Jeremiah 39:4 - Bible Ni Thothup

⁴ Ma nap’an ni guy pilung Zedekiah nge gubin e salthaw rok e n’en ni yad be rin’, miyad guy rogon ni ngar milgad ngar chuwgad ko fare binaw nnep’. Ranod u kanawo’ ko milay’ rok e pilung ngar thumurgad u langan e fare garog u thilin fagal yoror, ni yad be sor i yan ko loway u Jordan.

Jeremiah 39:4 Iomraidhean Croise

2 Kronicles 32:5

Me yin’ fare pilung gelngin e yoror ko fare binaw ni ngongliy e yungin ke kireb ko yoror, me toy boch e wulyang ni tagil’ e damit nga daken, me ubung reb e yoror u wuru’. Miki fal’eg e yungin ke kireb ko pi yoror ko mael ni kan toy nga daken fa gi but’ ni kanin’ u ba’ ni ngek e Jerusalem ni kakrom. Miki yog ni ngan ngongliy e sarey nge shield nib yo’or.

Isaiah 22:11

ma ga toy ba teng nga langgin fare binaw ni nge mit e ran riy ni be yib nga pe’ning ko fare lupath nike n’uw nap’an. Machane dam sap ngak Got, ni ir e tonamnag urngin e pin’ey nike n’uw nap’an, ma ir e gagiyegnag nge yodrom.

Isaiah 22:3

Gubin e tayugang’ rom nra milgad mi ni kolrad u m’on ni ngron’ed ta’reb e gan e gat’ing.

Isaiah 29:2

ma aram e bayi girengiy Got e riya’ nga daken fare binaw ni yima yog ni “Altar rok Got.” Ma bay un yor ma yibe dololoy’ riy, ma fare binaw ni ga’ngin e ra bod ba altar nike upong ko racha’.

Jeremiah 32:4

ma Zedekiah ni Pilung e dabyag ni nge thay nge mil. Bay ni fek ngan pi’ ko pilung nu Babylon; ngari sabal owcharow nge non ngak.

Jeremiah 32:5

Ma bay ni fek Zedekiah nga Babylon, nge par u rom nge mada’ ko ngiyal ni ku gu rin’ e tin gu be leamnag ngak. Ni mus ni fa’anra cham nga Babylon ma dabi gel. I Gag SOMOL e kugog e pi thin ney.”

Ezekiel 12:12

Fare fak e pilung ni be gagiyeg nagrad e ra yon’ nga pon e chugom rok u fithik’ e lumor nge mil ko fare chabal ko rungrung ni kar kired ni fan ngak. Bayi upnguy owchen nge dabi guy e gin be sor ngay.

Ezekiel 12:4

Nap’an ni kab rran, ma ngam m’ag e chugom rom ni bod be’ ni ngan fek ngabang, ya nge yag nra guyed gur, ma guy rogon ngar guyed gur ni blayal’ ni ngam chuw ni susun e ngam mman ni gab kalbus nga wuru’ e nam.

Levitikus 26:17

Bay gu pi’ keru’ug ngomed, ya ngam waergad, ma pi’in yad ba fananikaymed e bay ra gagiyeg niged gimed; bay um pired u fithik’ e marus ngu’um milgad ndariy be’ ni be tulufmed.

Levitikus 26:36

“Bay gu ta’med e pi’in gimed ba kalbus u reb e nam ni gimed mmarus ni mada’ nga lingan bagaf i yuwan e gek’iy nike thoy e nifeng migmed mil. Bay mmilgad ni gowa yibe tulufmed u fithik’ e mael ngu’um awgad nga but’ ndariy ba to’ogor u charmed.

Amos 2:14

Mus ko pi’in yad mmachreg ko mil ma dabiyag ni ngar thay gad; ma pi’in yad ba gel e bayi m’ay gelngirad, ma pi salthaw e dabkiyag rorad ni ngar ayuweged e pogofan rorad.

Deuteronomy 28:25

“Bayi pag SOMOL e to’ogor romed ngar gelgad ngomed ko mael. Bay mmarod ko mael u ta’bang, machane gimed ra cheal u luwmed ngam milgad ni yug ra bigimed ma gin nra mil ngay. Ma gubin e girdi’ u daken e fayleng ma yad ra yim’ ko marus u nap’an ni yad ra guy e tin ke buch romed.