Jeremiah 5:6 - Bible Ni Thothup

⁶ Aramfan ni gamanman ni layon u loway e bayi thangrad; ma pilis ni malboch u daken e ted ni desert e bayi popofrad ni yochyang, ma pi leopard e bay ura pachpach gad niyad be fita’ u lan e yochi binaw rorad. Pi girdi’ ney e yad ra yan nga waen, ma yira popofrad ni bochan e denen rorad ni kaygi yo’or ma ke yo’or yay ni yad be pi’ keru’rad ngak Got.

Jeremiah 5:6 Iomraidhean Croise

2 Kronicles 36:14

Miki mun daken e kireb rok e pi tagagiyeg, nge prist, nge girdi’ nu Judah ngu’ur folwokgad ko tin ba kireb ni be rin’ e pi nam nib liyegrad ngu’ur tedfan e pi liyos, ma aram miyad alitnag fare Tempel, ni tay SOMOL nib thothup.

Ezra 10:10

Me sak’iy Ezra ni prist ngalang nge non ngorad. I ga’ar, “Gimed e ka mu th’abed e motochiyel rok Got ka mu girngiyed e kireb nga daken yu Israel ni ga’ngin ko mabgol ni ka mu ted e ppin nu bang!

Ezra 9:6

Me lungug, “Got, kagum’ ko tamra’ ni nggu pug owcheg ngalang u p’eowchem. Ya denen romad e ke tolang nga lolugenmad; ke tun ko tharmiy.

BABYOR NI JOB 10:16

Fa’an gu ra ngongliy ban’en nge yan i aw nib manigil, mag tulufeg ni bod ba layon; mus ko maang’ang ni ga ra ngongliy ni ngam gafgow nigeg.

Psalms 104:20

Gur e mu sunumeg e nep’, ma ra nep’ me yib urngin e gamanman ni malboch nga tamilang.

Psalms 80:13

ma be yot’yot’ e pi babiy ni malboch nga but’, ma gamanman ni malboch e be damunmun riy.

Isaiah 1:23

Pi’in yad be yog e thin rom e yad be togopluw ka ra manged tafager rok e pi moro’ro’; gubin ngiyal’ ni yad be fek e pi tow’ath nge puluwon e sasalap. Darir ayuweged e bitir ni kanim’ rorad u tafen e puf oloboch, ara rmotoyilgad ko oloboch rok e ppin nike yim’ figirngirad.

Isaiah 59:12

“SOMOL, oloboch romad nib togopluw ngom e bo’or. Denen romad e ke eg nagmad. Go’ gamad manang ni gubin.

Jeremiah 14:7

Girdi’ rog e yad be yor ngog ni yad be ga’ar, ‘Yug aray rogon ni denen romad e ku gu affed riy’en, machane SOMOL, mu aywegmad ni bod ni mmicheg. Kug pi’ed keru’mad ngom nike yo’or yay; ma ku gu denengad nib togopluw ngom.

Jeremiah 2:15

Ka ra tolulgad ngak ni bod bogi layon; ka ra ted fare nam rok nike daken e ted ni desert, pi yochi binaw rok e ka ni kirebnag ma dakuriy be’ ni be par riy.

Jeremiah 2:17

Israel, i gur e kam girengiy e biney e pa’ nga dakenam! Ya mu pi’ keru’um ngog, I Gag SOMOL ni Got rom, fa ngiyal’ ni gu be pow’iyem i yan u daken e kanawo’.

Jeremiah 2:19

Kireb rom e bayi gechig nigem, ma rogon ni ka mu pi’ keru’um ngog e bayi turguy e gechig rom. Bay mu nang rogon feni gel e mo’oy nge kireb riy ni ngan pi’ keru’uy ngog, fare SOMOL ni Got rom, min par ndakunir yul’yul’ ngog. I Gag fare SOMOL ni Th’abi Tolang ma Gubin ma Rayag Rok, e kugog e pi thin ney.”

Jeremiah 2:31

Gimed e girdi’ nu Israel, mu telmed ko mang e gu be yog. Gur ka’a gu bod bangi desert ngomed, ara ba nam nib lumor ma ba yo’or e maad’ad riy? Ere mangfan ni gimed be yog ni ngu’um rin’ed e n’en ni gimed ba’adag, ma gimed e dab ku mu sulod ngog?

Jeremiah 25:38

I SOMOL e ke pag e girdi’ rok ni bod ba layon ni chuw ko low rok. Angin e mael nge gelngin e damumuw rok SOMOL nib gel e ke pingeg fare nam ke par ni gowa bang i daken e ted ndear tugul ban’en riy.

Jeremiah 30:14

Urngin e pi fager romed ma kar paged talinmed; ni dakrir fineyed gimed. Ku gu og ngomed ni bod ba to’ogor; gechig romed e ba gel ni bochan e denen romed nib pire’ mab ga’ e kireb romed.

Jeremiah 30:15

Mu talgad ko gun’gun’ u murung’agen e maad’ad romed; ya dab mu golgad. Kug gechig nagmed ni ara’rogon ni bochan e bpire’ e denen romed ma ba ga’ e kireb romed.

Jeremiah 4:7

Bod ba gamanman ni layon nike yib ko gin ma mith riy, ba tagathay e pi nam e ke yib nga wean. Ke yib ni nge gathay yu Judah. Pi binaw nu Judah e bayi par ni dakriy woton u but’, ma dakriy be’ nra par u lan fapi binaw.

Jeremiah 49:19

Bod ba layon ni yib u fithik’ e gerger u charen e lul’ ni Jordan ngalang ko gin nib galunglung nma abich e gamanman riy, amrogon ni bay gu tuluf e piyu Edom ngar milgad nib tomgin ngar chuwgad ko nam rorad. Re tolang ni gu ra mel’eg e ra gagiyegnag fare nam. Mini’ e rayag ni nge ta’reb rogon ngog? Mini’ e ra math’ magran rok ni nge togopluw ngog? Mini’ e re tagagiyeg nrayag rok ni nge paluwyeg?

Jeremiah 8:5

Ere mangfan ni gimed e girdi’ rog, e kammarod nga orel rog ni dakriy e sul romed nga tomur? Ka mu gamuchmuchgad ko pi liyos romed ka mu dabuyed ni ngam sulod ngog.

Jeremiah 8:7

Mus ko arche’ ni stork ma manang e ngiyal’ ni nge sul; ma dove, nge swallow, nge thrushe e yad manang e ngiyal’ ni ngar milekaggad, machane gimed e girdi’ rog e damnanged fapi motochiyel ni ir e gu gagiyeg nagmed ngay.

Lamentations 1:5

Pi to’ogor rok e ke gel ngak; kar michgiyed nga gelingrad. I SOMOL e ke gagiyegnag ke gafgow ni fan urngin e denen rok nib pire’; Pifak e ka ni kolrad ka ni fekrad ngabang.

Ezekiel 16:25

Pidorang rom e kam girengiy u fithik’ e rungdu’. Ga be pi’em ngak gubin e pi’in be yib ni daki mutrug, ma ga be pi’em ni chuway’ ni be almirin i yan u gubin e rran.

Ezekiel 22:27

Ma pi tamal’gun e am nu Israel e kar boded e pilis ni malboch ni yad ma popof e gamanman ni kar li’ed. Yad be mathang pogofan ni bochan e nge yo’or ban’en rorad.

Ezekiel 23:19

Miki almarin boch ni i falchuway’ ngak, ni bod ngonglen ni kabochi rugod, ni ba’aram ni’ i falchuway’ ngak u lan yu Egypt.

Daniel 7:4

Bin som’on e bod ya’an ba layon ma bay pon ni bod ba arche’ ni eagle. Ma nap’an ni ku gu be changar, min pof pon. Min suwonnag fare gamanman nge sak’iy ni bod ba girdi’. Min pi’ laniyan’ e girdi’ ngak.

Daniel 7:6

Ku gu be changar mu gguy yugu reb e gamanman ni bod ya’an ba leopard, ni aningeg pon ni bay u daken keru’, ni bod pon e arche’, ma aningeg lolugen. Ma ka ni pi’ gelngin ni nge gagiyeg.

Hosea 5:14

Bay gu cham ngak e girdi’ nu Israel ngu Judah ni bod ba layon nib gel. Bay gu popofrad nge mu’ mu gu pagrad. Nap’an ni gu ra girngiyrad nga bang, ma dariy be’ nra ayuwegrad u pa’ag.”

Habakkuk 1:8

“Pi os rorad e bmachreg ko gamanman ni leopard, ma kabgel e damumuw rorad ko gamanman ni wolf nike yib e bilig ngorad. Pi girdi’en e yan u os rorad e rabad u bang nib orel; tungun ay e pi os rorad e be ker e but’. Yad be ngolol nga but’ ni bod e arche’ ni eagle ni nge og ko n’en ni nge longuy.

Zefaniah 3:3

Pi tolang riy e bod bogi layon ni be tolul; pi’in tapuf oloboch riy e yad bod e pi wolves ni kar uyngolgad, ni kari gel farad cholchol ni mada’ nga balay i yil ma dab ra paged nge kadbul ngay.

Numbers 32:14

Ma chiney e gimed e kamun’ed luwan e pi chitamangimed kakrom, ni irera’ e bin be’ech e mfen nike sugnag e girdi’ ni tadenen, ni aram e ngam girngiyed nga daken yu Israel bayay fare damumuw rok SOMOL.

Revelation 13:2

Re gamanman nem ni gguy e bod ya’an ba gamanman ni leopard, ni bay ay ni bod ay e gamanman ni bear, nge l’ugun ni bod l’ugun e layon. Me pi’ fare dragon gelngin ngak fare gamanman, nge tagil’, nge mat’awun ni ba ga’ lungun u puluwon e girdi’.