Joel 2:20 - Bible Ni Thothup

²⁰ Bay gu chuweg romed e pi asmen’ing ni karbad ngomed u lel’och, ma bay gu tuluf boch i yad nga daken e yungi ted nder tugul ban’en riy. Tin ni bay nga m’on e bay ntulufrad ngalan fa gi day ni Dead Sea fithingan, ma tin ni bay nga tomur e bay ntulufrad ngalan fa gi day ni Mediterranean fithingan. Bay ra mel gad. Bay gu thang owcharad ni bochan urngin e tin kar rin’ed ngomed.

Joel 2:20 Iomraidhean Croise

2 Kings 8:13

Me fith Hazael ni ga’ar, “Ra di’in me er fanag gel? Ya gag be’ ni dariy rogog!” Me fulweg Elisa ni ga’ar, “Ke dag SOMOL ngog ni bay mmang pilung nu Syria.”

Psalms 126:3

Riyul’ nrogon nike ayuwegdad e ka ni ngat ngay; rib gel e felfelan’ nike yib ngodad!

Exodus 10:19

Me thilyeg SOMOL gil’ e nifeng nge thow u lan e ngal nike gel, me kunuy e re nifeng nem fapi asmen’ing nge therebegrad ngalan fa gi day ni Red Sea fithingan. Dariy ta’reb e asmen’ing ni magey u lan yu Egypt.

Exodus 8:14

Me ulunguy e girdi’ nu Egypt e kayru ni yu to’ulung ni gang’, me mel daken e binaw.

Isaiah 34:3

Pi ldow rorad e dab ni k’eyag, ma bayi par downgirad u but’ nge meal nge kireb bon; pi burey e bayi row ko racha’ rorad.

Ezekiel 47:18

“Mathil ko ngek e tabab ko mathil rok yu Damascus nge yu Hauran me yan u rom ko yimuch ko fare Lul’ nu Jordan ni ir e mathil u thilin e nam nu Israel ko ngal, ma nam nu Gilead ko ngek, nge yan i mada’ nga Tamar ni bochi binaw nib chugur ko Dead Sea.

Amos 4:10

“Gu pag e msilipig ngomed ni bod fa binem ni gu pag ngak piyu Egypt. Kug thang e fan rok e pi’in pagel romed u fithik’ e mael mu gu fek e pi os romed. Mu gu suguy p’ethungmed nga bon e yam’ u lan gin gimed be par riy. Machane ku da mu sulod ngog.

Zekariah 14:8

Rofen nem e ra map’ e ran nma pi’ e yafos u Jerusalem, baley ko pi ran nem e bay i map’ ngalan fare gi day ni Dead Sea, ma baley riy e bay i map’ ngalan e day ni Mediterranean. Bay i map’ e re ran ney ni gubin ngiyal’ u gubin e duw, nnap’an e yal’ nge n’uw.

Malaki 3:11

Ma aram e dab kug pag e pi chachangag nge longuy e woldug romed, me par yungi milay’ romed ni grape nike sug ko grape.

Deuteronomy 11:24

Gubin yang e but’ ni gimed ra yan u daken e go’ gimed ra tafnay. Tafenmed e bayi tabab ko yimuch u lan e ted ni desert me yan i taw ko fapi Burey nu Lebanon ni bay ko lel’och, me tabab ko fare lul’ ni Eufrates ni bay ko ngek nge mada’ ko fare gi day ni Mediterranean ni bay ko ngal.