Jeremiah 4:9 - Bible Ni Thothup

⁹ I SOMOL e ga’ar, “Re rran nem e ra mulan’ e pilung nge pi tayugang’; prist e ra rus mra gin e pi profet.”

Jeremiah 4:9 Iomraidhean Croise

2 Kings 25:4

min kirebnag bang ko yoror ko binaw nni ubung ko malang. Yugu aram rogon nike yin’ e salthaw nu Babylonia yu Jerusalem nga longob, machane me mil urngin e salthaw nu Jerusalem nnep’, nranod ko gin ni bay e milay’ ko en ni pilung riy miyad yan u langan fare garog nike puthuy fa gali yoror ko binaw, miyad mil ngar sorgad ngalan e loway ko lul’ ni Jordan.

Psalms 102:4

Kug parde’ nga but’ ni bod e pan nike mroroy; kug fangan’ ko ggan.

Isaiah 19:16

Bayi taw nga bangiyal’ ni girdi’ nu Egypt e bay ra dugowgad ni bod e ppin. Bay ra durru’gad ko marus u nap’an ni yad ra guy SOMOL ni Gubin ma Rayag Rok nike k’iyag pa’ ni nge gechig nagrad.

Isaiah 19:3

Arme nggu wagageynag e tin ke tanomnag yu Egypt mu gu mulegan’rad. Bay rman ayuwgad ko pi liyos rorad, bay u ranod ko pi tapig ngu’ur fithed e thagith komang e bfel’ ni ngar rin’ed.

Isaiah 28:19

Ra aw ngomed bayay nge bayay, u reb e kadbul ngu reb. Ma thingar mu athamgilgad riy ni rran nge nnep’. Ra reb e thin nib be’ech ni yib rok Got mra fek i yib ku reb e marus nrib ga’!

Jeremiah 2:26

“Bod rogon ba moro’ro’ ni yira kol’, ere gimed e girdi’ nu Israel e bay mu tamra’gad; ni gimed gubin, ni pilung romed nge pi tolang romed, nge pi prist romed nge pi profet.

Jeremiah 25:34

Mu yor gad, gimed e pi’in gimed ma gagiyeg, nge gimed e pi’in gimed ma gafaliy e girdi’ rog, mu yor gad ngalang! Mu yorgad mi gimed be leap u fithik’ e fiyath. Ya ngiyal’ ni ngan li’med e ke anog, bay ni li’med ni bod e saf ni pumo’on.

Jeremiah 37:19

Mang e ke rin’ fapi profet rom ni fa’ani lungurad ngom e pilung nu Babylon e dabi cham ngom ara re nam ney?

Jeremiah 48:41

ma yochi binaw nge yungi tagil e ayuw e bay ni kol. Re rran nem e pi salthaw nu Moab e kar dugow gad ni bod be’ ni bpin ni nge gargel.

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Jeremiah 52:7

mi ni kuruf bang ko rungrung ko re binaw nem. Yug aram rogon nike yin’ yu Babylon fare binaw nga longob, me mil oren fapi salthaw nnep’. Ra milgad u bang ni ba chugur ko kanawo’ ni yan ko milay’ rok e en pilung, ngranod riy nga barba’ fare garog ni bay u thilin fa gal rungrung, miyad mil i yan ko loway nu Jordan.

Acts 13:41

‘Mu sapgad e pi tamoning! Mu ngatgad mi gimed yim’! Ya maruwel ni gu be ngongliy ko tiromed e rran e ban’en ni gathi bayi mich u wun’med, ni mus ni fa’anra weliy be’ fan ngomed!’ ”