John 1:16 - Bible Ni Thothup

¹⁶ U fithik’ e fel’ laniyan’ rok nrib ga’ e ir e ke fal’eg waathdad riy ni gadad gubin ni be tow’ath nagdad nra chuw reb me taw reb.

John 1:16 Iomraidhean Croise

Psalms 84:7

Ra yad be yan ma yad be gel i yan, bay ra guyed fare Got ni ir e th’abi ga’ u fithik’ e pi got u Zion!

Zekariah 4:7

Tin be magawon nigem nib ga’ ko pi burey e bayi ling u p’eowchem. Bay mu toy bayay fare Tempel, ma nap’an e ga ra ayliy e bin tomur e malang nga gil’, ma bay i tolul e girdi ni yad be ga’ar, ‘Rib fel’usun, rib fel’usun!’”

Matthew 13:12

Ya en ni bay ban’en rok e yira pi’ boch ni pire’ ngak, nge pag urngin e tin ni nge yag ngak; machane en ndariy ban’en rok e yira fek e chu’uw i n’en ni bay rok nge chuw.

Matthew 3:11

I gag e gu be tawfe nagmed ko ran ni nge dag ni kam kolgad ngan’med kam pi’ed keru’med ko denen ni gimed be rin’; ma en ni bayi yib u tomureg e bayi tawfe nagmed ko fare Kan Nthothup nge nifiy. I ir e ri ka ba ga’ ngog; nri gub sobut’ ndab gu bung ni ngu’ug fek e sus rok.

Matthew 3:14

Machane me guy John rogon ni nge thiliyeg e leam rok Jesus. Me ga’ar John ngak, “Susun e gur e ngam tawfe nigeg, ma biney e gur e ka mub ngog ni nggu tawfe nigem!”

Luke 21:15

ya bay gu pi’ e thin ni nga mogned nge gonop romed ndariy reb e pi to’ogor romed nrayag rok ni nge togopluw ngay ara yog nde riyul’.

John 3:34

En ni Got e ke l’oeg ke yib e be weliy e thin rok Got; ya Got e ke pi’ fare Kan ni Thothup rok ngak ni polo’.

Roma 5:17

Riyul’ nu daken e denen ni rin’ ta’abe’ me tabab e yam’ i gagiyegnag e girdi’ ni bochan e ta’are girdi’ nem. Machane ri ka ba ga’ wenegan e n’en nike rin’ ta’abe’, ni er Jesus Kristus! Urngin e pi’in yad ra fek e re runguy ku Got nem nri ba ga’ nge fare tow’ath ni aram e ke mat’aw nagrad Got ngak e yad ra gagiyeg ko yafos u daken Kristus.

Roma 5:2

U daken e michan’ rodad ngak Jesus Kristus e ke fekdad Jesus Kristus riy ko runguy rok Got, ni ir e gadad bay riy e chiney. Ere gadad be felfelan’, ya ke l’agan’dad ko fla’ab rok Got ni bay da uned ngay!

Roma 5:20

Motochiyel e ni pi’ ni fan e nge yib i m’ug gelngin e kireb ni yibe ngongliy i yan; machane fa’ani yo’or e denen, miki yo’or e runguy rok Got.

Roma 8:9

Machane damur ngongolgad ni bod rogon ni be yog e dowef romed ngomed; gimed be ngongol nrogon ni be yog fare Kan ni Thothup ngomed — ni fa’anra riyul’ ni be par e Kan ni Thothup u fithik’med. En ndariy rok fare Kan ni Thothup rok Kristus e gathi reb i girdi’en.

Efesus 1:23

Galesiya e downgin Kristus, ni ir e ke polo’nag Kristus, mi Kristus e ir e ke mu’nag urngin ban’en u gubin yang.

Efesus 3:19

Manga mu nanged rogon nib t’uf e girdi’ rok, ni yugu aram rogon ndabiyag ni ngan nang ga’ngin, me par Got u fithik’med nge suguymed nga rarogon ni polo’.

Kolose 1:19

Ya Got e turguy ni en ni Fak e nge par ni bod rogon Got.

Kolose 2:3

Ya ir fare kiy nma bing urngin e pin’en ni bfel’ nike tay Got nib mith, ni aram e gonop rok nge llowan’ rok.

1 Peter 1:11

Ur guyed rogon ni ngar pir’eged e ngiyal’ nge rogon ni bay yib. Ya Kan ni Thothup rok Kristus ni immoy u fithik’rad e yog e re ngiyal’ i n’ey ni be yi’iynag e pi gafgow ni nge athamgiliy Kristus, nge fla’ab ni bay yib nga tomuren.

1 Peter 1:2

I mel’egmed Got ni Chitamangiy nrogon nike mu’ i turguy u wan’, ni nge ngongliymed fare Kan Nthothup rok ngam pired ni gimed ba thothup, ma gimed be fol rok Jesus Kristus me be’ech nagmed racha’en. Ngi i ayuwegmed Got ma be pi’ e gapas nga lanin’med nge yan i mus ngarogon.