John 21:3 - Bible Ni Thothup

³ Me ga’ar Simon Peter ngak e pi cha’ney ni yad, “Nggu wan ko fita’.” Miyad yog ngak ni lungurad, “Nggu uned ngom.” Ma aram miyad yan ngar afgad ngalan e bowoch; miyad fita’ e re neap’ i n’em ma dar koled ban’en.

John 21:3 Iomraidhean Croise

Luke 5:5

Me fulweg Simon ngak ni ga’ar, “Masta, ka fowngan ni gu fita’gad ke rran ma da gu koled ban’en. Machane fa’anra kamog ni errogon, me ere bay gon’ e nug nga maran.”

John 21:4

Ma nap’an ni be puf e woch me sak’iy Jesus nga dap’e ran, machane de pow rok pi gachalpen ni ir Jesus.

Acts 18:3

me par rorow ma be un ngorow ko maruwel, ya ma yag e salpiy ngak ni nge abich riy ko mongongol tent, ni bod yow.

Acts 20:34

Gimed manang ni gal raba’ i n’en ni pa’ag ney e ug maruwel ngay nggu yagnag urngin ban’en ndabisiy ni nge yag ngomad e pi’in yad be un ngog.

1 Korinth 3:7

Cha’ ni yung nge cha’ ni pu’og e ran ngay e gathi rib ga’ farow. Ya Got e ir e ba ga’ fan, yi ir e be pi’ gelngin e woldug be ga’.

1 Korinth 9:6

Fa kemus ni go’ Barnabas nge gag e nggu muruwliyew e salpiy ni fan ko par romow?

1 Thessalonika 2:9

Pi walagmad ni girdi’en Kristus, bmuduwgil ni kigimed manang rogon feni gel e maruwel ni ug ted! Ug maruwelgad ni rran nge neap’ ni bochan e nge siy gu magawon niged gimed ko n’en ni ngan gafaliymad riy ko ngiyal’ ni ba’aram ni ug machib niged ngomed fare Thin Ni Bfel’.