Jeremiah 4:6 - Bible Ni Thothup

⁶ Mu daged e wo’ nga Zion! Mmilgad ni fan e nge dabi buch ban’en romed! Dab mu sowathgad! I SOMOL e ke fek e riya’ nge ba gafgow nib ga’ ko lel’och i yib.

Jeremiah 4:6 Iomraidhean Croise

Isaiah 62:10

Gimed e girdi’ nu Jerusalem, marod nga wuru’ e binaw ngam ngongliyed e kanawo’ ni fan ko girdi’ romed ni be sul! Mu falfleged ba kanawo’ nib ga’; magmed chuweg e malang riy! Mi gimed tining e pow riy ngalang ya nge yag ni nge nang e pi nam.

Jeremiah 10:22

Mmotoyil! Ke taw e thin! Ke chub lingan’ ba nam i er ko lel’och; salthaw riy e bayi pingeg e pi binaw nu Judah nge ngal’ ni bang i ted ni desert, ni aram e gin ma par e jackal riy.”

Jeremiah 18:11

Ere mog ngak piyu Judah nge pi’in yad be par u Jerusalem ni gu be leamnag e togopluw ngorad, ma gu be fal’eg rogog ni nggu gechig nagrad. Mog ngorad ni ngar tal gad ndab ku ra pired u fithik’ e denen, miyad thiliyeg pangirad nge pin’en ni yad be rin’.

Jeremiah 21:7

Machane gur, nge tayugang’ rom, nge girdi’ ni fos u tan fare mael, nge uyngol ni yib, nge liliy — e bay gu pagmed ni gimed gubin nge kolmed Nebukadnezzar ni Pilung nge pi’in gimed ba to’ogor ni yad ba’adag ni ngar li’ed gimed ngam m’ad. Ma Nebukadnezzar e ra li’med ngam m’ad. Ni dabi pag ta’ab gimed ara kirban’ fa runguy ya’an bigmed. I Gag SOMOL e gu be non.”

Jeremiah 22:7

Arme nggu pi’ e pi pumo’on ngar gathayed. Bay ra feked gubin e tow rorad ngar th’abed e pi duga’ ni ren e cedar ni fafalel’, nga ron’ed nga mit e nifiy.

Jeremiah 25:9

‘Chiney e bay gu l’oeg urngin e girdi’ ko lel’och nge tapigpig rog i Nebukadnezzar ni Pilung nu Babylon. Bay gu pagrad ngarbad ko cham nga Judah ngak gubin e girdi’ riy nge ngak gubin e binaw u to’oben i yan. Bay gu thirif e re nam ney u but’ nge pi binaw ni bay u to’oben i yan nggu pag ndariy tulwen ni manemus, ni ka ri kireb ni nge gin owchey ngay. I Gag SOMOL e gu be non.

Jeremiah 4:21

Uw n’umngin nap’an ni ngguy e mael nike achngiy ma gu be rung’ag lingan e rappah?

Jeremiah 50:2

“Mu weliy fapi thin ngak e pi nam! Ngam weliy i yan! Mu dag e pow riy ma ga be weliy fapi thin! Dab mu tay nib mith! Ke thay pa’ yu Babylon! Fare got rok ni Marduk e ke wearwear! Pi liyos rok yu Babylon e ka ni tamra’nag; ma fapi ya’an bogi n’en ni kan toy nib sonogor e kan bilbilig!

Jeremiah 50:22

Lingan e mael e yibe rung’ag u ga’ngin fare nam, ke yib e riya’ nib ga’.

Jeremiah 51:12

Mu daged e pow riy ni ngan buthug fapi rungrung nu Babylon. Mu yo’or niged e pi matnag! Mu ted e matnag! Mu ted e pi’in nge yan ko cham ko gin ngar mithgad riy!” I SOMOL e ke rin’ e tin ni yog nra rin’ ko girdi’ nu Babylon.

Jeremiah 51:27

“Mu daged e pow riy ni arme ngan cham! Mu thoyed e rappa’ ya nge yag ni rung’ag e pi nam! Mu gafaliyed e pi nam nge cham nga Babylon! Moged ko pi salthaw nu Ararat, Minni, ngu Ashkenaz ni ngar cham gad. Ngan duwgiliy be’ ni nge ga’ ni ir e nge girengiy e mael. Mu kunyed e os nib yo’or ni bod ba ran’ i asam’ning.

Jeremiah 51:54

Be ga’ar SOMOL, “Motoyilgad nga laman e meyor u Babylon, ni yibe duloloy’nag fare riya’ nike aw ngalan e re nam nem.

Jeremiah 6:1

Gimed girdi’en e Benjamin, mmil naged e pogofan romed! Mmilgad ngam chuwgad u Jerusalem! Mu thoyed e rappa’ u lan yu Tekoa mi gimed k’eg ba nifiy ni pow u lan yu Beth-Haccherem. Riya’ nge gafgow e nge yib ko lel’och.

Jeremiah 6:22

Be ga’ar SOMOL, “Girdi’ e be yib u ba nam ni bay ko lel’och; ba nam nib gel ma ba orel e be fal’eg rogon ni fan ko mael.

Ezekiel 9:1

Ma aram mug rung’ag nike tolul Got, “Mired e ngaray, gimed e pumo’on ni ngam gechig niged fare binaw. Mu feked talin e cham romed nge un ngomed.”

Ezekiel 9:2

Kachingngiyal’ nem me yib nel’ i pumo’on ko bin wuru’ e garog ko Tempel, nra bagyad make fek reb e talin e cham. Ma bay be’ nib pumo’on u fithik’rad nike yin’ ba mad nib wech, ni be fek ban’en ni nge yol ngay. Miyad yib ni yad gubin ngarbad ra sakiygad nga charen fare altar ni bronze.

Zefaniah 1:10

Be ga’ar SOMOL, “Rofen nem e bay mu rung’aged laman e tolul nge mayor nib ga’ laman ko fare Garog ni Nig fithngan u Jerusalem, ngu lan fa gin’en ni kafin ni ngongliy u lan fare binaw. Ma bay mu rung’aged lungun e go’go’ u lan bang ni kafin ni ubung ko fare binaw nge ba lingan e parde’ u lan e yochi burey.

Zekariah 6:6

Fare chariot ni be girengiy fapi os nib talmor e ra sorgad ko lel’och nga Babylon, ma fa tinem e os nib wech e ra sorgad ko ngal, ma fa tinem e os nib wupwupnun’ e ra sorgad ko fare nam ni bay ko yimuch.