Joel 2:16 - Bible Ni Thothup

¹⁶ Mu kunuyed e girdi’ nga ta’bang; mu fal’eged rogorad ni fan nga reb e muulung nib thothup; mu kunuyed e pilibthir; mu kunuyed e pi’in bitir, ma ku er rogon e bitir ni kabran. Mus ngak e pi’in kafini mabgol ni thingar ra chuwgad u lan e pi senggil rorad ngar uned ko wub.

Joel 2:16 Iomraidhean Croise

2 Kronicles 20:13

Gubin e pumo’on nu Judah, nge pi le’engirad nge pifakrad, ni yad be sak’iy u rom ko fare Tempel.

2 Kronicles 29:5

me non ngorad u rom. I ga’ar ngorad, “Gimed e pi Levite e ngam be’ech niged gimed nrogon ko motochiyel miki gimed be’echnag fare Tempel rok SOMOL ni Got rok e pi chitamngimed. Mu chuweged u lan fare Tempel urngin e tin be alit nag.

2 Kronicles 30:17

Bo’or fapi girdi’ e de yag nra li’ed fapi pifak e saf ni maligach ko Paluk’af ni bochan e dar be’echgad nrogon ko motochiyel ere pi Levite e rali’ed ni pa’rad ngar pi’ed ku SOMOL.

2 Kronicles 30:19

“SOMOL ni Got rok e pi chitamngimad, rogon fenam gol e ngam n’ag fan rok e pi’in yad be liyor ngom u polo’ i gumircha’rad, ni yug aray rogon ndawor ra be’ech niged yad nrogon ko motochiyel.”

2 Kronicles 35:6

Gimed e ngam li’ed fapi pifak e saf nge pi kaming ni ngan fanay ko Paluk’af. Ere chiney e ngam bangbeng niged gimed ni ngam be’echgad, mi gimed fal’eg rogon fapi maligach ni bochan e nge yag rok pi walagmed ni piyu Israel ni ngar folgad ko pi fanow ni pi’ SOMOL u daken Moses.”

BABYOR NI JOB 1:5

Nap’an ni yad ra mu’u reb e mur me reb e rran riy nri kab kadbul me od Job nge li’ e gamanman nge pi’ ni maligach ngak Got ni fan e nge n’ag Got fan e denen rok pifak ngar machalboggad. Gubin yay ni i rin’ ni aray rogon, ya be leamnag nrichey ma ke denen bagayad ni gomanga keyog bbugithin nib tagan ngak Got, ni gathi ri aram rogon ni leamnag.

Psalms 19:5

ma yib nga wean ni kadbul ni bod be’ nib mo’on ni nge mabgol nib felfelan’, bod ba girdi’en e gosgos nib pasigan’ ngay ni nge un ko sagreng.

Exodus 19:10

Me ga’ar SOMOL ngak Moses, “Mman ngak e girdi’ ngamog ngorad ngar be’ech nigedyad e daba’ nge gabul ni fan ko liyor. Thingar ra maluk niged e mad rorad,

Exodus 19:15

me ga’ar Moses ngorad, “Nge taw ko langlath ma kam mu’gad ma dabki par be’ nge le’engin nge mada’ ko rofen nem.”

Exodus 19:22

Ya mus ko pi prist ni yad ra yib nga to’obeg ma thingar ra machalbog niged yad, ya ra danga’ ma gu ra gechig nagrad.”

Joel 1:14

Mu reged e thin ni ngan pag e abich; mi gimed pining e mu’ulung, mu kunuyed e pi’in yad be yog e thin nge urngin e girdi’ nu Judah ngalan e Tempel rok SOMOL ni ir e Got romed, mi gimed yor ngak.

Matthew 21:16

Ma aram me lungurad ngak Jesus, “Ga be rung’ag e n’en ni yad be yog fa danga’?” Me fulweg Jesus ni ga’ar, “Gu be rung’ag. Dawor mpoyed fa gin’em u lan e babyor nib thothup? Ya be ga’ar, ‘Kam fil ngak e bitir nge bitir ni kabran ni ngar pininged e sorok ni bfel’ rogon.’ ”

Matthew 9:15

Me fulweg Jesus ni ga’ar, “Gimed be finey ni pi’in kan piningrad ni ngarbad ko madnom ko mabgol e ngar pired nib kireban’rad ni n’umngin i nap’an ni bay rorad fare mo’on ni ir e ngan ngongliy e mabgol rok? Bmuduwgil ni danga’! Machane bay ba ngiyal’ ni bayi taw ngay ni bay ni fek fare mo’on ni ir e nge mabgol ngan chuweg rorad, ma aram e bay ur paged e abich.

1 Korinth 7:5

Ra ba wu’ e mabgol ma dabi tel bagayow ir rok bagayow, kemus ni fa’anra ke ta’reban’row ngay ni ngar talgow u rogon n’umngin nap’an ni yow ba’adag, ni fan e nge yag nra tiyan’gow ko meybil; me mu’ miyow sul ngkur rin’ew e n’en nma rin’ e mabgol, ya ri fek Satan ban’en i yib ngak bagayow, ni ban’en nrayag ni nge pingeg fa’anem nge denen, ni bochan e dakiyag rok fa’anem ni nge k’adan’.

Joshua 7:13

Mu suwon ngalang! Mu machalbognag e pi girdi’ nir ngar fal’eged rogorad ni ngarbad nga p’eowcheg. Mog ngorad ni nge gabul ma kar fal’eged rogorad, ni bochan e Gag SOMOL ni Got rok yu Israel e ba’aray e n’en ni nggog: ‘Gimed yu Israel, bay u fithik’ e chugum romed bogi ban’en ni kugog ni ngam kireb naged! Dabiyag ni ngam gelgad ngak e pi to’ogor romed ni fa’anra dab mu chuweged e pin’ey u fithik’med!’

Joshua 8:35

Gubin yang ko fare motochiyel rok Moses me be’eg Joshua ngak gubin fapi girdi’ nu Israel ni kar mu’ulunggad, nib mu’un e ppin nge bitir nge girdi’ ni be par u fithik’rad ni girdi’ u bang ngay.

1 Samuel 16:5

Me fulweg ni ga’ar, “Er rogon. Ku gub ni nggu pi’ ba maligach ngak SOMOL. Mmachalbog niged gimed mi gimed un ngog ngdarod.” Ma ku er rogon Jesse nge fapi pumo’on ni pifak ni yog ngorad ni ngar machalbog niged yad, miyad yib ko maligach ni nge pi’.