Joel 2:17 - Bible Ni Thothup

¹⁷ Pi prist ni yad be pigpig ngak SOMOL u lan e Tempel u thilin langan e mab nge altar e thingar ra yorgad miyad meybil ni lungurad, ’SOMOL, mu runguy girdi’em. Dab mu pag yugu boch e nam ngar darifan niged gamad mu ur moning niged gamad ni be lungurad, ’Bu uw e Got romed?’’

Joel 2:17 Iomraidhean Croise

1 Kings 6:3

Re senggil ni yira yib ngalan mfin nib ngalan e tempel e ragag nge lal e fit n’umngin, ma guyey e fit ga’ngin radan, ni bod ga’ngin radan e tempel.

1 Kings 9:7

ma aram e nggu chuweg yu Israel ni girdi’ rog ko re nam ney ni gag e kug pi’ ngorad. Ma kug ra n’ag e re Tempel ney ni gag e kug thothupnag ni aram e gin ni ngu’un liyor ngog riy, ma girdi’ u gubin yang e bay ur moninggad ngak yu Israel ma yad be darifan nagrad.

2 Kronicles 7:20

ma aram e gu ra chuwegmed u lan fare nam ni ku gu pi’ ngomed, ma gu ra pag e re Tempel ney ni ku gu tay ni bangi ban’en nib thothup ni ir e ngu’un liyor ngog riy. Girdi’ u gubin yang e bay ra moning niged mu’ur dariyfan niged.

2 Kronicles 8:12

Me pi’ Solomon e maligach ngak SOMOL u daken fare altar nike ubung u mit fare Tempel.

Nehemiah 9:36

Ma chiney e kug manged sib u lan fare nam ni gur e mpi’ ngomad, nre but’ ney nib yong’ol ni be pi’ e ggan ngomad.

Psalms 115:2

Mang ni be fithmad e pi nam ni yad be ga’ar, “Bu uw e Got romed?”

Psalms 42:10

Kug parde’ ko thin nib kireb ni be yog e pi to’ogor rog ngog, ya kar pired ni yad be fith ngog ni be lungurad, “Bu uw e Got rom?”

Psalms 42:11

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 42:3

Gu be yor ni rran nge nep’, ma lu’ e ke mang ggan ngog; gubin ngiyal’ ni be fitheg e pi to’ogor rog ni be lungurad, “Bu uw e Got rom?”

Psalms 42:4

Fa’an gu ra leamnag e kakrom mi i kireban’ug; ya ngiyal’nem e un e girdi’ ni yo’or ngog ngu’ug warod ko fare naun rok Got, gu ma m’on ngu’ur leked gag, ni gamad ba ulung i girdi’ ni gamad ba felfelan’, ni gamad be tang ma gamad be pining e sorok ngak Got ni ba ga’ lammad.

Psalms 74:10

A Got, bu uw n’umngin nap’an ni ngi i minmin e pi to’ogor romad ngom? Ngu’ur dariy fanaged fithingam ni manemus?

Psalms 79:10

Mangfan ni be fithmad e pi nam, ni yad be ga’ar, “Bu uw e Got romed?” Mu gagiyegnag ngguyed ni kam gechignag e pi nam ni bochan e yad be po’ug rachaen e pi tapigpig rom.

Psalms 79:4

Pi nam nib liyegmad e yad be yog e thin ni kireb ngomad; yad be garus ma yad be moning nagmad.

Psalms 89:41

Urngin e girdi’ ni be yib u to’oben nge yan e yad be iring e chugum rok; ma urngin e pi’in yad bbuguliyoror e yad be moning ngak.

Psalms 89:51

Pi to’ogor rom e yad be yog e thin ni kireb ko fare pilung ni gur SOMOL e mmel’eg! Demturug e gin nra yan ngay ma yad be yog e thin ni kireb ngak.

Exodus 34:9

Me ga’ar, “SOMOL, fa’anra rriyul’ ni gub fel’ u wun’um, ma gu be wenig ngom ni ngam un ngomad. Pi girdi’ ney e yad ba gel’an, machane wenig ngom mu n’agfan u wun’um e denen nge kireb romad, ngam pagmad nggu manged girdi’em.”

Isaiah 22:12

I SOMOL ni Th’abi Tolang ma Gubin ma Rayag Rok e i piningmed ni ngam yorgad mi gimed dololoy’, migmed puy piyan lolugmed ngam chuwgad ko mad ni tutuw.

Isaiah 37:20

SOMOL, ni Got romad, mu aywegmad e chiney u pa’ yu Assyria, ya nge nang urngin e nam u fayleng ni kammus ni gur e Got.”

Ezekiel 20:9

Machane dag rin’, ni bochan e ra m’ayfan fithingag riy, ya fithik’ e girdi’ ni yad ma par e gu weliy riy ngak yu Israel ni gu ra pow’iyrad nga wuru’ yu Egypt.

Ezekiel 8:16

Ma aram me fekeg ngalan e yoror ko Tempel. U rom u charen e gin yima yan riy ngalan e garog ko gin nib thothup, u thilin e altar nge baranda’ ma bay rliw’ nge lal i pumo’on riy. Ni kar pi’ed keru’rad ko gin ba thothup ni yad be siro’ ko ngek, ni yad be tayfan e yal’ ni be yib ngalang.

Hosea 14:2

Mu sulod ngak SOMOL, mi gimed meybil ngak ni nge lungumed, “Mu n’ag fan urngin e denen romad, me fel’ u wun’um e meybil romad, ma gamad pining e sorok ngom ni bod ni ku gogned ngom ni gamad ra rin’.

Joel 1:13

Gimed e pi prist ni gimed ma pi’ fapi maligach u daken e altar e nga mon’ed nga dakenmed e mad ni tutuw ngam yorgad, marod ngalan e Tempel ngam yorgad ni polo’ e nep’! Dariy e grain ara wayin ni ngam pi’ed ngak e Got romed.

Joel 1:9

Dariy e grain nge wayin ni ngan pi’ u Tempel; ma be yor e pi prist ni bochan e dariy e n’en ni ngar pi’ed ngak SOMOL.

Amos 7:2

Mu gguy e pi asmen’ing nem nra longuyed urngin ban’en nib galunglung ni bay u daken e nam nge m’ay, me lungug, “SOMOL ni Th’abi Tolang, mu n’ag fan rok e girdi’ rom! Uw rogon ni ngar pired ni dab ram’ad? Ya ri yad ba’achig ma yad ba me’waer.”

Amos 7:5

Me lungug, “SOMOL ni Th’abi Tolang, wenig ngom, mu taleg! Uw rogon me par e girdi’ rom ndab ram’ad? Ya ri yad ba’achig ma yad ba me’waer’!”

Mikah 7:10

Ma aram e bayi guy e pi to’ogor e ren’ey miyad tamra’, ni fapi to’ogor rodad ni ur moning gad ngodad ni be lungurad, “Bu uw fa’anem i SOMOL ni Got romed?” Bay da guyedrad ni kar waergad, ma yibe yot’rad nga but’ ni yad bod e rungdu’ u lan e kanawo’.

Malaki 1:9

Gimed e pi prist, mu fithed Got ni nge gol ngodad ngam guyed. Ya dabi fulweg taban e meybil romed, ma gimed e kireb romed.

Numbers 25:6

Ma bay be’ nib mo’on nu Israel ni fek be’ ni bpin nu Midian nga langgin e Tent rok u p’eowchen Moses nge gubin fapi girdi’, ko ngiyal’ ni ba’aram ni yad be siro’ u fithik’ e meyor u langan e mab ko fare Tent u p’eowchen SOMOL.

Matthew 23:35

Aram fan ni gechig ni bay yib ni bochan urngin e girdi’ ni bfel’ nli’rad ngarm’ad e bay yib ngomed, ni mus ngak Abel nthang e fan rok ni be’ ni bfel’ e rok nge mada’ ngak Zekariah nib mo’on ni fak Barakiah, ni ir e mu li’ed ngem’ u thilin e Tempel nge altar.

Matthew 27:43

Ya ba pagan’ ngak Got ma be yog ni ir Fak Got. Ere mu son gad ngad guyed ko ra yib Got i ayuweg e chiney fa!”

Deuteronomy 28:37

U lan e pi nam ni bayi weregmed SOMOL ngay, e girdi’ riy e bay ra dada’gad ko n’en ke buch romed; bay ur minmingad ngomed ma yad be moning nagmed.

Deuteronomy 32:27

machane dabiyag ni gu pag e pi to’ogor rorad ngar ufgad ni bochan e kar gelgad ngak e girdi’ rog ko mael, ni fa’an gowa gathi gag e kug pag e gafgow ngorad.’

Joshua 7:9

Piyu Kanaan nge urngin e pi’in yad bay u langgin fare nam e bay rrung’aged murung’agmad. Bay ra liyeged gamad ngar li’ed gamad ni gamad gubin nggu m’ad! Are mang e ga ra rin’ mu kum ayweg fanam gilbugwan?”