John 20:1 - Bible Ni Thothup

¹ Me chirofen ni madnom nri kakadbul ni kabay e lumor, me yan Maria Magdalene ko fare low ko yam’ me guy fare gaf i malang nning nga langan fare low ni kan chuweg u langan fare low.

John 20:1 Iomraidhean Croise

Matthew 27:56

Mu fithik’rad e immoy Maria Magdalene riy, nge Maria ni chitiningin James nge Josef, nge chitiningin fa gali pagel ni fak Zebede.

Matthew 27:60

me yan i tay ngalan e birok’ e low ndawori n’uw nap’an ni ker nga fithik’ e war u taban e rech. Me lulubiy baraba’ i malang ni ba ga’ nge ning nga langan fare low me yan.

Matthew 27:64

Ere mog nga ni yan ni matnagiy e low rok nge yan i mada’ ko chirofen ni nge man e dalip e rran ngay, nge dabiyag ni yan pi gachalpen ra iringed ma rogned ko girdi’ ni kan faseg ko yam’. Ya bug ney e thin nde riyul’ e kab gel e kireb riy ko fa bug nem ni yog ko som’on.”

Matthew 27:66

Mranod ra ted e hang ko fare gaf i malang ni kan ning ko fare low, ni aram e dariy be’ ni nge bing, miyad tay girdi’en e matnag ni nge matnagiy.

Matthew 28:1

Ma tomuren e Sabbath, nnap’an ni be puf e woch ni kakadbul ko rofen ni madnom, me yan Maria Magdalene nge yugu reb e Maria ni ngar guyew fare low ko yam’.

Matthew 28:2

Mi yigi yib ba durru’ ni ba ga’; me yib ba engel rok Somol u tharmiy nga but’ nge lulubiy fare gaf i malang nge chuw u langan fare low, me par nga daken.

Mark 15:46

Me ere chuw’iy Josef bangi mad nib wechwech, me yan i pilig downgin Jesus u kuruth, me bichibichiy fa gi mad ngak me yan i tay ngalan e low ni kan ker nga fithik’ e war u taban e rech me lulubiy baraba’ i Malang ni ba ga’ nge ning nga langan fare low ko yam’.

Mark 16:9

Nap’an ni fos Jesus ko yam’ nri kakadbul ko bin som’on e rran ko wik ni aram e madnom, me m’ug ni som’on ngak Maria Magdalene, ni aram e cha’ ni tuluf Jesus medlip i mo’onyan’ ngar chuwgad rok.

John 11:38

Me yib e kireban’ nib gel ngak Jesus bayay, me yan ko fa gin ni kan chibgiliy fa’anem riy, nib yiy ni kan ning nga ba gaf i malang.

John 11:41

Miyad chuweg fare gaf i malang u langan fare yiy. Me sap Jesus ngalang me ga’ar, “Chitamag, kari mmagaer, ni ga be rung’ag lungug.

John 19:25

Ma pi’in yad ba chugur ko kuruth ku Jesus ni kar sak’iygad, e en ni chitiningin, nge be’ ni bpin ni walagen e chitiningin, nge Maria ni ir e leengin Klopas, nge Maria Magdalene.

John 20:26

Me reb e wik nga tomuren nike mu’ulung pi gachalpen Jesus ngalan e naun bayay ma bay Thomas rorad ni kan man’nag e mab. Me sak’iy Jesus nga fithik’rad me ga’ar ngorad, “Nge yib e gapas ngomed.”

Acts 20:7

Me chirofen ni sabado nneap’ ma gamad mu’ulung nggu t’ared e flowa nggu wed nggu leam niged Somol. Me welthin Paul ngak fapi girdi’ nge yan i mada’ ko lukngun e neap’, ni bochan e reb e rran riy e nge yan.

1 Korinth 16:2

Chirofen nsom’on u gubin e wik ni aram e madnom e ra bigimed ma thangri fek boch u puluwon nge tay ngabang ni be yan u rogon e salpiy ni be yag ngak, ya nggu taw ma dakuriy fan ni ngan mukun salpiy.

Revelation 1:10

Chirofen ni rran rok Somol me yib fare Kan Nthothup i ying ngog, mu gu rung’ag ba lam ni ba ga’ ni bod laman ba rappa ni be non u keru’ug.