John 2:4 - Bible Ni Thothup

⁴ Me fulweg Jesus ngak ni ga’ar, “Bpin, thingar dabmog ngog e n’en ni ir e nggu rin’. Ya dawori taw ko tayim rog.”

John 2:4 Iomraidhean Croise

2 Samuel 16:10

Me ga’ar David ni Pilung ngak Abishai nge Joab ni walagen Abishai, “Gathi gimew e ngam leam nigew e tinir. Fa’anra yog e thin nib kireb ngog ni SOMOL e ke gagiyegnag, me mini’ e bay mat’wun ni nge fith ko mangfan nike rin’?”

2 Samuel 19:22

Me ga’ar David ngak Abishai nge Joab ni walagen Abishai, “Mini’ e ke fith ngomew lanin’mew? Mognew, gimew be finey ni ngam fekew gag ko kireb? I gag e en ni pilung u Israel e chiney, ere dariy be’ u Israel ni ngan li’ e daba’.”

1 Kings 17:18

Me ga’ar ngak Elijah, “Gur e girdi’ rok Got, mang ni kam rin’ e biney e pa’ ngog? Mog, mub ngaray ni ngam puguran e denen rog ngak Got ya nge yim’ fakag?”

Eklesiastes 3:1

Urngin ban’en nma yib u roy u fayleng e ma yib ko ngiyal’ nike duwgiliy Got.

Matthew 15:28

Me fulweg Jesus ngak ni ga’ar, “I gur reb e bpin nrib gel e michan’ rom ngak Got! Tin ni gab adag e bay nrin’ ngom.” Ma ka chingiyal’ nem me gol fachi pin ni fak.

Matthew 8:29

Ka chingiyal’ nem miyow tolul ni be lungurow, “Fak Got, mang e kam finey ni ngam rin’ ngomow? Ka mub ni ngam gechig nagmow u m’on ko ngiyal’ ni bay ni gechig nagmow riy?”

Luke 2:49

Me fulweg ngorow ni ga’ar, “Mang ni ngam gayew gag? Da mu nangew nthingar gub gu par nga naun rok e Chitamag?”

John 12:23

Me fulweg Jesus ngorow ni ga’ar, “Ke taw ko fare awa ni ngan pi’ e fla’ab ni ba ga’ ngak e en ni Fak e Girdi’ min tayfan.

John 13:1

Chirofen ney e eram e rofen ni bay ngam’on ko madnom ni Paluk’af. Ma manang Jesus nike taw nga nap’an ni nge chuw ko re fayleng ney nge yan ngak e en ni Chitamangiy. Gubin ngiyal’ ni yugu ma par nib t’uf rok e pi’in yad e tirok’ e girdi’ u fayleng, ma yigi i par ni yad ba t’uf rok nge yan i mada’ ko tomur.

John 2:3

Ma nap’an nni unum urngin e wayin ni bay nge m’ay, me ga’ar e chitiningin Jesus ngak, “Dakuriy e wayin rorad.”

John 20:13

Miyow fith ngak ni lungurow, “Bpin, mang ni ga be yor?” Me fulweg ngorow ni ga’ar, “Kar feked e Somol rog ngabang nda gu nang e gin ni kranod ra ted ngay!”

John 20:15

Me fith Jesus ngak ni ga’ar, “Bpin, mang ni ga be yor? I mini’ e ga be changarnag?” Me finey fare pin ni ir fa’anem nma tamilangnag fithik’ fare chuwo’ i gek’iy, ma aram me ga’ar ngak Jesus, “Fa’anra gur e kam fek ngabang, me ere mog ngog e gin ni kam man mu tay ngay nggu wan gu fek.”

John 7:30

Ma aram miyad guy rogon ni ngar koled ngar feked, machane dariy be’ ni yag ni nge rin’, ya dawori taw ko ngiyal’ nike duwgiliy Got ni ngan kol.

John 7:6

Me ga’ar Jesus ngorad, “Dawori taw nga nap’an ni nggu wan. Gimed e demturug e re ngiyal’ i n’en ni gimed ba’adag ni ngam marod mrayag.

John 7:8

Mmarod ngam uned ko madnom. Me gag e dab gu wan ko re madnom nem, ya dawori taw nga nap’an ni nggu wan.”

John 8:20

I yog Jesus urngin e pin’ey ni be machib u lan e Tempel u lan fare senggil ni ir e bay fapi kahol riy ni yima yin’ e salpiy ngay ni aram e kan pi’. Ma dariy be’ ni yag rok ni nge kol Jesus nge fek ni bochan e dawori taw ko ngiyal’ nike duwgiliy Got ni ngan kol.

2 Korinth 5:16

Ere dab kud dugliyed rogon be’ u lanin’dad nrogon nma rin’ e girdi’. Yugu ra ka’ad leam niged murung’agen Kristus u ba ngiyal’ ni bod rogon nma leamnag e girdi’ murung’agen ban’en, ma dab kud rin’ed e chiney ni aram rogon.

Deuteronomy 33:9

Yul’yul’ ni ur ted ngom e kab gel ko yul’yul’ ni ur ted ngak e gallabthir rorad, nge ngak pi walagrad ara pifakrad. Ur folgad ko thin rom ma ur pired ni yad ba yul’yul’ ko m’ag rom.