Jeremiah 3:11 - Bible Ni Thothup

¹¹ Ma aram me yog SOMOL ngog, ni yug aram rogon nike pi’ Israel keru’ ngak, ma ke gagyel ni ka ba manigil boch ngak Judah nde yul’yul’.

Jeremiah 3:11 Iomraidhean Croise

Jeremiah 11:10

Ka ra sulod ko fapi denen ni i rin’ e pi chitamangirad, ni fa’anra siyeged ni ngar rin’ed e n’en ni gog; ngu’ur ted fan yug boch e got. Judah nge yu Israel e yow lag’ruw ni ka ra th’abew fare m’ag ni gu ngongliy u thilmad e pi chitamangirad.

Jeremiah 3:22

Msulod, gimed urngin e pi’in ka mu pi’ed keru’med ku SOMOL; ra gol nagmed me gagiyeg nagmed ngam yul’yul’gad ngak. Gimed be ga’ar, “Arogon, ngu sulod ngak SOMOL ni bochan e ir e Got romad.

Jeremiah 3:7

Ug leamnag ni tomuren nike rin’ urngin e pin’ey, ma bayi sul ngog. Machane, de sul, ma walagen ni bpin ni Judah ni ku de yul’yul’ e guy urngin e pin’ey.

Jeremiah 3:8

I Judah e ki guy ni gu chuweg Israel nggu l’oeg nge chuw ni bochan e ke pi’ keru’ ngog ke mang be’ nma chuway’ ngak. Machane i Judah, ni be’ ni bpin nde yul’yul’ ni walagen Israel e de rus. Ku ir ma ke mang be’ nma chuway’ ngak

Ezekiel 16:47

Mog bfel’ u wun’um ni ngam lek lowan ayrow ma ga falwok ko ngongol rorow nib sunsonogor? Danga’, machane ri de n’uw nap’an mag ngongol nib gel e kireb riy ko gubin e tin ur rin’ew.”

Ezekiel 23:11

“Yug aram rogon ni guy Oholibah ni walagen e n’en nike buch rok, ma ir e rigel boch e atlonglong rok nge chuway’ ni i tay ngak nga rogon ni i rin’ Oholah.

Hosea 11:7

Ri yad be guy rogon ni ngar pi’ed keru’rad ngog. Bay ra yorgad ngalang ni bochan fare mat’ ni bay u porad, ma dariy be’ nra chibiy nge chuweg rorad.

Hosea 4:16

Piyu Israel e yad ba gelan’ ni bod feni gelan’ e pi gamanman ni mule. Ere uw rogon ni nggu duruw’iyrad ni bod rogon pi pifak e saf ni bay u bangi garger nib galunglung e pan riy?