John 12:13 - Bible Ni Thothup

¹³ Ma aram miyad th’ab yuwan e fal’tir ngranod i yan nga wuru’ e binaw ni ngar mada’gad Jesus ni yad be tolul ni be lungurad, “Ke sorok Got! I Got e nge ayuweg e en ni ir e ke yib ni owchen Somol! I Got e nge ayuweg e en ni pilung nu Israel!”

John 12:13 Iomraidhean Croise

Isaiah 44:6

I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.

Levitikus 23:40

Rofen nem e ngam feked boch e tin nth’abi fel’ u wom’ngin e gek’iy romed ni yima kay, mi gimed fek yuwan e fol’tir nge papa’ngin e gek’iy ni pire’ yuwan ngam tababgad ko madnom ngam tedfan SOMOL ni Got romed.

Zefaniah 3:15

I SOMOL e ke taleg e gechig romed; ir e ke chuweg e pi to’ogor romed ni gubin. I SOMOL, ni fare pilung nu Israel e be par romed; ere dakuriy tapgin ni ngam rusgad e chiney.

Matthew 23:39

Nggog ngom ni chiney i yan ngaram e dab kum guyeg bayay nge yan i mada’ ko ngiyal’ ni bay mog ni lungum, ‘I Got e nge ayuweg e en nike yib ni owchen Somol.’ ”

Matthew 27:42

“Ke ayuweg e pogofan rok boch e girdi’, ma dabiyag ni nge ayuweg e birok’ e pogofan! Gathi ir fare pilung nu Israel? Fa’anra luw ko re kuruth nem nga but’ e chiney, mra michan’dad ngak!

John 1:49

Me fulweg Nathanael ni ga’ar, “Tamchib, i gur fa’anem ni Fak Got gur! I gur fare Pilung nu Israel!”

John 12:14

Me pir’eg Jesus ba gamanman ni dongki me af nga daken, ni bod rogon ni be yog e babyor nib thothup ni be ga’ar:

John 12:15

“Dab mu tamdag i gur e binaw nu Zion! Ya chiney e be yib e pilung rom i yib ngom, nike af nga daken ba dongki ni kab bitir.”

John 19:15

Miyad fulweg u fithik’ e tolul ngak ni be lungurad, “Mu li’ ngem’! Mu li’ ngem’! Mu richibiy ko kuruth!” Me fith Pilate ngorad ni ga’ar, “Gimed ba’adag ni nggu richibiy e pilung romed ko kuruth?” Me fulweg fapi tolang ko prist ni lungurad, “Kemus ni Emperor nu Roma e ir e pilung romad!”

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!

Revelation 19:16

Ma daken e mad rok nge daken ay e kan yoloy fare ngachal ngay ni ga’ar, “Pilung ko pi pilung nge Somol ko pi somol.”

Revelation 7:9

Ma fa’ani mu’ e biney mu gu sap, mu gguy e girdi’ nike mu’ulung ni pire’ ni pire’ — ndariy be’ nrayag ni nge theegrad! Nra bad u gubin e nam, nge ganong, nge gubin mit e girdi’, ngu gubin e thin, ni kar sak’iygad u p’eowchen tagil’ Got nge fare Fak e Saf, ni karon’ed e mad nib wechwech ni bay yuwan e fal’tir u pa’rad.