Joel 1:13 - Bible Ni Thothup

¹³ Gimed e pi prist ni gimed ma pi’ fapi maligach u daken e altar e nga mon’ed nga dakenmed e mad ni tutuw ngam yorgad, marod ngalan e Tempel ngam yorgad ni polo’ e nep’! Dariy e grain ara wayin ni ngam pi’ed ngak e Got romed.

Joel 1:13 Iomraidhean Croise

2 Samuel 12:16

Me meybil David ngak Got ni nge gol fare tir. Ma daki kay David ban’en; ma gubin e nep’ ni be yan ngalan e senggil rok nge mol u daken e faraf ni polo’ e nep’.

1 Kings 21:27

Fa’ani mu’ Elijah ko welthin, me guchthuy Ahab e mad rok nge chuweg u daken, me yin’ e mad ni tutuw nga daken. Me par ndaki abich, mi i mol ni kabay fare tutuw ni mad u daken, mi i yan ni kari kireban’.

Isaiah 22:12

I SOMOL ni Th’abi Tolang ma Gubin ma Rayag Rok e i piningmed ni ngam yorgad mi gimed dololoy’, migmed puy piyan lolugmed ngam chuwgad ko mad ni tutuw.

Isaiah 61:6

Ma bay nnangmed ni gimed e pi prist rok SOMOL, Pi tapigpig ko Got rodad. bayi felan’med ko pi machaf ni felel’ rok e pi nam, me felan’med nike mil suwon ngomed.

Jeremiah 4:8

Ere mon’ed e mad ni tutuw, mi gimed yor mi gimed dololoy’ ni bochan e damumuw rok SOMOL nib tinoway e dawri chuw u daken yu Judah.

Jeremiah 9:10

Me gag Jeremiah e gu be ga’ar, “Bayi gafgowan’ug ko fapi burey, mu gu yornag e yungi tagil’ e abich ko gamanman; ya ke yim’ e pan riy, dakuriy be’ ni be milekag riy. Dakunir rung’ag laman e garbaw riy; arche’ nge gamanman ni malboch e kar milgad kar chuwgad riy.”

Ezekiel 21:12

Fak e girdi’, mu go’go’ u fithik’ e gafgowan’; re gi saydon ney e ri fan ko girdi’ rog nge gubin e tayugang’ nu Israel. Bay ni unegrad ko girdi’ rog ngan li’rad. Mu pirdi’iyed pa’med nga daken ngarngorenmed u fithik’ e mathliyab!

Ezekiel 27:31

Ra puyed piyen lolugrad ni fan ngom Miyad yon’ e mad ni tutuw. Ma yad be yor ni kari taganan’rad.

Ezekiel 7:18

Bay ron’ed e mad ni tutuw nga dakenrad miyad t’on nreb. Bay ni puy piyan lolugrad, ma bayi ma’ farad ni yad gubin.

Hosea 9:5

Ma fa’an bayi taw ko madnom ni kan turguy ni ngan tayfan SOMOL, ma mang e yad ra rin’?

Joel 2:12

Me ga’ar SOMOL, ’Mus ko chiney nrayag ni ngan kalngan’uy ngan pi’ keru’uy ko kireb ni yibe ngongliy ngan sul ngog, ni kan pag e abich ma yibe yor ma yibe dololoy’.

Joel 2:14

Ma sana ra thilyeg SOMOL ni Got romed laniyan’ nge fal’eg wa’athmed u wom’ngin e woldug romed. Ma aram e rayag ni ngam pi’ed ngak e grain nge wayin.

Joel 2:17

Pi prist ni yad be pigpig ngak SOMOL u lan e Tempel u thilin langan e mab nge altar e thingar ra yorgad miyad meybil ni lungurad, ’SOMOL, mu runguy girdi’em. Dab mu pag yugu boch e nam ngar darifan niged gamad mu ur moning niged gamad ni be lungurad, ’Bu uw e Got romed?’’

Numbers 28:14

Bin rogon fare wayin ni maligach e aningeg e pint e wayin nga reb fa gali garbaw ni pumo’on, ma dalip pint ko fare saf ni pumo’on, ma l’agruw e pint nga reb fapi saf ni kab bitir. Irera’ e gafal ni fen fare maligach ni mo’oruf ko bin som’on e rran u gubin e pul u lan reb e duw.

Numbers 28:4

Ngan pi’ e bin som’on riy ni kadbul, min pi’ e bin migid ni blayal’,

Numbers 28:7

Ma fare wayin ni maligach nib mu’un ko bin som’on e saf, e ngan pu’og l’agruw e pint riy ko fare altar.

Numbers 29:6

Ngan pi e pin’ey ni bang ko fare maligach ni mo’oruf ni yu rran ko bin som’on e rran ko pul nib mu’un e grain ni yigagen ngay, nge fare maligach ni mo’oruf ni gubin e rran nge yigagen ni grain nge wayin. Pi ggan ney ni maligach e bfel’ bon u wan’ SOMOL.

1 Korinth 4:1

Susun e ngam changargad ngomad ni gamad e pi tapigpig rok Kristus ni gamad e kan ta’mad nike milfan ngomad e tin riyul’ ni kem’ay i leamnag rok Got.

1 Korinth 9:13

Ri gimed manang ni pi’in yad ma maruwel u Tempel e yad ma fek garad u Tempel, ma pi’in yad ma pi e pi maligach u daken e altar e yad ma fek e birorad e f’oth ko fapi maligach.

2 Korinth 11:23

Yad e tapigpig rok Kristus? Gu be non ni gowa gu be’ ni kug aliliy — machane i gag reb e tapigpig ni kabfel’ e pigpig ni gu be tay ko pigpig ni yad be tay! Kab gel e maruwel ni kug tay ko maruwel ni kar ted, kab yo’or yay ni ka non’eg nga kalbus, ma kab yo’or yay ni kan toyeg, ma kab yo’or yay nike chugur ni nggum’.

2 Korinth 3:6

ya ir e ke pi’ gelngimad ni nggu pigpiggad ko fa bin nib be’ech e m’ag, ni gathi ni ngongliy ko motochiyel ni kan yoloy, machane yib rok fare Kan Nthothup. Fare motochiyel ni kan yoloy e ma fek e yam’ i yib, machane fare Kan Nthothup e ma pi’ e yafos.

2 Korinth 6:4

Machane urngin ban’en ni gamad be rin’ e gamad be dag riy ni gamad bogi tapigpig rok Got, ni fan e gamad be k’adan’mad ko gafgow ni yibe tay ngomad, nge gafgow u ban’en, nge mo’maw’ ni gamad be pir’eg, urngin ni gamad be athamgiliy u fithik’ e gumaen’ ni ba ga’.

Revelation 11:3

Bay gu l’oeg l’agruw ni’ ni ngar weregew murung’ageg ni ka ron’ew e mad ntutuw; ma bay ra weregew e thin rok Got u lan ragag nge l’agruw mir’ay nge nel’ i ragag e rran.”