Jeremiah 26:2 - Bible Ni Thothup

² me ga’ar SOMOL ngak Jeremiah, “Mman mu sak’iy ngalan e Tempel ngam weliy urngin e tin kugog ngom ngak e girdi’ nike yib ko pi binaw nu Judah ngaram ni ngar meybilgad. Dab mu pag ta’a ban’en riy ndab mu weliy.

Jeremiah 26:2 Iomraidhean Croise

Jeremiah 1:17

Jeremiah, mu fal’eg rogom; mman ngam weliy ngorad urngin e tin kugog ngom ni ngam weliy ngorad. Dab mu rus ngorad e chiney, ya rug gelnag e marus rom ko ngiyal’ ni kamtaw ngorad.

Jeremiah 1:7

Machane me ga’ar SOMOL ngog, “Dabmog ni kayigi gel fanam bitir, ya ngam man ngak e girdi’ ni bay gu pi’em ngam man ngorad, ma ga weliy ngorad urngin e tin bay gog ngom ni ngam weliy.

Jeremiah 19:14

Ma aram mu gu chuw u Tofeth ni aram e gin ni l’ugeg SOMOL ngay ni nggu weliy e thin rok ngak e girdi’. Gu wan gu sak’iy ngalan e yoror ko Tempel nggog ngak urngin e girdi’

Jeremiah 23:28

Ra lik’ay reb e profet ma thangri yog ni lik’ay e ke tay, ma re profet nike rung’ag e thin rog ni kug weliy ngak ni nge yog e thangri weliy u fithik’ e yul’yul’. Ra ni puluweg kenggin e wheat nga wom’ngin ma mang e bfel’ ni bay u kenggin e wheat?

Jeremiah 25:2

Gog ngak urngin e girdi’ nu Judah ngu Jerusalem ni lungug,

Jeremiah 28:5

Ma aram mug ga’ar ngak Hananiah u p’eowchen e prist nge urngin e girdi’ nib sak’iy u lan e Tempel,

Jeremiah 36:10

Ma aram nap’an ni be motoyil urngin e girdi’, me be’eg Baruk u lan fare gi babyor urngin e pin’en ni gu weliy ngak. I be’eg u lan e Tempel u lan fare senggil rok Gemariah nib mo’on ni fak Shafan, ni ir e tayol u tafen e puf oloboch. Senggil rok e bay ko thal nilang u lan e yoror ko Tempel u to’oben langan e garog ni Garog ni Be’ech fithingan.

Jeremiah 42:4

Me lungug, “Kug rung’ag, ere bay gu meybil nagmed ngak SOMOL ni Got rodad, ni bod rogon ni kamogned; ma bay gog urngin e tin keyog SOMOL ndab gu mithag bang riy romed.”

Jeremiah 7:27

“Ere gur Jeremiah, e ngam weliy urngin e pi thin ney ngorad, machane gathi bay ra motoyilgad ngom; bay mu piningrad, machane dab ra fulweged lungum.

Ezekiel 3:10

Me ul ul Got ngay nge ga’ar, “Fak e girdi’, mu fal’eg e motoyil ngog ngam tay u wun’um urngin e tin gu be yog ngom.

Ezekiel 33:7

“Fak e girdi’, nggu tem ni gur e ngam mang damit ni fan ko girdi’ nu Israel, ni gur e bay u mog ngorad e pin’en ni bay ug gineangrad riy.

Ezekiel 40:4

Me ga’ar ngog, “Fak e girdi’, mu changar. Mu l’eg telim mag fal’eg i guy e tin nggu dag ngom, ya arfan ni kan fekem e ngaray. I gur e ngamog ngak e girdi’ nu Israel urngin e tin ngam guy.”

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Luke 19:47

Ma aram mi i machib Jesus u lan e Tempel ni gubin e rran. Ma pi tolang ko prist, nge pi tamchib ko Motochiyel, nge pi’in yad ma yog e thin e ra fineyed ni ngar li’ed Jesus ngem’,

John 18:20

Me fulweg Jesus ni ga’ar, “Urngin ngiyal’ ni gu ma machib ngak urngin e girdi’ u fithik’ e girdi’ ni yo’or; ma urngin e machib ni gu ma tay e gu ma tay u lan tafen e mu’ulung i yan ngu lan e Tempel ko gin nma mu’ulung urngin e girdi’ nu Israel ngay. Dawor gu weliy, ban’en nib mith.

John 8:2

Ri kakadbul u reb e rran riy me sul nga Tempel. Me mu’ulung fapi girdi’ ni aram urngirad nga to’oben, me par nga but’ nge tabab i machib nagrad.

Acts 20:20

Gimed manang ndariy ban’en ni gu tel romed ni gomanga ban’en nra ayuwegmed nnap’an ni gu be machib nagmed ma gu be sukul nagmed u fithik’ e girdi’ ni yo’or ngu lan e tabinaw romed i yan.

Acts 20:27

Ya da gu tal nda gog ngomed e tin ni kem’ay i leamnag rok Got ni fan ngomed.

Acts 5:25

Ma aram me yib be’ nib mo’on ngalan fare senggil me ga’ar ngorad, “Mu telmed! Fapi pumo’on ni mon’ed yad nga kalbus e yad ba sak’iy u lan e Tempel ni yad be machibnag e girdi’!”

Acts 5:42

Ma aram e urngin e rran nra ul’ulgad ngay ngu’ur filed ngak e girdi’ ma yad be machibnag ngak e girdi’ fare Thin Ni Bfel’ ni murung’agen Jesus, ni ir fare Messiah, ni ur machib niged u lan fare Tempel ngu lan e tabinaw rok e girdi’ i yan.

Deuteronomy 12:32

“Mu rin’ed urngin e tin kugog ngomed ni ngam rin’ed; ndab mon’ed ban’en ngay ara mu chuweged reb riy.

Deuteronomy 12:5

Gi nam ni bayi par e pi ganong romed riy e bayi turguy SOMOL bang riy ni ir e ngu’um mu’ulunggad ngay ngam ted fan SOMOL mi gimed meybil ngak.

Deuteronomy 4:2

Dab mu puthuyed ban’en ko tin nggu taychilen ngomed ni ngu’um rin’ed, ma dab mu lufed ban’en riy. Ngu’um folgad ko thin rok SOMOL ni Got romed ni fa’an ku gu pi’ ngomed.

Joshua 8:35

Gubin yang ko fare motochiyel rok Moses me be’eg Joshua ngak gubin fapi girdi’ nu Israel ni kar mu’ulunggad, nib mu’un e ppin nge bitir nge girdi’ ni be par u fithik’rad ni girdi’ u bang ngay.

Revelation 22:19

Ma fa’anra chuweg be’ ban’en ko fapi thin ni be weliy e re ke babyor ney ni tin ni bay fini m’ug ban’en, ma ra chuweg Got rok e birok’ e f’oth u wom’ngin fare ke gek’iy ko yafos, nge f’oth rok ko fare Binaw nib Thothup ni fa’ani kan weliy murung’agen u lan e re ke babyor ney.”