Jonah 4:5 - Bible Ni Thothup

⁵ Me yan Jonah nga wuru’ fare binaw ko ba’ ni ngek, me yan i par nga but’. Me ngongliy bang i ban’en nge naf ko tagalul’ riy, ni be son ni nge guy e n’en ni nge buchi u Nineveh.

Jonah 4:5 Iomraidhean Croise

1 Kings 19:13

Fa’ani rung’ag Elijah fare lam me upunguy owchen ko thal ni wuru’ e mad rok, me yib nga wean nge yib i sak’iy nga langan fare yiy. Me ga’ar ba lam ngak, “Elijah, mang e ga be rin’ u roy?”

1 Kings 19:9

Me yan ngalan ba yiy u rom nge par riy e re nep’ nem. Me gin nike ga’ar SOMOL ngak, “Elijah, mang e ga be rin’ u roy?”

Isaiah 57:17

Gu damumuw ngorad ni bochan e denen rorad, ma go’ yad e ngi i fel’ ngorad, ma aram mu ggechig nagrad nggu n’agrad. Machane rib gelan’rad ki yad be yan u kanawo’ rorad ni kireb.

Jeremiah 20:9

Machane fa’anra lungug u wun’ug, “Dab kug leamnag SOMOL ma dab kug weliy ban’en u fithingan,” ma aram e thin rom e ke bod ba nifiy ni be yik u fithik’ i lanin’ug nib to’ar. Mu gguy rogon ni nggu par nga daken, machane dabiyag ni nggu tay rog.

Jonah 1:5

Ma urngin fapi sala nrusgad miyad tolul nra bagyad ma be man ayuw ko birok e got. Miyad yin’ e chugum nu barkow nga maday, ni nge ba’ud e barkow. Ma ngiyal’ i nem ma ke yan Jonah i mol nga mayum ko barkow, ni kari mol.

Jonah 4:4

Me fulweg SOMOL ni ga’ar, “Mang mat’wum ni ngam damumuw?”

Jonah 4:6

Me gagiyegnag SOMOL ni Got ba ke gek’iy” nge ilal nge yib i upunguy Jonah, nge pi’ e tagalul’ ngak ni fan e nge dabi gafgow ko gowel, mri felan’ Jonah ko fare ke gek’iy.