Joel 2:19 - Bible Ni Thothup

¹⁹ Me fulweg ngorad ni ga’ar, ’Chiney e aram e nggu pi’ ngomed e grain nge wayin nge gapgep ni olive, ngam chum’er gad riy. Ma yugu boch e nam e gathi bay kur fananikayed gimed.

Joel 2:19 Iomraidhean Croise

Jeremiah 31:12

Bay rabad ngar tang niged e felfelan’ u daken e burey ni Zion, miyad felfelan’ ko pi tow’ath rog ngorad, ni grain nge wayin nge gapgep ni olive, nge saf nge garbaw. Bay ra pired ni yad bod bangi milay’ ni bfel’ rogon ni yibe tarannag, ma aram e bayi yag ngorad gubin e tin ba t’uf rorad.

Ezekiel 34:29

Bay gu pi’ e flang nib yong’ol butan ngorad ma dabkug pag e uyngol ngeb ko fare nam. Ma pi nam e dabkur moning nigedrad bi’id.

Ezekiel 36:15

Fare but’ e dabki motoyil ko pi nam ni yad be moning nag nge girdi’ ni be mkak’aran’rad ngak. Fare but’ e dabki iring pifak fare nam. I Gag SOMOL ni Th’abi Tolang e gu be non.”

Ezekiel 36:29

Bay gu chuwegmed u fithik’ urngin ban’en nma taymed ni kam kirebgad u p’eowcheg. Bay gu non ko woldug ni grain nge pire’ i pire’, nge dabki yib e uyongol ngomed.

Ezekiel 36:30

Bay gu gagiyegnag e gek’iy ni yima kay wom’ngin nge yib wom’ngin ni pire’, ma ku er i tay e woldug romed, nge dabki yib e uyongol ngomed ma dabki moning nagmed e pi nam.

Ezekiel 39:29

Bay gu pu’og e kan nthothup rog nga daken e girdi’ nu Israel ma dakriy bingyal’ ni gu ra pi’ keru’ug ngorad. I Gag fare SOMOL ni Th’abi Tolang e kugog e pi thin ney.”

Hosea 2:15

Mu gu fulweg ngak fa yungi grape ni fi’in, mu gu gagiyegnag e Loway ko Gafgow nge par ni mban e l’agan’. Mu rom e bay gu t’uf rok riy ni bod ni rin’ ko fa ngiyal’nem ni kab rugod, ni fa ngiyal’nem ni yib u Egypt.

Hosea 2:21

Ra yan i taw ko ngiyal’nem ma bay ug fulweg taban e meybil rok yu Israel ni girdi’ rog. Bay gu l’oeg e n’uw nge aw nga daken e but’ me k’uf e woldug ni grain, nge grape nge olive.

Joel 1:10

Dakuriy ban’en u daken e yung i milay’; kari kireban’ e but’, ya ke kireb e grain, ma ke l’ud e grape, ma ke mororoy e yu ke gek’iy ni olive.

Joel 2:24

Yungi n’en ni yima gunugunuy e grain riy e bayi sug ko grain; ma pi low u charen e gin yima udiy e wayin nge olive riy e bayi sug nge m’ap nga but’ ko wayin nge gapgep ni olive.

Levitikus 26:5

Pi woldug romed e bayi yo’or nge dab mmu’gad i t’ar wom’ngin e grain miki taw ko ngiyal’ ni ngam tar’ed wom’ngin e woldug romed ni grape, ma ku dab mmu’gad i t’ar wom’ngin e grape miki taw nga nap’an ni ngam yunged e woldug ni grain. Urungin e tin gimed ba’adag ni ngam ked ma bay, mi gimed par ndariy ban’en nra buch romed u lan e binaw romed.

Zekariah 8:12

Bay ra yunged e woldug rorad u fithik’ e gapas. Yuke grape rorad e bay yib wom’ngin, me tugul e woldug u but’, ma bayi yo’or yang e n’uw ni ngi i aw. Gubin e pi tow’ath ney e bay gu pi’ ngak girdi’en fare nam rog nra magachgad ni yad bfos.

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

Deuteronomy 11:14

Ma fa’an gimed ra rin’, mra pi’ e n’uw nga daken e but’ romed ko ngiyal’ ni ba t’uf, u nap’an e autumn nge spring, ni bochan e nge yib wom’ngin e woldug ni grain, nge wayin, nge gapgep ni olive ni fan ngomed,

Ruth 1:6

Me munmun me rung’ag Naomi nike ayuweg SOMOL e girdi’ rok ya ke dammalnag e woldug rorad; me fal’eg rogon ni nge chuw u Moab ni yad fa gali ppin ni le’engin fak.