John 1:45 - Bible Ni Thothup

⁴⁵ Ma aram me pir’eg Filip Nathanael me yog ngak ni ga’ar, “Kug pir’egew fa’anem ni yoloy Moses murung’agen ngalan fare ke babyor ko Motochiyel, ni ku ir fa en ni ki yoloy fapi profet murung’agen. I ir Jesus, ni fak Josef nu Nazareth.”

John 1:45 Iomraidhean Croise

Genesis 22:18

Ma urngin e nam nu fayleng ni bay ra weniggad ngog ni nggu fal’eg wa’athrad ni bod rogon ni kug fal’eg wa’athan e pi’in ni owchem, ni bochan e kamfol ko tin kugog ngom ni ngam rin’.”

Genesis 3:15

I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

Isaiah 4:2

Bay bangiyal’ ni bayi taw ngay mra tugulnag SOMOL gubin e woldug nge gek’iy u daken e but’ nge dammal me fel’ ya’an. Gubin e girdi’ nu Israel nra magachgad ni yad bfos e yad ra felfelan’ miyad uf nga yong’olen e but’.

Isaiah 53:2

I SOMOL e turguy ni fare tapigpig rok e nge ilal ni bod ba ke woldug ni tugul ko but’ nib mlik’. Ir e gathi bod be’ nib tolang ara bfel’ ya’an ni ngad adaged ni ngad changargad ngak. Ra ni guy ma dabi unan’uy ngak dariy ban’en nib gamog rok nra fael owchedad ngak.

Isaiah 7:14

I SOMOL e bayi pi’ ba pow ngomed. Be’ ni bpin ni ka ba rugod nike diyen. Bayi gargel ni bochi pagel ma bayi tunguy fithingan ni Immanuel.

Isaiah 9:6

Ka ni gargeleg bochi tir ngodad! Ka ni pi’ bochi pagel ngodad! Me ir e bayi mang pilung rodad. Ma bay nog fithingan ni “Tafonow nrib Manigil,” nge “Got ni Gubin ma Rayag Rok,” nge “Chitamangiy ni Manemus,” nge “Pilung ko Gapas.”

Mikah 5:2

Be ga’ar SOMOL, “Bethlehem Efrathah, i gur reb fapi binaw nth’abi achig u lan yu Judah. Machane be’ u wur e bay gu fek nggu tay ni nge gagiyegnag yu Israel, ni be’ ni bay e tha’ ko tabnaw rok i yan nga tomur ko tin kakrom e rran.”

Zekariah 6:12

Mog ngak ni be yog fare SOMOL ni Gubin ma Rayag Rok ni be ga’ar, ‘Fare mo’on ni yima pining Fare Pa’ngin ngak e bayi dammal ko gin bay riy me toy bayay fare Tempel rok SOMOL.

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Matthew 10:3

nge Filip nge Bartholomew; nge Thomas nge Matthew, ni takunuy e tax; nge James ni Alfeus e chitamngin, nge Thaddeus;

Matthew 13:55

Gathi ir fa’anem ni fare dayksang e chitamngin? Gathi Maria faram e chitiningin, mi James, nge Josef, nge Simon, nge Judas e pi walagen ni pumo’on?

Matthew 2:23

me yan i toy e naun rok ngalan bbinaw nike lunguy yu Nazareth. Me rin’ ni aram rogon ni fan e nge yib i m’ug nib riyul’ e n’en ni yog e pi profet ni lungurad, “Bay nog ni be’ u Nazareth.”

Matthew 21:11

Me fulweg fapi girdi’ ni pire’ ni pire’ ni be lungurad, “Ireray fare profet i Jesus ni yib u Nazareth nib binaw ni bay u lan yu Galile.”

Mark 14:67

Ma fa’ani guy ni be ror Peter me fal’eg i yaliy, me ga’ar ngak Peter, “Ku errogon gur ni um un ngak Jesus nu Nazareth.”

Mark 6:3

Gathi ir fare daiksang ni fak Maria, ma walagen James, nge Joses, nge Judas, nge Simon? Ma gathi ma par pi walagen ni ppin u roy?” Ma aram mra dabuyed ni ngar motoyilgad ngak.

Luke 18:37

Me rogned ngak ni lungurad, “I Jesus nu Nazareth e be yib.”

Luke 2:4

Me chuw Josef ko binaw nu Nazareth ni bay u lan yu Galile nge yan nga Judea nga bbinaw ni bay riy ni yu Bethlehem fithingan, ni ir e ni gargeleg David ni pilung riy. Ere sul Josef ngaram ni bochan e ir reb i owchen David.

Luke 2:48

Ma gallibthir rok e fa’anra guyew miyow gin ngak, me ga’ar e chitiningin ngak, “Fakag, mang ni kam rin’ e biney e pa’ ngomow? Gamow be gayem e chitamam ni kar gu rusgow.”

Luke 24:27

Me weliy Jesus ngorow e tin ni murung’agen ni kan weliy u lan urngin kaen e babyor nib thothup, ni tabab ko yu ke rok Moses e babyor nge urngin e tin ni yoloy e pi profet.

Luke 24:44

Me ga’ar ngorad, “Ri ireray fa pin’em ni gu weliy ngomed nnap’an ni kug bay romed: ni urngin ban’en ni kan yoloy ni murung’ageg u lan babyoren e Motochiyel rok Moses, nge tin ke yoloy e pi profet, nge tin kan yoloy u lan babyoren e pi Psalm ni murung’ageg e thangri yib i m’ug nib riyul’.”

Luke 3:23

Gonap’an e guyey e duw yangren Jesus me tabab ko maruwel rok; mi Josef e chitamngin, ni girdi’ e leamnag ni aram rogon, mi Heli e chitamngin Josef,

Luke 4:22

Ma gubin e girdi’ ni immoy u rom e rogned e sorok ngak, miyad gin ko pi thin nem ni bfel’ nike weliy ngorad. Me lungurad, “Gathi ireray fa’anem ni fak Josef?”

John 1:44

I Filip e be’ u Bethsaida, ni aram e re binaw nma par Andrew nge Peter riy.)

John 12:21

Miyad yib ngak Filip (ni be’ u Bethsaida, nib binaw ni bay u lan yu Galile) me lungurad ngak, “Gamad ba’adag ni gamad ra guy Jesus.”

John 14:8

Me ga’ar Filip ngak, “Somol, mu dag ngomad e en ni Chitamangiy; me fel’ u wun’mad.”

John 18:5

Miyad fulweg ni lungurad, “I Jesus nu Nazareth.” Me ga’ar, “I gag ir.” Mi Judas, ni ir e yagnag Jesus e bay u fithik’rad ni yad ba sak’iy.

John 18:7

Me fithrad Jesus bayay ni ga’ar, “I mini’ e gimed be gayiy?” Miyad yog ni lungurad, “I Jesus nu Nazareth.”

John 19:19

Me yoloy Pilate bangi ban’en ngan tay nga daken e kuruth rok Jesus ni bay riy ni be ga’ar, “Jesus nu Nazareth, ni pilung rok e pi Jew.”

John 21:2

I Simon Peter, nge Thomas (ni yima pining Athlog ngak), nge Nathanael (ni be’ u Kana nib binaw ni bay u lan yu Galile), nge fa gali pumo’on ni fak Zebede, nge ku l’agruw ni’ ni gachalpen Jesus e yad bay u ta’bang.

John 6:42

Ma aram me lungurad, “Gathi re mo’on ney e fa’anem i Jesus ni fak Josef? Gadad manang e chitamngin nge chitiningin. Ere uw rogon ma keyog e chiney ni yib u tharmiy nga but’?”

John 6:5

Me changar Jesus, me guy e girdi’ ni pire’ ni pire’ ni karbad i yib ngak, ma aram me ga’ar ngak Filip, “U uw e gadad ra chuw’iy e ggan riy nra gaman urngin e pi girdi’ ney riy?” (

John 6:7

Me fulweg Filip ni ga’ar, “Urngin e pi girdi’ ney ni fa’anra nge bagayad me kay bochu’uw, ma flowa ni yira chuw’iy e ra pag l’agruw mir’ay e salpiy ni wasey ni silber puluwon.”

Acts 10:38

Gimed manang murung’agen Jesus nu Nazareth, ngarogon ni pi’ Got fare Kan Nthothup nge gelngin ngak. Me yan nga gubin yang, ni be rin’ e tin ni bfel’ ma be golnag urngin e pi’in yad bay u tan gelngin e mo’onyan’, ni bochan e bay Got rok.

Acts 2:22

“Gimed piyu Israel, mu telmed ko pi thin ni ba’aray! I Jesus nu Nazareth e be’ ni maruwel rok ni pi’ Got e ndag ngomed nrib tamilang u daken e pi maang’ang, nge pin’en nni ngat ngay, nge pi pow ni ngongliy Got u pa’; gimed ma gimed manang, yu roy u fithik’med e rin’ riy.

Acts 22:8

Mu gu fith ni lungug, ‘Somol, i gur mini’?’ Me ga’ar ngog, ‘I gag Jesus nu Nazareth, ni ir e ga be gafgownag.’

Acts 26:9

“I gag ma gu tafinaynag nthingar gu rin’ urngin e tin nrayag rog nib togopluw nga fithingan Jesus nu Nazareth.

Acts 3:6

Me ga’ar Peter ngak, “I gag e dariy e salpiy rog, machane bay gu pi’ ngom e n’en ni bay rog: gu be yog ngom u fithingan Jesus Kristus nu Nazareth ni ngam sak’iy ngamman!”