Jonah 4:2 - Bible Ni Thothup

² Ma aram me meybil ni ga’ar, “SOMOL, gu be fithem, gathi gog faram u m’on ndawor gu pag e tabinaw rog, ni irera’ e n’en ni ga ra rin’? Aram fan ni gu athamgil nggu mil nga Tarshish! Ya gu manang ni gur ba Got ni gab sumunguy ma ri ga ma runguy e girdi’; ma gubin ngiyal’ ni gab gumaen’, ma gubin ngiyal’ ni gab gol, ma gubin ngiyal’ ni kam fal’eg rogom kam par nrayag ni ngam thiliyeg lanin’um nge dab kum pi’ e gechig.

Jonah 4:2 Iomraidhean Croise

1 Kings 19:4

me yan Elijah u but’ ni reb e rran ni be sor i yan nga daken e ted. Me tal nga tan ba ke gek’iy ko gin nib tagalul’, ngi i athpeg u wan’ ni manga yigi yim’. Me meybil ni ga’ar, “SOMOL, re gafgow ney ni aray ga’ngin e dabkiyag rog. Mfek e pogofan rog, ya kabfel’ ni nggum’!”

Psalms 103:8

I SOMOL e rib marnguy ma ba ga’ e t’ufeg rok, ba sowath nma yib e damumuw ngak, ma ba sug ko t’ufeg ni dabimus.

Psalms 145:8

I SOMOL e ba t’uf e girdi’ rok mma runguyrad, ba sowath ni nge damumuw ma ba sug ko t’ufeg ni dabimus.

Psalms 78:38

Machane Got e ma runguy e girdi’ rok. I n’agfan u wan’ e denen rorad made thang owcharad. Ba yo’or yay ni i k’adan’ ko damumuw ngi i par nga daken gelngin e damumuw rok.

Psalms 86:15

Machane gur Somol e ga ba Got nri gama runguy ma bt’uf e girdi’ rom, gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.

Psalms 86:5

Gur e gab gol ngomad ma ga ma n’agfan u wun’um e kireb romad, ma gubin e pi’in yad ma meybil ngom e yad ba sug ko fare t’ufeg rom ni dabimus.

Psalms 90:13

A SOMOL, uw n’umngin nap’an ni ngki par e damumuw rom? SOMOL mu runguy e pi tapigpig rom!

Exodus 32:14

Ma aram me thiliyeg SOMOL laniyan’, ma daki fek fare riya’ i yib ngak e girdi’ rok ni fa’ani yog ni nge rin’.

Jeremiah 18:8

ma fa’anra pi’ girdi’en e re nam nem keru’rad ko kireb rorad, ma aram dab ku gu rin’ e tin kugog ni nggu rin’ ngorad.

Jeremiah 20:7

SOMOL, ka mu ban nigeg ku gu aw ko ban. Gur e ga ba gel ngog, are ka rim gel ngog. Urngin e girdi’ ni yad be moning nigeg; polo’ e rran ni yad be minmin ngog.

Jeremiah 26:13

Thingar mu thiliyeged pangimed nge ngongol romed ngam folgad ko thin rok SOMOL ni ir e Got romed. Ma fa’an gimed ra rin’, ma ra thiliyeg laniyan’ ko riya’ nike yog ni bayi girengiy nga dakenmed.

Jeremiah 42:10

‘Fa’anra ba m’ag u wan’med ni ngkum pired u daken e re nam ney, ma bay gu ubungimed ngalang ma gathi nggu buthugmed nga but’; bay gu yungmed ma gathi nggu pugmed ngalang. Fare riya’ ni gu fek nga dakanmed e ke kireban’ug ngay.

Amos 7:3

Me piliyeg SOMOL laniyan’ me ga’ar, “N’en ni kam guy e dabki yodorom.”

Amos 7:6

Me thiliyeg SOMOL laniyan’ bayay me ga’ar, “Ku er rogon e biney ni dabki yodorom.”

Jonah 1:3

Machane me mil Jonah rok SOMOL nge yan nga Tarshish. I yan nga Joppa, me pir’eg ba barkow u rom ni be n’en ni nge yan nga Tarshish; me pi’ puluwon nge un nga daken me cheag ngak e sala ko re barkow nem ngranod nga Tarshish, nike mal’af rok SOMOL.

Jonah 3:10

Me guy Got e tin kar rin’ed; me guy ni kar paged e kireb ni yad be ngongliy. Ma aram me thiliyeg laniyan’ nge daki pag fare riya’ nge yib ngorad ni bod rogon ni yog ni bayi rin’.

Jonah 3:9

Ma aram e sana ra thiliyeg Got laniyan’; ma sana ra tal e damumuw rok, me siy da m’ad!”

Mikah 7:18

SOMOL, dakuriy yugu reb e got nga bang ni bod gur; kam n’ag fan e denen rok e tin ke magey ko girdi’ rom. Damur par ni gab damumuw ni dariy n’umngin nap’an, ga ba felan’ ngay ni ga ma dag ngomad fare t’ufeg rom ni dabimus.

Luke 10:29

Machane fare tamchib ko Motochiyel e ba’adag ni nge yan i par ni ir be’ nib mat’aw, ma aram me fith ngak Jesus ni ga’ar, “Mini’ e en ni ir e mmigid ngog?”

Deuteronomy 4:31

I SOMOL ni Got romed e ba Got ko runguy. Dabi n’agmed fa thang owchemed. Ya dabi pag talin fare m’ag ni ngongliy u thilin pi chitamangimed nge ir.