Joshua 10:36 - Bible Ni Thothup

³⁶ Ma nga tomuren e ren’ey me yan Joshua nge salthaw rok u Eglon ngar farthoggad nga fithik’ e burey nga Hebron, ngar chamgad ngay

Joshua 10:36 Iomraidhean Croise

Genesis 13:18

Ma aram me pug Abram e pi tent rok nge yan i par nga bang nib chugur ko fa yu ke gek’iy ni oak ni bay u Mamre ni bangi n’en ni bay u Hebron, mu rom e ubung ba altar riy ni fan ngak SOMOL.

1 Kronicles 12:23

Nap’an ni immoy David u Hebron, ma bo’or e salthaw ni kan fonow nagrad ko mael nra manged ko fa raba’ i salthaw rok ni ngar ayuweged nge mang pilung nge yan nga luwan Saul, ni bod nike micheg SOMOL. Ba’aray urngirad u reb e ganong ngu reb: Judah: 6,800 e pumo’on ni bay rorad talin e cham ni bfel’ rogon, kar feked e shield nge sarey; Simeon: 7,100 e pumo’on ni kan fonow nagrad ko mael ni bfel’ rogon; Levi: 4,600 e pumo’on; Pi gachalpen Jehoyada ni be’ ni owchen Aron: 3,700 e pumo’on; Pi girdi’en Zadok ni be’ ni kab pagel nib bung ko cham: rliw’ nge l’agruw e pi tagafaliy e salthaw; Benjamin (ganong rok Saul): 3,000 e pumo’on (bo’or e girdi’ rok Benjamin nra pired ni kayad ba yul’yul’ ngak Saul); Efraim: 20,800 e pumo’on nib gilbugwarad u fithik’ fa yuke girdi’ rorad; Ba’ ni Ngal e Manasseh: 18,000 e pumo’on nni mel’egrad ni ngranod ra guyed rogon nge mang David e pilung; Issakar: 200 e tolang ko salthaw, nib mu’un e pi salthaw ngay ni yad ma gafaliyrad (pi tolang ko salthaw ney e yad manang e n’en nthangri rin’ yu Israel nge ngiyal’ nib manigil ni ngan rin’ riy); Zebulun: 50,000 e salthaw ni yad ba yul’yul’ mab pagan’uy ngorad ni kar fal’eged rograd ko cham, ma kan fonow nagrad u rogon e cham ko gubin mit talin e cham; Naftali: 1,000 e pi tolang nge cheag 37,000 e salthaw ngay ni bay e yungi shield nge sarey rorad; Dan: 28,600 e salthaw ni kan mu’ i fonow nagrad; Asher: 40,000 e salthaw ni kar fal’eged rogorad ni fan ko mael; Pi ganong u ba’ ni Ngek e Jordan — Ruben, Gad, nge ba’ ni Ngek e Manasseh: 120,000 e salthaw ni kan fonow nagrad u rogon e cham ko gubin mit e talin e cham.

2 Kronicles 11:10

Zorah, Aijalon, ngu Hebron.

Numbers 13:22

Ranod nsom’on ngalan e yimuch ko fare nam marbad u rom nga Hebron, ko gin nma par fa yuke girdi’ ni Ahiman, nge Sheshai, nge Talmai riy, ni yad e pi’in owchen bmit i girdi’ nib n’un’uw ma ba tagiyet ni kanog e Anakim ngorad. (Hebron e sum ni unpar riy ni medlip e duw nga m’on mfin nnib ni par nge sum e binaw nu Zoan u Egypt.)

Joshua 10:3

Me l’oeg Adonizedek e thin nge yan ngak Hoham ni ir e Pilung nu Hebron; nge ngak Piram ni Pilung nu Jarmuth; nge ngak Jafia ni Pilung nu Lakish; nge ngak Debir ni Pilung nu Eglon ni ga’ar,

Joshua 10:35

Ma ka rofen nem miyad kol fare binaw ngar li’ed gubin e girdi’ u rom ngarm’ad, nri bod rogon ni kar rin’ed u Lakish.

Joshua 10:37

ngar koled. Mar thanged e fan rok fare pilung nge gubin e girdi’ nu lan fare binaw ma ku’er i tay e pi yochi binaw nib chugur ngay. Me duwgiliy Joshua fare binaw ni ngan gathay nge aw ni dakuriy tulwen u but’, nri bod rogon ni kar rin’ned nga Eglon. Dariy ta’abe’ nra paged ni kabfos.

Joshua 10:5

Re lal i pilung ko pi Amorite nem, ni aram e pilung nu Jerusalem, ngu Hebron, ngu Jarmuth, ngu Lakish, ngu Eglon e ra mu’ulunggad nge yu raba’ i salthaw rorad ngar longobiyed e binaw nu Gibeon miyad cham ngay.

Joshua 15:13

Bang ko fare gi binaw rok Judah e ni pi’ ngak Kaleb nib mo’on ni fak Jefunneh, ni be’ ko fare ganong rok Judah, ya aray rogon ni yog SOMOL ngak Joshua ni nge rin’. I yag yu Hebron ngak, ni fare binaw nib milfan ngak Arba, ni chitamngin Anak.

Joshua 15:54

ngu Humtah, ngu Hebron, ngu Zior: mereb e binaw u gubin nib mu’un e yuchi binaw nib liyeg e pi binaw nem ngay.

Joshua 21:13

Yungin nchagiy nga Hebron (Hebron e reb fapi binaw ntagil’ e ayuw) ngan pi’ ngak e pi’in owchen Aron ni prist e yu,

Judges 1:10

Ranod ko togopluw ngak piyu Kanaan ni yad be par u lan fare binaw nu Hebron, ni ku’un pining yu Kiriath Arba ngay. Mu rom e ra gelgad ngak fa yuke girdi’ rok Sheshai, Ahiman, nge Talmai.

Judges 1:20

Nni pi’ yu Hebron ngak Kaleb ni bod ni yog Moses, ya Kaleb e tuluf fa dalip ke girdi’ ni sum ko Anak nga wuru’ fare binaw.