Jonah 1:4 - Bible Ni Thothup

⁴ Machane me pi’ SOMOL bangi nifeng nib gel nge yan nga regur; me cham e lang ngorad nib gel nge yan i par ni be chugur ni nge pil fare barkow.

Jonah 1:4 Iomraidhean Croise

Psalms 135:6

Demturug e tin ba’adag SOMOL me rin’ u tharmiy ngu daken e fayleng, ngu lan e day ngu t’ay e regur.

Psalms 135:7

Ir e ma fek yungi manileng ko yoko’ u tungun e fayleng i yib; mma mateg e uluch u fithik’ e yoko’, ma ir e ma l’oeg e nifeng u lan e chibgil rok nge yib.

Psalms 148:8

nge uluch nge ayis nike el, nge ayis nib munguy nma mul u lang nga but’, nge pi manileng, nge nifeng nib gel ni be fol ko thin rok!

Exodus 10:13

Ma aram me pug Moses e sog rok ngalang, me pug SOMOL nifngin e ngek nge yib nga daken fare nam ni polo’ e rran nge nep’. Ma fa’ani kadbul ma ke fek fare nifeng e asmen’ing i yib.

Exodus 10:19

Me thilyeg SOMOL gil’ e nifeng nge thow u lan e ngal nike gel, me kunuy e re nifeng nem fapi asmen’ing nge therebegrad ngalan fa gi day ni Red Sea fithingan. Dariy ta’reb e asmen’ing ni magey u lan yu Egypt.

Exodus 14:21

Me fael Moses pa’ nga daken e day me pi’ SOMOL e nifeng nib gel u lan e ngek nge thow ni reb e nep’ nge chuweg e day me m’ug e but’ nike mlik’. Me yib e mathil u lan fa gi day nge par nike ruw raba’,

Exodus 15:10

SOMOL, ri ta’abyay ni mu pag athon l’ugunam me thareyrad e day; miyad ligil nga’ar ni bod e plomow.

Jeremiah 51:16

Ir e non me chub lingan e ran u daken lanelang; me girengiy e manilang u tungun e fayleng. I gagiyegnag e uluch nge mat u fithik’ e n’uw me l’oeg e nifeng u tagil’ e cha’ar rok.

Amos 4:13

I Got e ir e cha’ ni ngongliy e pi burey me ir e sunumeg e nifeng. Me ir e gagiyegnag nge nang e girdi’ e leam rok; me ir e be gagiyegnag ngi i rran ma be nep’. I ir e ma yan u pe’bugul e fayleng. Ba’aray fithingan: ni SOMOL ni Got ni Gubin ma Rayag Rok!

Numbers 11:31

Me pi’ SOMOL bangi nifeng nge fek e arche’ ni quail u maday i yib, ni be changeg ni dalip e fit tolngin u daken e but’ ngalang. Ma ra bad ra pired ko gin nike n’uf yu Israel e pi Tent rorad riy ni kar suggad u rom i yan nga orel nib yo’or e mayel.