Jonah 3:6 - Bible Ni Thothup

⁶ Nap’an ni rung’ag e en ni pilung nu Nineveh e re bugithin nem, me sak’iy u tagil’ ngalang, me luf madan e pilung u daken, me yin’ e mad ni tutuw me yan i par nga fithik’ e awat.

Jonah 3:6 Iomraidhean Croise

1 Kings 21:27

Fa’ani mu’ Elijah ko welthin, me guchthuy Ahab e mad rok nge chuweg u daken, me yin’ e mad ni tutuw nga daken. Me par ndaki abich, mi i mol ni kabay fare tutuw ni mad u daken, mi i yan ni kari kireban’.

BABYOR NI JOB 2:8

Me fek Job bochiyang u ba th’ib ni but’ nike pil ngi i ker downgin ngay me yan i par nga fithik’ e awat ko gin yima yan nn’ag e awat ngay.

BABYOR NI JOB 42:6

ere kug tamra’ nga urngin e tin ku gu weliy ma kug kolngan’ug u roy u fithik’ e fiyath nge awat.

Isaiah 15:3

Ma girdi’ u lan yupa’ i kanawo’ e ron’ed e mad ni tutuw; ma lan binaw ko pi madardar ko kanawo’ ngu daken e chigiy ko naun e be duloloy’ e girdi’ riy miyad be yor.

Jeremiah 13:18

Me ga’ar SOMOL ngog, “Mog ngak fare pilung nge chitiningin ni ngar luwgow nga but’ u tagil’row nib pilung, ya te’elyaw ko pilung ni bfel’ ya’an e ke mul u lolugen row.

Jeremiah 36:13

Me weliy Mikayah ngorad urngin ban’en nike rung’ag nike be’eg Baruk ngak e girdi’.

Jeremiah 36:24

Ma dariy bagyad fapi tolang ara fare pilung ni rung’ag urngin e pin’ey ni rus ara m’ug rok nike kirban’.

Jeremiah 6:26

I SOMOL e be ga’ar, “Gimed e girdi’ rog, e ngam mon’ed e mad ni tutuw, mi gimed pig u fithik’ e awat. Mu dololoy’gad ni bod be’ ni be yornag be’ nib mo’on ni fak ni ka ri ma’agirag rok, ya en nike yib ni nge kireb nagmed e bayi cham ngomed nib tomgin.

Lamentations 2:10

Pi pumo’on ni pilibthir nu Jerusalem e kar pired nga but’ nike math gulungrad, Ni go’ fiyath daken lolugrad ma mad u dakenrad e tutuw. Ma pi’in rugod e kar’aned lolugrad nga daken e but’.

Lamentations 3:29

Thingar da siro’gad ni kadm’ing gad, ya kuramoy ban’en nra lagan’dad ngay.

Ezekiel 26:16

Gubin e pilung ko pi nam u dap’el’ay e bay ra luwgad nga but’ u tagil’rad. Bay rabad ra lufed e thal ni wuru’ e mad rorad nge mad rorad ni kan sisyunag miyad par nga daken e but’ ni yad be t’on. Bay ra pired nike puw e marus rorad ko n’en nike buch rom miyad par ni dabkiyag ni ngar talgad ko t’on.

Daniel 9:3

Mu gu par ngu’ug meybil ngak SOMOL ni Got, ni gu be wenig ngak, ma ku gu pag e abich, ma ku gon’ e mad ni tutuw, ku gu wan gu par nga fithik’ e awat.

Mikah 1:10

Dab mu weliyed ngak e pi to’ogor rodad nu Gath murung’agdad ni kad waer gad ko mael, ngam guyed rogon nge dab ra guyed gimed ni gimed be yor. Gimed e girdi’ nu Beth Leafra, mu leapgad u fithik’ e fiyath ngam daged ni kari kireban’med.

Matthew 11:21

“Rib ga’ ba gafgow ni bay mu ted yu Korazin! Rib ga’ ba gafgow ni bay kum ted yu Bethsaida! Ya fapi maang’ang ni kani ngongliy u lan e gali binaw nir e fa’an mang e ni ngongliy u lan yu Tyre nge yu Sidon, ma girdi’ riy e kafram ni ka ron’ed e tutuw ni mad, ma kar thiygad ko awat ni nge mang pow riy ni kar pi’ed keru’rad ko denen ni yad be ngongliy!

Luke 10:13

“Rib ga’ ba gafgow ni bay mu ted yu Korazin! Rib ga’ ba gafgow ni bay kum ted yu Bethsaida! Ya fapi maang’ang ni kan ngongliy u wur e fa’an mang e ni ngongliy u lan yu Tyre nge yu Sidon, ma girdi’ riy e kafram e kar pired nga but’ ka ron’ed e tutuw ni mad ma kar thiygad ko awat ni nge mang pow riy ni kar pi’ed keru’rad ko denen ni yad be ngongliy!