John 21:16 - Bible Ni Thothup

¹⁶ Me fith Jesus ngak ko yay ni migid ni ga’ar, “Simon, ni fak John gur, gub t’uf rom?” Me fulweg ni ga’ar, “Er rogon, Somol, ga manang ni gab t’uf rog.” Me ga’ar Jesus ngak, “Mu gafaliy e saf rog.”

John 21:16 Iomraidhean Croise

Psalms 100:3

Dab mpaged talin i SOMOL ni ir Got! Ir e sunumegdad, ma bmil fadad ngak; gadad girdi’en, gadad fare ran’ i saf rok.

Psalms 95:7

I ir e Got rodad; ma gadad fapi girdi’ ni be ayuweg, ni fare ran’ i saf ni ir e be gafaliy. Mu telmed e daba’ ko thin ni be yog ni be ga’ar:

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Matthew 2:6

‘I gur e binaw nu Bethlehem, ni ga bay u lan e nug nu Judah, gathi gur e th’abi sobut’ u fithik’ e pi binaw ni pilung u lan yu Judah; ya gur e bay yib be’ rom ni ir e nge gagiyegnag e girdi’, ni ir e nge pow’iy e girdi’ rog ni yu Israel.’ ”

Matthew 25:32

ma urngin girdi’en e pi nam nu fayleng ni bay ni kunuyrad nga p’eowchen. Me ere weregrad ngar l’agruw ulunggad, ni bod rogon e en nma gafaliy e gamanman nma fek e saf nge chuwegrad u fithik’ e kaming:

Matthew 26:72

Miki siyeg Peter bayay ni ir e i un ngak Jesus nu Nazareth, me fulweg ni ga’ar, “Gu be yog u mit Got nda gu nang owchen e re mo’on nem!”

Luke 19:10

Ya en ni Fak e Girdi’ e ke yib ni nge gay ma nge thapeg ngak Got e pi’in kar maloggad.”

John 18:17

Me ga’ar fare rugod nib sak’iy u baraba’ i langan e garog ngak Peter, “Gathi ku gur reb i gachalpen e re mo’on nem?” Me fulweg Peter ni ga’ar, “Gathi gag.”

John 18:25

Ka bay Peter u rom ni kab sak’iy ni be ror. Me fith e tin ni ba’aram e girdi’ ngak ni lungurad, “Gathi gur reb i gachalpen e re mo’on nem?” Me mithag Peter ni ga’ar, “Danga’, gathi gag.”

John 21:17

Me ga’ar Jesus ngak ko yay ndalip, “Simon, ni fak John gur, gub t’uf rom?” Me taganan’ Peter ni bochan e ke gaman e dalip yay nike fith Jesus ngak e re bugithin ney ni ga’ar, “Gub t’uf rom?” Me ga’ar Peter ngak, “Somol, ga manang urngin ban’en; ga manang ni gab t’uf rog!” Me ga’ar Jesus ngak, “Mu gafaliy e saf rog.

Acts 20:28

Mu ayuweged gimed nge fare ulung i saf ni fare Kan Nthothup e ke taymed ni ngu’um ayuweged. Gimed e ngam pired ko galesiya rok Got ni bod e pi’in nma ayuweg e saf, ya girdi’en e galesiya rok Got e rmanged girdi’en Got u daken e yam’ ni tay Fak.

Hebrews 13:20

I Got e ke faseg e Somol rodad i Jesus ko yam’, ni ir e en Ga’ ni Tagafiy e Saf ni bochan racha’en, ni ir fare m’ag ni bayi par ndariy n’umngin nap’an.

1 Peter 2:25

Ya um moyed ni gimed bod e pi saf ni kar olobochgad; machane chiney e kan fulwegmed ni ngu’um leked Fa’anem ni ir e ma gafaliy e saf me ir e ma ayuweg lanin’med.

1 Peter 5:2

gimed e ngu’um gafaliyed fare ran’ i saf ni Got e ke pi’ ngomed, ngu’um gafaliyed yad nib m’agan’med ngay nrogon nib m’agan’ Got ngay ni ngam rin’ed, ma gathi ngu’um rin’ed nde m’agan’med ngay. Mu ngongliyed e maruwel romed ni gathi kemus ni bochan e salpiy ni yibe pi’ riy ngomed, machane ngam ngongliyed ni fan e ri gimed ba’adag ni ngam pigpiggad ngak Got.

Revelation 7:17

ya fare Fak e Saf ni bay u lulukngun i tagil’ e ir e bay i gafaliyrad ni bod e en nma gafaliy e saf, me pow’iyrad ko fapi alublub ni bay e ran ko yafos riy; ma bay n’ag Got e lu’ u owcherad.”