Joel 3:4 - Bible Ni Thothup

⁴ “Gimed yu Tyre, nge yu Sidon, nge yu Filistia ni ga’ngin, mang e gimed be guy rogon ni ngam rin’ed ngog? Mogned, gimed be guy rogon ni ngam fulweged taban ban’en ngog? Fa’anra er rogon ni gimed be leamnag, ma bay gu fulweg taban ngomed ni papey!

Joel 3:4 Iomraidhean Croise

2 Kronicles 21:16

Boch piyu Filistia nge piyu Arab e ur pired u to’oben bang nma par piyu Sudan riy u dap’eday. Me waliyrad SOMOL ngranodnag e mael ngak Jehoram.

Isaiah 14:29

Gimed e girdi’ nu Filistia, fare dumow ni aw ngomed e ke m’ing, machane dariy rogon ni ngam felan’gad. Nap’an ra yim’ reb e parchoyog, me yib reb nga luwan ni ka ba gel feni kireb. Tamango ko parchoyog e ra pil ma ba dragon nma changag.

Isaiah 34:8

Irera’ e ngiyal ni bay ayuweg SOMOL yu Zion nge falbeyen e pi to’ogor rok.

Isaiah 59:18

Bayi gechignag e pi to’ogor rok u rogon e n’en ni ka ra ngongliyed, ni mus ngak e pi’in nib palog e gin yad ma par riy.

Jeremiah 47:1

U m’on ni nge cham fare pilung nu Egypt ko yochi binaw nu Gaza, me yog SOMOL ngog ni ngugog ngak piyu Filistia:

Jeremiah 47:4

Ke taw ko ngiyal’ ni nge mogothgoth yu Filistia, min thirifrad ngar chuwgad u Tyre ngu Sidon ni dariy bagyad nra magay ni ngki pi’ e ayuw. I Gag SOMOL, e bay gu thang owchen piyu Filistia ni aram gubin e pi’in rabad u dap’el’ay u Krete.

Jeremiah 51:6

Mmilgad ngam chuwgad u Babylon! Mmil niged e pogofan romed! Dab mmad’ ni bochan e denen nu Babylon. I Gag e chiney e nggu fulweg taban e kireb nga Babylon ni nggu gechignag ni rogon nib m’ag ni nge aw ngak.

Joel 2:10

Yad ra yib ma but’ ni bay nga m’on rorad e be durru’; ma be rur lanelang. Yal’ nge pul e bayi par nike talumor, ma pi t’uf e dabki m’ug ram’en.

Joel 2:2

Ra yan i aw ni ba lumor ma ba lumolang e rofen nem, nde fel’ lanelang ma der m’ug ram’en e yal’ e re rran nem. Ma asmen’ing ni pire’ ni pire’ e yad be yan nga m’on ni bod e lumor nike upunguy e pi burey. Dariy ban’en ni ka’a ni guy ni aram rogon, ma dabki yodrom bi’id.

Matthew 11:21

“Rib ga’ ba gafgow ni bay mu ted yu Korazin! Rib ga’ ba gafgow ni bay kum ted yu Bethsaida! Ya fapi maang’ang ni kani ngongliy u lan e gali binaw nir e fa’an mang e ni ngongliy u lan yu Tyre nge yu Sidon, ma girdi’ riy e kafram ni ka ron’ed e tutuw ni mad, ma kar thiygad ko awat ni nge mang pow riy ni kar pi’ed keru’rad ko denen ni yad be ngongliy!

Matthew 11:22

Ere mu ted fanmediyan riy ni Chirofen nra Pufthinnag Got e girdi’ e ba ga’ boch e runguy nra tay ngak e girdi’ nu Tyre ngu Sidon ngomed!

Luke 10:13

“Rib ga’ ba gafgow ni bay mu ted yu Korazin! Rib ga’ ba gafgow ni bay kum ted yu Bethsaida! Ya fapi maang’ang ni kan ngongliy u wur e fa’an mang e ni ngongliy u lan yu Tyre nge yu Sidon, ma girdi’ riy e kafram e kar pired nga but’ ka ron’ed e tutuw ni mad ma kar thiygad ko awat ni nge mang pow riy ni kar pi’ed keru’rad ko denen ni yad be ngongliy!

Luke 10:14

Ka ba ga’ e runguy nra tay Got ngak yu Tyre nge yu Sidon ko runguy nra tay ngomed ko Chirofen nra pufthinnag e girdi’ riy.

Luke 18:7

Gimed be finey ma dabi turguy Got e tin ni ir e bmat’aw nra fel’ rogon e tirok’ e girdi’ riy ni pi’in yad be wenig ngak ni rran nge neap’ ni nge ayuwegrad? Gimed be finey ma ba sowath nra ayuwegrad?

Acts 9:4

Me thay nga but’ me rung’ag ba lam ni be ga’ar ngak, “Saul, Saul! Mang ni ga be gafgow nigeg?”

Deuteronomy 32:35

I SOMOL e bayi fulweg taban ngorad nge gechig nagrad; bayi taw ko ngiyal’ ni ngar mulgad, rofen ni ngan thirifrad u but’ e be chugur.

2 Thessalonika 1:6

Ya Got e bay rin’ e tin nib mat’aw: ni bayi fek e gafgow nga daken e pi’in yad be gafgow nagmed,

Judges 11:12

Ma aram me l’oeg Jefthah e pi tamal’og ngak e pilung nu Ammon ngar ga’argad ngak, “Mang e n’en ni ga be togopluwnag ngomad? Mangfan ni kam mael ko nam romad?”