Jeremiah 39:5 - Bible Ni Thothup

⁵ Machane fa raba’ i salthaw nu Babylon e ra tulfedyad ngar koled Zedekiah u lan e tafel’fel’ nib chugur nga Jeriko. Ma aram miyad yan ngak Nebukadnezzar ni Pilung, u lan fare binaw nu Riblah u daken e but’ nu Hamath, ni aram e gin ni duwgiliy Nebukadnezzar riy e n’en ni ngan rin’ ngak.

Jeremiah 39:5 Iomraidhean Croise

2 Samuel 8:9

Me rung’ag Toi ni Pilung nu Hamath nike gel David ngak urngin e yu raba’ i salthaw rok Hadadezer.

2 Kings 17:24

Me fek fare pilung nu Assyria e girdi’ ko fapi binaw nu Babylon, Kuth, Ivvah, Hamath, ngu Sefarvaim, nge tayrad ngalan fapi binaw nu Samaria nga ron’ed luwan fapi girdi’ nu Israel ni kani kalbus nagrad u reb e nam. Miyad fek e pi binaw ney ngar pired u rom.

2 Kings 23:33

Gagiyeg rok Joahaz e tal u nap’an ni yib Neko ni Pilung nu Egypt i fek nge kalbusnag u Riblah, u lan fare nam nu Hamath, me yog ngak yu Judah ni ngar pi’ed 7,500 e pawn e silber nge medlip i ragag nge lal e pawn e gol ni wolbuw rok ni ngu’ur pi’ed.

2 Kings 25:6

Min fek Zedekiah ngak Nebukadnezzar ni Pilung ni bay u lan e binaw nu Riblah, me turguy Nebukadnezzar e n’en ni ngan rin’ ngak.

2 Kronicles 33:11

Ma aram me pag SOMOL e pi tolang ko salthaw ngar m’aged e mael nga Judah. Ngar koled Manasseh, miyad the’ e lam nga dow, ngar m’aged e chen ngak, ngan fek nga Babylon.

Isaiah 22:3

Gubin e tayugang’ rom nra milgad mi ni kolrad u m’on ni ngron’ed ta’reb e gan e gat’ing.

Jeremiah 21:7

Machane gur, nge tayugang’ rom, nge girdi’ ni fos u tan fare mael, nge uyngol ni yib, nge liliy — e bay gu pagmed ni gimed gubin nge kolmed Nebukadnezzar ni Pilung nge pi’in gimed ba to’ogor ni yad ba’adag ni ngar li’ed gimed ngam m’ad. Ma Nebukadnezzar e ra li’med ngam m’ad. Ni dabi pag ta’ab gimed ara kirban’ fa runguy ya’an bigmed. I Gag SOMOL e gu be non.”

Jeremiah 24:8

“Ma Zedekiah ni Pilung nu Judah, nge tayugang’ u to’oben i yan, nge ku tin kabay e girdi’ nu Jerusalem ni yad be par ko re but’ ney ara tin kar chuwgad u roy karanod nga Egypt — I Gag SOMOL, e bay gu kirebnag pa’ag ngorad ni yad bod fatinef e fig ndabi fel’ ni ngan kay.

Jeremiah 38:18

Machane fa’anra dab mu pi’em nga pa’rad, ma aram e bay ni pi’ e re binaw ney nga pa’ piyu Babylon ngar urfiyed ma dabiyag ni ngam mil rorad.”

Jeremiah 38:23

Mug ga’ar ngak, “Urngin e ppin rom nge bitir rom e bay ni fekrad i yan ngak piyu Babylon, me gur e dabiyag ni ga ra mil rorad. Bayi fekem fare pilung nu Babylon ni kam mang kalbus rok, ma re binaw ney e bay ni urfiy.”

Jeremiah 4:12

nifeng nma yib ni SOMOL e ke tirigiliy e kabgel gelngin ko ginem! I SOMOL e ir e keyog ni nge aw e gechig nga daken e girdi’ rok.

Jeremiah 44:30

Bay gu pi’ i Hofra ni Pilung nu Egypt nga pa’ e pi to’ogor rok ni yad ba’adag ni ngar thanged e fan rok, ni ri bod ni gu pi’ Zedekiah ni Pilung nu Judah nga pa’ i Nebukadnezzar ni Pilung nu Babylon, ni ir e to’ogor rok ni ba’adag ni nge thang e fan rok.”

Jeremiah 49:23

Irera’ e n’en ni yog SOMOL u murung’agen yu Damascus: “Girdi’ u lan e pi binaw nu Hamath ngu Arpad e kar rus gad ma ke wagagay lanin’rad ko tin kar rung’aged. Gafgowan’ e be lobeb u dakanrad ni bod e n’ew, ni dakir paslag lanin’rad.

Lamentations 1:3

Girdi’ nu Judah e yad bogi sib ni dakriy gelingrad, kan chuwegrad u taferad. Yad be par u lan yug boch e nam, ni dariy bang riy ni yad ra yog ni taferad — Ke longbiyrad e pi to’ogor rorad, ni dariy kanawo’en miyad thay.

Lamentations 4:20

Ra koled p’ebugul e yafos romad, fare pilung ni SOMOL e duwgiliy, ni aram e cha’ ni pagan’ romad ni ra lagmad u pa’ gubin e to’ogor.

Ezekiel 23:24

Bay ra chamgad ngom ko lel’och, ni kar feked barba’ i salthaw nib ga’ ni bay e chariot rorad nge wagon nma fek e chugum. Yad ra rungrung ko shield nge helmet ngarbad ron’ed gur nga longob. Ma bay gu pi’em nga pa’rad, ma bay ra pufthin niged gur u rogon e tirorad e motochiyel.

Habakkuk 1:7

Bay un rus ngorad, ma yad e bay ur sunmiyed e tirorad e motochiyel.

Numbers 13:21

Ere me yan fapi pumo’on u rom ngalan e lel’och ngar lekeged fare nam nra tababgad u daken e ted nu Zin ni bay u lan e yimuch ko fare nam ngar tawgad nga Rehob, nib chugur ko Hamath Pass u lan e lel’och ko fare nam.

Joshua 13:5

nge binaw rok yu Gebal; nge ga’ngin yu Lebanon ni bay ko ngek, ni yan u Baalgad, ni bay ko yimuch ko fare Burey ni Hermon, me yan i mada’ ko kanawo’ u thilin e but’ u Hamath.

Joshua 4:13

U p’eowchen SOMOL e gonap’an 40,000 e pumo’on ni kar fal’eged rogorad ni fan ko mael e ra th’abed e lul’ nga baraba’ nga daken bangi tafelfel’ nib chugur nga Jeriko.

Joshua 5:10

Nap’an nike par piyu Israel u Gilgal u daken fa gi tafelfel’ nib chugur nga Jeriko, miyad madnomnag e madnom ko Paluk’af ko re nep’ i n’en ni ragag nge aningeg fen e pul.

Judges 3:3

Tin ni magech u lan fare nam e fa lal i binaw ko Filistine, urngin yu Kanaan, nge yu Sidon, nge yu Hiv ni ur pired u lan fapi Burey nu Lebanon ni tabab ko Burey nu Baal Hermon me yan nge mada’ ko wo’ u thilin e burey u Hamath.