Joel 1:10 - Bible Ni Thothup

¹⁰ Dakuriy ban’en u daken e yung i milay’; kari kireban’ e but’, ya ke kireb e grain, ma ke l’ud e grape, ma ke mororoy e yu ke gek’iy ni olive.

Joel 1:10 Iomraidhean Croise

Genesis 4:12

Fa’an ga ra muruwliy e but’ ngam yung e woldug ngay, ma dabi pi’ e but’ e ggan ngom, bay mu par ni dariy e naun rom ma ga be malethay u fayleng i yan.”

Isaiah 15:6

Lul’ ni Nimrim e ke mlik, ma pan u to’oben i yan e ke mororay, ni dariy ban’en ni magay ni kab galunglung.

Isaiah 24:11

Girdi’ e be tolul u lan e yupa’ i kanawo nib ga’ ni bochan e wayin ni dakuriy. Felfelan’ e ke chuw ni dabki sul bi’id; ya kan chuweg u daken fare binaw.

Isaiah 24:7

Ke mroray kenggin e grape, ma ke lich e wayin. Gubin e pi’in urmed ni yad ba felfelan’ e ke kireban’rad e chiney,

Jeremiah 12:11

Ka ra ted ni dakriy e wulgo’ riy; ke par u p’eowcheg ni dakriy ban’en riy. Ga’ngin fare but’ nike daken e ted ni desert, ni dakriy be’ ni be magfan’ ngay.

Jeremiah 12:4

Uw n’umngin nap’an ni nge par e but’ romad nike fengfeng, nge pan nike maroroy u gubin yang e flang romad? Gamanman nge arche’ e be yim’ ni bochan e kireb ko girdi’ romad, ni pi girdi’ ni be ga’ar, ‘Got e darguy ko mang e gadad be rin’.’”

Jeremiah 48:33

Felfelan’ nge uf e kan chuweg ko fare nam nu Moab nib yong’ol but’an. Kug taleg l’ogwen e wayin ni yibe pirdi’iy; dakriy be’ ni nge ngongliy e wayin me tolulnag e felfelan’.

Hosea 4:3

Ere bayi m’ay e ran u daken e nam, ma urngin ban’en nib fos e bay yim’, ni urngin e pi gamanman nge pi arche’, mus ko nig ni bayi yim’.”

Hosea 9:2

Machane dabki n’uw nap’an ma dab kum gaman gad ko grain nge gapgep ni olive romed, ma bayi m’ay e wayin.

Joel 1:12

Fa yu ke grape nge gek’iy ni fig e ke l’ud, ma gubin e gek’iy nma k’uf e ke mororoy ke yim’. Ke chuw e felfelan’ ko girdi’.

Joel 1:5

Mu odgad ngam yorgad, gimed e pi tachingaw’; mu yorgad, gimed e pi tamu’un wayin nir; fapi grape ni ngan ngongliy e wayin nib be’ech riy e kan kirebnag.

Joel 2:19

Me fulweg ngorad ni ga’ar, ’Chiney e aram e nggu pi’ ngomed e grain nge wayin nge gapgep ni olive, ngam chum’er gad riy. Ma yugu boch e nam e gathi bay kur fananikayed gimed.

Levitikus 26:20

Gubin e pi maruwel ni kam ted nib gel e da biyib angin ni bfel’ ngomed, ni bochan e dabi pi’ e but’ romed e woldug, ma gek’iy e dabi yib wom’ngin.

Habakkuk 3:17

Yugra yan i par ndariy wom’ngin e gek’iy ni fig, ma dariy wom’ngin e grape; Yugra de k’uf e gek’iy ni olive, ma de k’uf e grain; mus nra yim’ urngin e saf, ma yugra par tafen e garbaw ndakuriy e garbaw riy;

Haggai 1:11

Kug pag e yal’ nib gel kem’ay e ran u daken e but’ ngu daken e ted, nge yung i flang ko grain, nge yung i woldug ko grape, nge milay’ ko olive, nge gubin mit e woldug nma tugul u but’, ma ku er rogon e gamanman nge girdi’, nge gubin ban’en ni gimed be guy rogon ni ngam yunged.”

Malaki 2:3

Bay ggechig nag pifakmed mug gichiy owchemed nga fithik’ i t’ay e pi gamanman ni gimed ma maligach ngay, bay gu n’agmed nga fithik’ e tar.