Jonah 2:2 - Bible Ni Thothup

² “U fithik’ e buchbuchan’ rog, a SOMOL, mu gu piningem ma ga fulweg lungug. U ar u lan e fayleng ko yam’ e gu yornag e ayuw, ma ga rung’ag lungug.

Jonah 2:2 Iomraidhean Croise

2 Kronicles 33:12

Mu fithik’ e gafgow rok me sobut’ laniyan’, me cheal nge sap ngak SOMOL ni Got rok, me wenig ngak ni nge ayuweg.

Psalms 116:3

Riy’an e yam’ e longbiyeg; dogwen e low ko yam’ e chuchugur ngog; mu gum’ ko marus nge magfan’.

Psalms 120:1

Nap’an ni u gu moy u fithik’ e oloboch, mu gu pining SOMOL, me fuluweg lungug.

Psalms 16:10

ya ga be yororiyeg u gelingin e yam’, gu ma pigpig ngom u fithik’ e yul’yul’, ma dab mu pageg nggu waen ko fayleng ko yam’.

Psalms 22:24

Der ma fek owchen rok e pi’in dariy ban’en rorad ara sabalbalyang ko pi gafgow rorad; der ma par u orel rorad, mma rung’ag lamrad e ngiyal ni yad ra man ayuw.”

Psalms 34:6

Pi’in ndabiyag ni ngar ayuweged yad e yad ra non ngak, me fulweg lungrad; me chuwegrad u fithik’ urngin e gafgow nike yib ngorad.

Psalms 4:1

Mu fulweg taban e meybil rog, A Got, ni gur e rungrung rog! Nap’an ni ug moy u fithik’ e oloboch, ma gur e mu aywegeg. Mu gol ngog e chiney ma ga rung’ag e meybil rog.

Psalms 61:2

Gu be piningem nike m’ath e liyab rog, ma gub palog u tabnaw. Mu fekeg ngabang ni dabi buch ban’en rog riy,

Psalms 65:2

ni bochan e ga ma fulweg taban e meybil. Urngin e girdi’ e ngarbad ngom

Psalms 86:13

Rib ga’ e t’ufeg rom ngog ni fare t’ufeg ni dabimus! Kam ayuwegneg u pa’ e yam’.

Isaiah 14:9

“Fayleng ko yam’ e ke fal’eg rogon ni fan ko wub rok fare pilung nu Babylon. Pi kan rok e pi’in immoy nib gel gelngirad u fayleng e ke mada’ ufrad ngalang. Ma pi ya’al rok e pi pilung e kar sak’iygad u tagilrad.

Lamentations 3:55

“Mug yor ngalang ngom, SOMOL, u rom u t’ay e low.

Ezekiel 26:20

Ma aram e bay gu l’oegem nga’ar ko fayleng ko yam’ ngam pired fapi girdi’ ni urmed kakrom. Bay gu tem u rom ko fare fayleng u tan e but’ u fithik’ e tin ke mogoth ni dariy n’umngin nap’an, ni nge mang gimed e pi’in ni karm’ad e ngu’um puruy’gad. Ma aram ma ga par ni gab binaw ni dakriy be’ riy ma dabkiyag ni ngam sul ko gin ummoy riy ko fayleng rok e pi’in nib fos.

Ezekiel 31:14

Are chiney i yan ngaram e dakriy ba kaen e gek’iy, ni demturug fani yo’or e ran riy, nrayag ni n’uw nge ta’reb n’umngin ngay bayay ara yan tamal’ingin nge tun ko manileng ni aram fani tolang. Urngin kaen e gek’iy nike riya’ ni nge yim’ ni bod e girdi’, kar riya’gad ni ngar uned ko pi’in ni nge yan nga’ar ko fayleng ko yam’.”

Matthew 12:40

Rogon ni par Jonah u lan yin fare nig ni ba ga’ ndalip e rran nge dalip e neap’, e ku errogon e en ni Fak e Girdi’ ndalip e rran nge dalip e neap’ nra par u fithik’ e fayleng u ar.

Luke 11:10

Ya gubin e girdi’ ni yad ra ning ban’en e ra yag ngorad, ma en nra gayiy ban’en e ra pir’eg, ma mab e yira bing ngak e en nra tugtuguy.

Luke 22:44

U fithik’ e re thamtham nem ni tay ni gowa kan chuchuy nga but’ e ri tay ir riy ko meybil; ma athuw u downgin e bod yu mey i racha’ ni be map’ nga but’.

Acts 2:27

ya dabiyag ni ngam nigeg nggu par u tafen e yam’; ya dabiyag ni ga ra pag e tapigpig rom nib yul’yul’ nge mel.

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.

1 Samuel 1:16

Dab mu finey ni gag be’ ni bpin ni gu ba kireb. Gu be meybil ni aray rogon ya kari kireban’ug.”

1 Samuel 30:6

Kari magawon David e ngiyal’nem, ni bochan e gubin e pi salthaw rok ma kari buch laniyan’rad ngak pifakrad ni kanfek, ere kar weliyed ni ngar malang niged David; machane SOMOL ni Got rok e pi e athamgil nga laniyan’.