Joshua 14:1 - Bible Ni Thothup

¹ Babyoren rogon fare but’ nu Kanaan u ba’ ni ngal e Jordan nni f’oth u daken e pi girdi’ ney nu Israel. I Eleazar ni prist, nge Joshua nib mo’on ni fak Nun, nge pi’in yad ma yog e thin ko pi tabnaw u lan fapi ganong nu Israel e ra f’othed fare gi but’ rok e girdi’ ni gubin.

Joshua 14:1 Iomraidhean Croise

Ezra 7:5

nib mo’on ni fak Abishua, nib mo’on ni fak Finehas, nib mo’on ni fak Eleazar, nib mo’on ni fak Aron ni ir fare Prist ni Th’abi Ga’—

Ezekiel 45:1

Nap’an ni yira f’oth e binaw ni ngan pi tafen reb e ganong nge reb, ma bay bang riy ni yira pi’ ngak SOMOL. Ni regi binaw nem e ragag e mayel n’umngin ma meruk e mayel radan. Ga’ngin e re gin’em nra par nib thothup.

Numbers 34:13

Ma aram me ga’ar Moses ngak fapi girdi’ nu Israel, “Irera’ e binaw nrayag ngomed nike duwgil iip ko pow ni kan girengiy, ni fare binaw ni SOMOL e ke turguy ni ngan pi’ ko fa mereb nge balay e ganong.

Numbers 34:16

Me ga’ar SOMOL ngak Moses,

Acts 13:19

Me therbeg Got girdi’en medlip e nam ni immoy u daken e nam nu Kanaan, me fek e tirok’ e girdi’ nge tayrad ngay nge mang yad e mil suwon e gi nam nem ngorad.

Deuteronomy 12:10

Nap’an ni gimed ra th’ab e lul’ ni Jordan nga baraba’ ma bayi pagmed SOMOL ngam marod ngalan e re nam nem ngam pired riy. Bayi yororiymed rok urngin e pi to’ogor romed, ya nge yag ni mu pired u fithik’ e gapas.

Joshua 13:6

Re gi binaw ney e ba mu’un ga’ngin e binaw rok piyu Sidon ngay, ni yad ma par ko fare binaw ni go’ burey u thilin fapi Burey nu Lebanon ngu Misrefoth Maim. Bay gu tuluf urngin e pi girdi’ ney nga wuru’ e binaw nnap’an ni be yib e girdi’ nu Israel i yib. Thingar mu f’oth fare gi binaw u daken piyu Israel, nri bod ni kugog ngom ni ngam rin’.

Joshua 19:51

I Eleazar ni prist, nge Joshua nib mo’on ni fak Nun, nge pi’in yad ma yog e thin rok e pi tabnaw ko pi ganong nu Israel e ra pi’ed e yungi binaw ney ni bod rogon ni duwgil ko pow nra girengiyed ni yad be fith lanyan’ SOMOL u Shiloh, u langan e mab ko fare Tent u p’eowchen SOMOL. Aray rogon nra ted e f’oth ko fayu ngi binaw.

Joshua 21:1

Pi’in yad ma yog e thin ko pi tabnaw nu lane ganong rok Levi e ranod ngak Eleazar ni prist, nge Joshua ni be’ ni pumo’on ni fak Nun, nge ngak e pi’in lolgen e pi tabnaw u gubin fapi ganong nu Israel.