Joel 2:32 - Bible Ni Thothup

³² Machane urngin e pi’in yad ra wenig ngak SOMOL ni nge ayuwegrad e yad ra fos. Ni bod nike yog SOMOL ni ga’ar, ’Boch e girdi’ u daken e burey ni Zion nge yu yang u Jerusalem e bay ra thaygad. Pi’in kugu mel’egrad e yad ra fos.’ ’

Joel 2:32 Iomraidhean Croise

Genesis 4:26

Mi ni gargeleg bochi pagel rok Seth, me tunguy fithingan ni Enosh. Ireram e re ngiyal’ i n’en ni tabab e girdi’ i pining fithingan SOMOL, nib thothup ko meybil rorad.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Isaiah 10:22

Ni yug aram rogon ni chiney ni gathi blich e girdi’ nu Israel ni bod e yan’ u pe’lay, ma buchu’uw i yad e bayi sul. Riya’ e kan ayuweg ni fan ko girdi’, nri bay tapgin ni nge aw ngorad.

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

Isaiah 11:16

Ra sum bpa’ i kanawo’ nib k’iy u Assyria ni fan ngak e girdi’ rok nu Israel nra magachgad u rom, ni ku bod fare pa’ i kanawo’ nib k’iy ni fan ngak e pi chitamangirad nap’an rchuwgad u Egypt.

Isaiah 4:2

Bay bangiyal’ ni bayi taw ngay mra tugulnag SOMOL gubin e woldug nge gek’iy u daken e but’ nge dammal me fel’ ya’an. Gubin e girdi’ nu Israel nra magachgad ni yad bfos e yad ra felfelan’ miyad uf nga yong’olen e but’.

Isaiah 46:13

Rofen ni nga ni gel e kug chugurnag, daki mal’af. Gel ni bay gu tay e dabi sowath. Bay gu chuweg yu Jerusalem u pa’ e to’ogor rok, mu rom e bay gu gagiyegnag yu Israel riy ngan tay farad.”

Jeremiah 31:7

Be ga’ar SOMOL, “Mu tang niged e felfelan’ ni fan ngak yu Israel, ni ir fare nam nib th’abi sorok u fithik’ urngin e pi nam. Mon’ed e tang romed ni gimed be pining e sorok ngak ni nge lungumed, ‘I SOMOL e ke ayuweg e girdi’ rok, ma pi’in ni magay e lagrad nde buch ban’en rorad.’

Jeremiah 33:3

“Mu piningeg mu gu fulweg lungum; gu ra yog ngom boch ban’en nib manigil ma bfel’ ni damnang murung’agen.

Amos 9:8

I gag SOMOL ni Th’abi Tolang e ku gup’ owcheg ngak girdi’en e nam nu Israel ni yad be denen, bay gu thirifrad u daken e fayleng. Machane dab gu thirif urngin e pi’in owchen Jakob.

Obadiah 1:17

“Machane daken e Burey nu Zion e ra mil bochiyad riy, ni aram e gin’en nra par nib thothup. Fapi girdi’ rok Jakob e bay ra tafnayed fare gi but’ nriyad e matawrad ni ngar tafnayed.

Obadiah 1:21

Pumo’on ni falu’ nu Jerusalem e bay ra cham gad nga Edom ngar gagiyeg niged. Ma SOMOL e ir e bayi pilung.”

Mikah 5:3

Ere SOMOL e bayi pag e girdi’ rok nga pa’ e pi to’ogor rorad nge mada’ ko ngiyal’ ni fare pin ni nge gargel e ke gargeleg fak ni pumo’on. Ma aram e girdi’en e nam rok ni yad bay u reb e nam ni yad ba kalbus e bay ra sulod ngar cheaggad ngak e tirorad e girdi’.

Zekariah 13:9

Bay gu sikengnag e tin kar mageygad, ma bay gu be’ech nagrad ni bod e silber ni yima be’ech nag ko nifiy. Bay gu sikeng nagrad ni bod ni yima sikengnag e gol. Ma aram e bay ra meybilgad ngog, mug fulweg taban e meybil rorad. Bay gog ngorad ni yad pi girdi’eg, ma bay roged ni Gag e Got rorad.”

John 10:16

Bay yugu boch e saf ni saf rog, machane dar moyed u fithik’ e tiney e saf. Ere thingar kug fekrad i yib; ya bay ra matealgad nga lungug, miyad peth ko tiney ngar pired nta’ab ran’ i saf ma ta’abe’ e be gafaliyrad.

John 4:22

Gimed yu Samaria e ri da mu nanged e en ni gimed be meybil ngak; ma gamad e Jew e gamad manang e en ni gamad be meybil ngak, ya kanawo’en min thap ngak Got e yib rok e pi Jew.

Acts 15:17

Ma aram e urngin e tin ni kabay e girdi’ e bay ur gayed Somol, ni urngin e pi nam ni kug piningrad ni ngar manged girdi’eg.

Acts 2:39

Ya tow’ath ni micheg Got ni bayi pi’, e gimed e nge yag ngomed nge pifakmed, nge ngak urngin e pi’in yad ba mal’af, ni yad urngin e pi’in be piningrad Somol ni Got rodad ngak.”

Roma 11:26

Aray rogon ni bayi thap yu Israel ni polo’ ngak Got, ni bod ni be yog e babyor nib thothup ni be ga’ar: “En nma thapeg e girdi’ ngak Got e bayi yib u Zion, ma bayi chuweg urngin e wok nge tafinay nib kireb rok e pi’in yad owchen Jakob.

Roma 11:5

Ere ku errogon e ngiyal’ney: bay bochu’uw e girdi’ nike mel’egrad Got, ni bochan e runguy rok.

Roma 11:7

Ere uw rogon? Yu Israel e dar pir’eged e ren’en ni yad be changarnag. Ya kemus ni fachi ulung ni Got e mel’eg e yad e ra pir’eged; ma pi’in ndar uned ko re ulung ney e dar matoyilgad ko pong ni be tay Got.

Roma 9:24

Ya gadad e pi’in ke piningdad, ni gathi kemus ni yigo’o fithik’ piyu Israel e ke piningdad riy, ya ku errogon ni ku ke piningdad u fithik’ e pi’in gathi yad piyu Israel.

Roma 9:27

Mi Isaiah e yog murung’agen yu Israel ni ga’ar: “Yugu ra yo’or yu Israel ngar boded urngin e yan’ ni bay u charen e day, machane ri in i yad e ra thap ngak Got;

1 Korinth 1:2

Ngak girdi’en e galesiya rok Got ni bay u lan yu Korinth, ni urngin e pi’in ni Got e ke piningrad ni ngar manged girdi’en, ni pi’in ke mil farad ngak Got ni bochan e kar ta’ab girdi’gad Kristus Jesus, ma kar ta’ab girdi’gad urngin e girdi’ nu gubin yang ni pi’in yad ma pining fithingan e Somol rodad i Jesus Kristus, ni ir e Somol rorad nge gadad:

Hebrews 12:22

Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.