John 1:51 - Bible Ni Thothup

⁵¹ Me ga’ar ngorow, “Nggog e tin riyul’ ngomew, ni bay mu guyew e tharmiy nike mab nge pi engel rok Got ni be yan boch ngalang ma be yib boch nga but’ nga daken e en ni Fak e Girdi’!”

John 1:51 Iomraidhean Croise

Genesis 28:12

Me lik’ay nike guy ba tawo’ ni yan u but’ nge mada’ nga lanelang. Ma be yan e pi engel rok Got riy ngalang ma yad be yib riy nga but’.

Ezekiel 1:1

Bin lal e rran ko pul ni aningeg ko duw ni guyey e ug pired e girdi’ nu Israel ni kan fekmad u Israel nga Babylon ni kalbus, ma gamad be par u to’oben e lul’ ni Kebar. Me mab lanelang me piliyeg Got e changar rog me dag ban’en ngog. (

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Matthew 25:31

“Ngiyal’ nra yib e en ni Fak e Girdi’ riy nike pilung, nike un urngin e pi engel ngak, e bayi par nga tagil’ nib pilung,

Matthew 26:24

Ya en ni Fak e Girdi’ e bay yim’ ni bod rogon nike yog e babyor nib thothup murung’agen, machane kari gafgow e re mo’on nem ni ir e bay yagnag e en ni Fak e Girdi’! Ya fa’an manga da ni gargelnag ma kabfel’!”

Matthew 3:16

Ma nap’an ni yugni tawfenag Jesus, me yib u fithik’ e ran nga talang. Me mab e tharmiy ngak, me guy fare Kan Thothup rok Got ni be yib u lang i yib nga but’ ni bod ba bulogol me yib i par nga daken.

Matthew 4:11

Ma aram me pag fare mo’onyan’ Jesus; me yib e pi engel ngarbad ra pigpiggad ngak.

Matthew 8:20

Me fulweg Jesus ngak ni ga’ar, “Gamanman ni fox e bay e low ni taferad, ma arche’ e bay taferad ni kar toyed, machane en ni Fak e Girdi’ e dariy bang ni nge pag ir riy nga but’ nge toffan.”

Matthew 9:6

Ere nggu dag ngomed ni en ni Fak e Girdi’ e bay gelngin u fayleng ni nge n’ag fan e denen.” Ma aram me ga’ar ngak fa’anem nib mugutgut, “Mu sak’iy, ngam fek e wormel rom, ngam man nga tafnam!”

Mark 1:10

Ma nap’an ni yib Jesus u fithik’ e ran nga talang me guy e tharmiy ni be mab, me guy fare Kan ni Thothup ni be yib u lang i yib nga daken ni bod ba arche’ ni dove.

Mark 14:62

Me fulweg Jesus ni ga’ar, “I gag; ma gimed gubin ni bay mu guyed e en ni Fak e Girdi’ nike par nga but’ u ba’ ni mat’aw rok fa’anem ni Gubin ma Rayag Rok ni be yib u lanelang i yib nga but’ ni yow e manileng!”

Luke 2:13

Kachingiyal’ nem me yib i m’ug e engel nu tharmiy ni pire’ ni pire’ u to’oben fa binem e engel, ni yad be yin’ tangin Got ni yad be yog e sorok ngak ni be lungurad,

Luke 2:9

Me m’ug ba engel rok Somol ngorad, me gal ram’en Somol nga dakenrad. Me yib e tamdag ngorad nrib gel,

Luke 22:43

Me yib ba engel nu tharmiy i m’ug ngak nge pi’ gelngin.

Luke 22:69

Machane chiney i yan ngaram e en ni Fak e Girdi’ e bayi par nga ba’ ni mat’aw rok Got ni Gubin ma Rayag Rok.”

Luke 24:4

Miyad sak’iy u rom ndawor ra nanged fan e ren’em, ma yugu ra gin gad ma ke sak’iy l’agruw i pumo’on nga to’obrad, ni be galgal ram’en e mad rorow.

Luke 3:21

Nap’an ni mu’ i tawfenag urngin e girdi’, ma kun tawfenag Jesus. Ma nap’an ni be meybil, me mab e tharmiy,

John 1:50

Me ga’ar Jesus, “Ka fini mich u wun’um ni bochan e kugog ngom ni gguyem ko fa ngiyal’ ni um moy u tan fare ke gek’iy ni fig? Ka bo’or boch ban’en ni ka ba ga’ ni bay mu guy ko biney!”

John 10:1

“Nggog e tin riyul’ ngomed: en ni dabi yan u langan e mab nga fithik’ bran’ i saf, machane me yan nga fithik’rad u yugu bang u daken p’ebugul e yoror e be’ nib moro’ro’ fa be’ nma moro’ro’ u fithik’ e yargel.

John 10:7

Ma aram me ga’ar Jesus bayay, “Nggog e tin riyul’ ngomed: i gag fare mab ni fan ngak e saf.

John 13:16

Nggog e tin riyul’ ngomed: dariy reb e sib ni ba ga’ ngak e masta rok; ma dariy be’ nnol’oeg ni ba ga’ ko en ni ir e l’oeg.

John 13:38

Me fulweg Jesus ni ga’ar, “Rayag ni mpi’ e pogofan rom ni fan ngog? Nggog e tin riyul’ ngom: ra dawori chochol e nimen ma dalip yay ni bay mog nda mu nangeg.”

John 14:12

Nggog e tin riyul’ ngomed: en nra gu mich u wan’ e ra rin’ e pin’en ni gu be rin’ ri ireray rogon, ka ba ga’ e tin nra rin’ ni bochan e bay gu wan ngak e en ni Chitamangiy.

John 16:20

Nggog e tin riyul’ ngomed; bay um yorgad ma gimed be dololoy’, machane girdi’ nu fayleng e bay ra felfelan’gad; ma gimed e bayi kireban’med; machane kireban’ romed e bayi piliyeg ko felfelan’.

John 16:23

“Ra taw ko chirofen nem ma dakuriy ban’en ni bay mfithed ngog. Nggog e tin riyul’ ngomed: tin ni gimed ra ning ngak e en ni Chitamangiy u fithingag e ra pi’ ngomed.

John 21:18

Nggog e tin riyul’ ngom: nap’an ni kagab pagel ma um m’ag e leed rom nga lukngum ni aram e kan fal’eg rogom ni ngam man ko gin ni ga be finey ni ngam man ngay; machane bay mpilibthir ma ga k’iyag pa’am nruw raba’ me m’ag be’ me fekem i yan ko gin ndabum ni ngam man ngay.” (

John 3:3

Me fulweg Jesus ni ga’ar, “Nggog e tin riyul’ ngom: ndariy be’ nrayag ni nge guy e gin nsuwon Got ni fa’anra dab ni gargelnag bayay.”

John 3:5

Me fulweg Jesus ngak ni ga’ar, “Nggog e tin riyul’ ngom, ndariy be’ nrayag ni nge yan ko gin nsuwon Got ni fa’anra dab ni gargeleg ko ran nge fare Kan ni Thothup.

John 5:19

Ma aram me fulweg Jesus ngorad ni ga’ar, “Nggog e tin riyul’ ngomed: en ni Fak Got e dariy ban’en ni be rin’ ni ir e tafinay rok; kemus ni tin ni be guy ni be rin’ e Chitamngin e ir e be rin’. Ya n’en ni be rin’ e en ni Chitamangiy e ku er e n’en ni be rin’ e en ni Fak.

John 5:27

Ma ke pi’ ngak Fak mat’wun ni nge pufthinnag e girdi’, ya ir e en ni Fak e Girdi’.

John 6:26

Me fulweg Jesus ngorad ni ga’ar, “Nggog e tin riyul’ ngomed: gimed be changarnigeg ni bochan e mu ked fapi flowa nge bigimed me ri fos, ma gathi bochan e kam guyed e maang’ang ni kug ngongliy.

John 6:32

Me ga’ar Jesus ngorad, “Nggog e tin riyul’ ngomed, n’en ni pi’ Moses ngomed e gathi flowa ni yib u tharmiy; ya Chitamag e ke pi’ e bin riyul’ e flowa ngomed ni yib u tharmiy.

John 6:47

Nggog e tin riyul’ ngomed: ni en ni kug mich u wan’ e ke yag e yafos ndariy n’umngin nap’an ngak.

John 6:53

Me ga’ar Jesus ngorad, “Nggog e tin riyul’ ngomed: fa’anra dab mu ked e ufin rok e en ni Fak e Girdi’ mi gimed unum racha’en ma dabi yib e yafos nga fithik’med.

John 8:34

Me ga’ar Jesus ngorad, “Nggog e tin riyul’ ngomed: urngin e girdi’ ni yad be denen e ra bagayad ma kemang sib ko denen.

John 8:51

Nggog e tin riyul’ ngomed: en nra fol ko thin ni pi’ Got ngog ni ir e gu be yog ngomed e dabki yim’ bi’id.”

John 8:58

Me fulweg Jesus ngorad ni ga’ar, “Nggog e tin riyul’ ngomed. Dawor ni gargeleg Abraham ma ‘Gu Bay.’ ”

Acts 10:11

I guy e tharmiy nike mab me guy ban’en ni be yib nga but’ ni bod ya’an bangi mad ni ba ga’ yang ni kan nguchuruy nga but’ u aningeg i tabthungen.

Acts 7:56

Me ga’ar, “Mu sapgad! Kug guy e tharmiy nike mab ma kug guy fa’anem ni Fak e Girdi’ nib sak’iy u ba’ ni mat’aw rok Got!”

2 Thessalonika 1:7

ma bayi chuweg e gafgow romed e pi’in gimed be gafgow ngam pogofan gad, ma ku errogon ni bayi rin’ ngomed. Ra rin’ e ren’ey ko ngiyal’ nra m’ug Somol Jesus u lanelang nike yib u tharmiy ni yad e pi engel rok nib yargel,

2 Thessalonika 1:9

Bay ra gafgowgad ko gechig ni ngan pi’ ngorad ni aram e gafgow ni ngar ted ndariy n’umngin nap’an, ma kan tayrad ngabang ndab ra uned ko gin ni bay Somol riy ma dab ra guyed gelngin Got nib th’abi fel’,

1 Timothy 3:16

Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

Hebrews 1:14

Ma pi engel e yad e mang? Yad e pi kan ni yad ma pigpig ngak Got nma l’oegrad ngar ayuweged e pi’in ni ngar thapgad ngak Got.

Jude 1:14

I Enok e ir e man e bin medlip e mfen ngak ko girdi’ ni yib rok Adam, kab kakrom me yi’iynag murung’agrad ni gaar, “Mu sapgad! I Somol e bay yib nike un bo’or e biyu’ e engel rok nib thothup ngak,

Revelation 19:11

Ma aram mu gguy e tharmiy nike mab, mu gguy ba os nib wechwech, ni en nike af nga daken e Yul’yul’ nge Riyul’ fithingan; nib mat’aw rogon e gechig nma pi’, ma bmat’aw rogon e mael nma tay.

Revelation 4:1

Ma aram min piliyeg e changar rog ngku gguy ba mab nike mab u tharmiy. Ma fare lam ni gowa laman ba rappa ni gu rung’ag laman ni i non ngog ko som’on e ga’ar, “Moy ngaray ngalang, mu gu dag ngom e n’en ni bay yib i m’ug.”