Jonah 4:3 - Bible Ni Thothup

³ SOMOL, mu thang e pogofan rog, ya kabfel’ ni gu ra yim’ ko bin ni nggu par ni gub fos.”

Jonah 4:3 Iomraidhean Croise

1 Kings 19:4

me yan Elijah u but’ ni reb e rran ni be sor i yan nga daken e ted. Me tal nga tan ba ke gek’iy ko gin nib tagalul’, ngi i athpeg u wan’ ni manga yigi yim’. Me meybil ni ga’ar, “SOMOL, re gafgow ney ni aray ga’ngin e dabkiyag rog. Mfek e pogofan rog, ya kabfel’ ni nggum’!”

Eklesiastes 7:1

Bbugwan ni bfel’ e kabfel’ boch nga ba florida nib tolang puluwon; ma rofen ni ga ra yim’ e kabfel’ boch ko rofen nni gargelegem.

Eklesiastes 7:9

Mu kol ayuw ko damumuw rom; defel’ ni ngam cha’riy e kireb u wun’um.

Jeremiah 8:3

Ma girdi’ ko re nam ni kireb ney ni magach nde yim’, ni yad be par ko yungi n’en ni kug weregrad riy, e ku yad ba’adag ni ngarm’ad ko bin ni ngar pired ni yad bfos. I Gag SOMOL ni Gubin ma Rayag Rok e gu be non.”

Jonah 4:4

Me fulweg SOMOL ni ga’ar, “Mang mat’wum ni ngam damumuw?”

Jonah 4:8

Ma fa’ani tolang e yal’ i yan, me l’oeg Got e nifeng nib gowel nge yib ko ngek, me chugur ni nge aw Jonah nga but’ ni bochan gowelngin e yal’ ni be aw ngak. Me finey ni manga yim’. Me ga’ar, “Kabfel’ ni gu ra yim’ ko bin ni nggu par ni gub fos.”

Numbers 11:15

Fa’anra irera’ e n’en ni ngam rin’ ngog, me ere mu runguyeg ngam thang e pogofan rog nggu chuw ko gafgow.”

Numbers 20:3

ngu’ur nonod nib togopluw ngorow ni be lungurad, “Fa’an mang e gu uned ngak fa tinem e girdi’ nu Israel ko yam’ u m’on ko Tent rok SOMOL, ma kabfel’.

1 Korinth 9:15

Machane dawor gu maruwel nga reb e pin’en ni mat’wug ney, ara gu be yoloy e re bugithin ney e chiney ni fan e ngan pi’ ngog e pin’en ni mat’wug nem ni nge yib fan ngog. Ku gub adag ni gu ra yim’! Dariy be’ ni nge n’ag fan mat’wug ni bay nrayag ni gu weliy murung’ageg!