Joel 3:10 - Bible Ni Thothup

¹⁰ Mu pirdi’iyed e kuwa romed ngam ngongliyed ni saydon, nge yar ni gimed ma th’ab pa’ngin e gek’iy ngay nge mang sarey. Mus ko pi’in me’waer ma dabisiy ni nge un ko cham.

Joel 3:10 Iomraidhean Croise

2 Kronicles 25:8

Rayag ni ga be leamnag ni yad ra ayuwegnem ngam gel, machane Got e ir e bay gelngin nra gel nigey fa me’waer nigey, ma ra pag e pi to’ogor rom ngar gelgad ngom.”

Isaiah 2:4

Bayi gapaseg thilin e pi nam ni gang’. Bay ra ama niged e pi saydon rorad ngar ngongliyed talin e maruwel riy nma gi’ e but’ nge pi sarey rorad nge mang yar ni yima th’ab papa’ngin e woldug ngay. Pi nam e dab ku ra maelgad bayay, ma dab ku ra fal’eged rogorad bayay ni fan ko mael.

Jeremiah 51:11

I SOMOL e sak’iynag e pi pilung nu Media, ni bochan e ke leamnag ni ngan kirebnag yu Babylon. Aram rogon nra sulweg puluwon e kireb ni kan tay ko Tempel rok. Pi tolang ko salthaw ni yad e yad be cham e rogned nra ga’argad, “Mu uthumed e pi gan e gat’ing romed! Migmed falfal’eg rogon e shield romed!

Mikah 4:3

Bay i triggiliy e malu’ag thin u thilin e pi nam, pi nam nib ga’ mab gel ntin ba chugur nge tin mal’af. Bay ra pirdi’iyed e pi saydon rorad ngemang kuwa nima gi’ e but’, miyad pirdi’iy e pi sarey rorad nge mang yaer nifen bugul e ew. Pi nam e dakriy bi’id ni yad ra mael bayay, ara rfal’eged rogorad bayay ni ngar maelgad.

Zekariah 12:8

Rofen nem e bayi yoror SOMOL rok e pi’in yad ma par u Jerusalem, mus ko pi’in ntha’bi me’waer u fithik’rad ma bay ra gelgad ni bod David ni immoy. Pi’in owchen David e bay ra gafaliyed yad ni bod ba engel rok Got, ma bod Got.

Luke 13:12

Ma fa’ani guy Jesus e re pin nem me non ngak ni ga’ar, “Ppin, kam dargow e m’ar rom!”

Luke 22:36

Me ga’ar Jesus, “Machane chiney e en ni bay tafen e salpiy rok ara ba tutuw e thangri fek; ma en ndariy e saydon rok e thangri pi’ wuru’ e mad rok ni chuway’ nge fek e salpiy riy nge chuw’iy reb ngay.