John 4:25 - Bible Ni Thothup

²⁵ Me ga’ar fare pin ngak, “Gu manang ni fare Messiah nike lunguy e Kristus e bay yib. Ma ngiyal’ ni bay yib e bayi yog ngodad urngin ban’en.”

John 4:25 Iomraidhean Croise

Matthew 1:16

me Jakob e chitamngin Josef, me Josef pumo’on rok Maria, mi Maria e chitiningin Jesus ni yibe pining Messiah ngak.

Matthew 27:17

Ere fa’ani mu’ulung fapi girdi’ ni yo’or, me fithrad Pilate ni ga’ar, “Mini’ ko gali cha’ney e gimed ba’adag ni nggu pag, i Jesus Barabbas fe Jesus ni kan pining Kristus ngak?”

Matthew 27:22

Me fithrad Pilate ni ga’ar, “Ere mang e nggu rin’ ngak Jesus ni kan pining Kristus ngak?” Miyad fulweg ni yad gubin ni lungurad, “Mu richibiy ko kuruth!”

Luke 2:11

Re rran n’ey u lan e binaw rok David e kan gargeleg e Tabyul romed — ni Kristus ni ir e Somol!

John 1:49

Me fulweg Nathanael ni ga’ar, “Tamchib, i gur fa’anem ni Fak Got gur! I gur fare Pilung nu Israel!”

John 4:29

“Mired ngam guyed be’ nib mo’on nike weliy ngog urngin ban’en ni ug rin’. Gur i ir fare Messiah?”

John 4:39

Ma bo’or e girdi’ nu Samaria u lan e re binaw nem ni mich Jesus u wun’rad, ya keyog fare pin nike ga’ar, “Ke weliy ngog urngin ban’en ni ug rin’.”

John 4:42

me lungurad ko fare pin, “Ke mich u wun’mad Jesus ni gathi bochan e tin ni kam weliy ngomad, machane bochan e kug rung’aged e tin nike yog, ma aram e kug nanged nri ir fa’anem ni nge thapeg e girdi’ nu fayleng ngak Got.”