Joel 2:26 - Bible Ni Thothup

²⁶ Chiney e aram e bayi yo’or ganmed mi gimed par ni kam chum’er gad. Ma bay mogned e sorok ngak SOMOL ni ir e Got romed, ni ir e ke rin’ bogi n’en nrib fel’ ngomed. Girdi’ rog e gathi bay kun fananikayrad bayay.

Joel 2:26 Iomraidhean Croise

Genesis 33:11

Wenig ngom, mfek e re tow’ath rom ni kug fek i yib ni fan ngom; ya Got e ke runguyeg ke pi’ ngog urngin e tin nge yag ngog.” Me wenig i wenig ngak ma aram me fek.

Nehemiah 9:25

Girdi’ rom e ra koled e pi binaw ni ka ni yororiy ni fan ko mael, nge binaw nib yong’ol, nge naun nib sug ko machaf, nge luwed nike m’ay i ker, nge gek’iy ni olive, nge gek’iy ni yima kay wom’ngin, nge yungi woldug ni grapes. Mu ur ked urngin e tin yad ba’adag ni ngar ked ngar pired ni kar sugsuggad; mi i felfelan’rad ko urngin e pin’en ni bfel’ ni mu pi’ ngorad.

Psalms 103:5

Ke yu’nag ngog e tin ni bfel’, ya nggu par ni ku gub pagel ma gub gel ni bod ba arche’ ni eagle.

Psalms 116:7

Lanin’ug, nge pagan’um, ya SOMOL e rib manigil e tin ke rin’ ngog.

Psalms 13:6

SOMOL, bay gu tang nigem, ni bochan e ku’um gol ngog.

Psalms 22:26

Pi’in ndariy ban’en rorad e yad ra kay urngin e tin yad ba’adag; pi’in yad be yib ngak SOMOL e bay ra pininged e sorok ngak. Manga yu gur pired ni bfel’ rogorad ndariy n’umngin nap’an!

Psalms 37:19

Mra yib e gafgow nga daken e nam ma dab ra gafgowgad; ra yib e uyongol ma ba gaman e ggan rorad.

Psalms 67:5

A Got, manga yigi pining e girdi’ e sorok ngom, manga yigi gubin e girdi’ me pining e sorok ngom!

Psalms 72:18

Ke sorok SOMOL, ni Got nu Israel! I go’ ir e ma ngongliy e pi maang’ang ney.

Proverbs 13:25

Pi’in nib mat’aw e ba gaman garad, machane pi’in kireb e gubin ngiyal’ ni yad be yim’ ko bilig.

Tang Ko Pitang 5:1

Kagub ngalan e milay’ rog, male’ rog, ma athibon an’ug. Gu be kunuy e pi spices rog nge myrrh; gu be kay e honeycomb nge honey rog; ma gu be unum e wayin rog nge milik. Gal fager mu abichgow migimew be garbod nge mada’ ko ngiyal’ ni ka mu chinggow ko adag romew.

Isaiah 25:1

SOMOL, I gur e Got rog; Bay ug liyor ngom mu gu mathangeluwolnag fithingam. Kam ngongliy bogi maang’ang; ri ga ba yul’yul’ u rogon ni ga be rin’ e pin’en ni ka mu tanomnag kakrom.

Isaiah 29:22

Ere chiney e SOMOL, ni Got rok piyu Israel, ni ayuweg Abraham ko gafgow, e be ga’ar, “Girdi’ rog, dab ku mu pired nib m’ay famed, ma dabki awat owchamed ko tamra’ bingyal’.

Isaiah 45:17

Machane SOMOL e ke chuweg yu Israel u pa’ e to’ogor rok, ma felfelan’ rok yu Israel nike gel e bayi par ni dariy n’umngin nap’an; ma girdi’ rok e dab kun darifan nagrad.’”

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

Isaiah 54:4

Dab mu rus, ya dab kun darifan nigem bayay; dab kun tamra’ nigem. Bay mu pag talin e yul’yul’ ni da um tay ngak e pumo’on rom ko ngiyal’ ni kagab rugod, ma ku er i tay e kireban’ rom nib gel ko ngiyal’ ni yim’ figirngim.

Isaiah 55:2

Mang ni kam n’iged e salpiy ko n’en ni dab mu fosgad ngay? Mang ni ka mu wereged puluwmed kem’ay ma dawor mu fosgad? Mu telmed ngog mi gimed rin’ e tin nggog, me yag ngomed e tin th’abi fel’ e ggan.

Levitikus 25:19

Re gi but’ nem e bayib wom’ngin, ma bayi yag gubin e tin gimed ba’adag ni ngam koyed mi gimed par ndariy ban’en nra buch romed.

Levitikus 26:26

Bay gu taleg e ggan nma yib ngomed, me par nri ta’reb e stof e ba t’uf rok ragag e ppin ni ngar lithed urngin e flowa ni bay rorad riy. Mra kuweged u pa’med nra be’ ma buchu’uw, ma nap’an ni gimed ra mu’ i kay ni gubin miki gimed be yim’ ko bilig.

Levitikus 26:5

Pi woldug romed e bayi yo’or nge dab mmu’gad i t’ar wom’ngin e grain miki taw ko ngiyal’ ni ngam tar’ed wom’ngin e woldug romed ni grape, ma ku dab mmu’gad i t’ar wom’ngin e grape miki taw nga nap’an ni ngam yunged e woldug ni grain. Urungin e tin gimed ba’adag ni ngam ked ma bay, mi gimed par ndariy ban’en nra buch romed u lan e binaw romed.

Mikah 6:14

Bay um abichgad, machane damur fosgad. Bay um pired niki gimed ba yam’ ko bilig. Gimed ra fek boch ban’en, ma dabi magach u pa’med. Demturug e tin gimed ra cha’riy, ma gu ra kirebnag u fithik’ e mael.

Zefaniah 3:11

Gimed e girdi’ rog, re ngiyal’ i n’em e bayi dab kum tamra’gad ni um togopluwgad ngog. Bay gu chuweg e pi’in yad ba tolngan’ nge pi’in yab ba fenuwan’, ma gimed e dakriy e ngiyal’ ni gimed ra togopluw ngog u daken fare burey rog nib thothup.

Zekariah 9:15

I SOMOL ni Gubin ma Rayag Rok e bayi yoror rok e girdi’ rok, ma bay ra thirifed e pi to’ogor rorad u but’. Bay ur tolulgad u fithik’ e mael ni gowa girdi’ nike balyang ko rrum, miyad pu’og racha’en e pi to’ogor rorad; ma bayi map’ nge yan ni gowa racha’en ba gamanman ni maligach nni kunuy ngalan baraba’ i ban’en min pu’og nga daken e altar.

Zekariah 9:17

Uw feni fel’ nge feni fel’usun e re but’ nem ni bayi par! Pi’in ni bfel’ yangren e yad ra gel mar ilalgad ko grain nge grape ni yad be kay.

Roma 10:11

Ya be ga’ar e babyor nib thothup, “En nra michan’ ngak Kristus e dabi kireban’.”

Roma 5:5

Re pagan’ ney e dabi m’ing lanin’dad riy, ya Got e ke pu’og e t’ufeg rok nga fithik’ i lanin’dad u daken fare Kan Nthothup, ni ir e tow’ath rok Got ngodad.

Roma 9:33

ni ir e be weliy e babyor nib thothup murung’agen ni be ga’ar: “Mu guyed, kug tay ngalan yu Zion ba malang ni bay i tun ay e girdi’ ngay, ba war ni ngar dol’gad ngay. Machane en nra michan’ ngak e dabi m’ingan’.”

Deuteronomy 11:15

nge pan ni fan ko gamanman romed. Ma oren e ggan ni gimed ba’adag ma bay.

Deuteronomy 12:12

Ma aram mu um felfelan’gad u p’eowchen SOMOL, ni gimed nge pifakmed, nge pi tapigpig romed, nge pi Levite ni yad be par u lan e pi binaw romed. Dab mpaged talin ni pi Levite e gathi bay ni pi’ e binaw ngorad ngar tafned.

Deuteronomy 12:18

Gimed nge pifakmed nge pi tapigpig romed nge pi Levite ni yad be par u lan e yochi binaw romed e kemus nu p’eowchen SOMOL ni Got romed e ngam ked e pi maligach ney riy, u lan fa ta’gin’en ni tagil’ e liyor nike turguy SOMOL ni Got romed. Mu um felfelan’gad ni bochan urngin e pin’en ni kam mu’ niged.

Deuteronomy 12:7

U rom u p’eowchen SOMOL ni Got romed, ni ir e be fal’eg wa’athmed, e gimed nge girdi’en e tabnaw romed e ngam abichgad nga mu felfelan’gad ko tin bfel’ ni kam muruwliyed.

Deuteronomy 8:10

Bay um pired u rom nib yu’ ngomed urngin e tin ngam ked, ma bay um pininged e magaer ngak SOMOL ni Got romed ni bochan e re nam nem nike pi’ ngomed nib yong’ol e but’ riy.

1 Timothy 6:17

Mog ngak e pi’in bo’or ban’en rorad ko biney e tamilang ndab ra ufanthin gad, ma dabi l’agan’rad ko pin’em nde muduwgil, ni aram e pin’en nma fel’ rogoy riy ko biney e tamilang, machane nge l’agan’rad ngak Got ni ir e ba gol ni be pi’ urngin ban’en ngodad ni be fel’ rogorad riy.

1 John 2:28

Er rogon, pifakag, mpired u fithik’ Kristus, nge dab da tamdaggad ko ngiyal’ nra yib i m’ug riy me siy da mithgad rok ni bochan e tamra’ rodad ngak ko fare Rran nra yib riy.