John 19:6 - Bible Ni Thothup

⁶ Ma fa’ani changar e pi tolang ko prist nge pi matanagen e Tempel nra guyed miyad tolul ni be lungurad, “Mu richibiy ko kuruth! Mu richibiy ko kuruth!” Me ga’ar Pilate ngorad, “Ere mfeked nge mang gimed e mu richibiyed ko kuruth. Ya dawor gu pir’eg tapgin ni ngan turguy e gechig rok.”

John 19:6 Iomraidhean Croise

Matthew 26:58

Me un Peter u daken nge mada’ ngalan e yoror ko naun rok fare Prist ni Th’abi Ga’. Me yan ngalan e yoror me yani par nga but’ ngak fa pi girdi’en e matnag, ni nge guy ko mang e bay nrin’.

Matthew 27:22

Me fithrad Pilate ni ga’ar, “Ere mang e nggu rin’ ngak Jesus ni kan pining Kristus ngak?” Miyad fulweg ni yad gubin ni lungurad, “Mu richibiy ko kuruth!”

Matthew 27:24

Ma fa’ani guy Pilate ndakuriy fan ni ngki fithrad ya richey min cham, me fek e ran nge lukuy pa’ ngay u p’eowchen fapi girdi’ ni aram urngirad me ga’ar, “Yam’ ni nge tay e re mo’on ney e dariy bochu’uw murung’agen ngog! Ya gimed e kam dugliyed!”

Luke 23:4

Ma aram me ga’ar Pilate ngak e pi tolang ko prist nge fapi girdi’ ni aram urngin, “Dawor gu pir’eg tapgin ni nggu turguy e gechig rok e re mo’on ney.”

John 18:3

Ma aram me yan Judas ko gin’em nike un ba ulung i salthaw ngak nge boch i matanagen e Tempel ni pi’rad e pi tolang ko prist nge pi Farise, ranod ni kar feked talin e cham, nge magal, nge nifiy.

John 18:31

Me ga’ar Pilate ngorad, “Mfeked ngam pufthin niged u rogon yalen e motochiyel romed.” Me fulweg fapi cha’ ni lungurad, “Dawor nni pi’ mat’awmad ni nge yag ni gu li’ed be’ ngem’.” (

John 18:38

Me fith Pilate ni ga’ar, “Mang e tin riyul’?” Ma aram me sul Pilate ngak yu Israel nga wuru’ e naun me ga’ar ngorad, “Dawor gu pir’eg tapgin ni ngan turguy e gechig rok.

John 19:15

Miyad fulweg u fithik’ e tolul ngak ni be lungurad, “Mu li’ ngem’! Mu li’ ngem’! Mu richibiy ko kuruth!” Me fith Pilate ngorad ni ga’ar, “Gimed ba’adag ni nggu richibiy e pilung romed ko kuruth?” Me fulweg fapi tolang ko prist ni lungurad, “Kemus ni Emperor nu Roma e ir e pilung romad!”

John 19:4

Me sul Pilate nga wuru’ e naun bayay me ga’ar ngak fapi girdi’ ni aram urngirad, “Mu sapgad, nggu fek Jesus ngomed ngaray nga wean ngam guyed ndawor gu pir’eg tapgin ni ngan turguy e gechig rok.”

Acts 2:23

I Got e manang me ir e turguy ni ngan pi’ Jesus nga pa’med; ma kam thanged e fan rok, ya mu ted gimed ngak e girdi’ ntadenen ngar richibiyed ko kuruth.

Acts 7:52

Gur immoy ta’reb e profet ni pag pi chitamangimed ndar gafgow niged? Ra thanged e pogofan rok e pi’in nra feked e thin rok Got i yib ngorad ni Got e l’oegrad, ni kab kakrom me weliy Got ngorad murung’agen e wub ni bayi tay e Tapigpig rok ni be’ nib mat’aw. Me ere chiney e kam thanged e pogofan rok ni bochan e gimed e kam pi’ed kan li’.