad tay e f’oth riy nra reb e ganong ma bang. Ma aram me toffan e girdi’ ko mael.

Joshua 14:14

Yu Hebron e kab milfan ngak e pi’in owchen Kaleb nib mo’on ni fak Jefunneh ni reb e Kenizzite, ni bochan e i tay u gil’ ngi i fol rok SOMOL, ni Got rok yu Israel.

Joshua 15:13

Bang ko fare gi binaw rok Judah e ni pi’ ngak Kaleb nib mo’on ni fak Jefunneh, ni be’ ko fare ganong rok Judah, ya aray rogon ni yog SOMOL ngak Joshua ni nge rin’. I yag yu Hebron ngak, ni fare binaw nib milfan ngak Arba, ni chitamngin Anak.

Joshua 21:11

Ni pi’ ngorad fare binaw nu Arba (Arba e chitamngin Anak), chiney e yima yog yu Hebron ngay, ni bang ni go’ burey u Judah, nib mu’un e flang riy ngay nib liyeg ni fan ko chugol gamanman.

Joshua 21:12

Machane, yungi flang ko re binaw nem nge yuchi binaw riy, e go’ kan pi’ ngak Kaleb nib mo’on ni fak Jefunneh ni nge tafnay.

Judges 1:20

Nni pi’ yu Hebron ngak Kaleb ni bod ni yog Moses, ya Kaleb e tuluf fa dalip ke girdi’ ni sum ko Anak nga wuru’ fare binaw.

Judges 3:11

Me aw e gapas u lan fare nam ni aningeg i ragag e duw, ma aram me yim’ Othniel.

Judges 3:30

Rofen nem e gel yu Israel ngak yu Moab, ma aram me aw e gapas u lan fare nam ni meruk i ragag e duw.

Judges 5:31

SOMOL, mange yigi yim’ urngin e pi to’ogor rom ni aram rogon, machane pi’in gab t’uf rorad e nge gal rama’erad ni bod e yal’ ni be yib ngalang! Ma aram me yib e gapas nga daken e nam ni aningeg i ragag e duw.

Judges 8:28

Ma ke gel piyu Israel ngak piyu Midian ko mael, me par piyu Israel ndakurir rusgad ngak piyu Midian. Me par e re nam nem nike aw e gapas riy ni aningeg i ragag e duw, nge mada’ ko ngiyal’ nike yim’ Gideon.

1 Samuel 30:31

ngu Hebron. I pi’ e pin’ey nga urngin yang ni ur ranod e salthaw rok riy.