Jeremiah 23:11 - Bible Ni Thothup

¹¹ Be ga’ar SOMOL, “Pi profet nge pi prist e dakuriy fan Got u wun’rad; kug pir’egrad ni mus ngalan e Tempel ni yad be ngongliy e kireb riy.

Jeremiah 23:11 Iomraidhean Croise

2 Kronicles 33:5

Me toy e pi altar ni yima tayfan e pi t’uf riy u rom u lan fagal yoror ko fare Tempel.

2 Kronicles 33:7

Me tay ya’an ban’en ngalan e Tempel, ni fa gin keyog Got ngak David nge Solomon nib mo’on ni fak ni ga’ar: “U roy u lan yu Jerusalem u lan ere Tempel ney, e irera’ e gin ku gu mel’eg u lan gubin yang e pi nug rok fa ragag nge l’agruw i ganong nu Israel ni ir e ngu’un meybil ngog riy.

2 Kronicles 36:14

Miki mun daken e kireb rok e pi tagagiyeg, nge prist, nge girdi’ nu Judah ngu’ur folwokgad ko tin ba kireb ni be rin’ e pi nam nib liyegrad ngu’ur tedfan e pi liyos, ma aram miyad alitnag fare Tempel, ni tay SOMOL nib thothup.

Ezra 10:18

Ba’aray fithingan e pi pumo’on ni kar le’engiyed e ppin nu bang: Pi prist, nni yoloy ni ba kan e girdi nge ba kan: Fare ke girdi’ rok Joshua nge pi pumo’on ni walagen, pi pumo’on ni pifak Jehozadak: Maaseyah, Eliezer, Jarib, nge Gedaliah.

Jeremiah 11:15

I SOMOL e be ga’ar, “Pi girdi’ ni yad ba t’uf rog e yad be rin’ e ngongol nde fel’. Mang mataw’rad ni ngarbad nga Tempel rog? Yad be leamnag nrayag ni ngar taleged e riya’ ko tin yad be micheg nge gamanman ni yad be pi’ ni maligach? Gur, yad ra felfelan’?

Jeremiah 23:15

“I Gag, fare SOMOL ni Gubin ma Rayag Rok e ba’aray e tin gu be yog ni murung’agen e pi profet nu Jerusalem ni be lungug: Bay gu pi’ e woldug nib mo’oy ngar ked, nge ran ni bay e yub riy ngar unumed, ya kar gagiyeg niged e girdi’ u lan e nam ni ga’ngin ka ra pired ndakuriy fag u wun’rad.”

Jeremiah 32:34

Ni mus ko pi liyos ni sunsonogor rorad ni kar ted ngalan e Tempel nni toy ni ngu’un liyor ngog riy, ni ka ra ta’ay niged.

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Jeremiah 50:6

“Girdi’ rog e yad bod e saf ni pi’in ma gafaliyrad e ra paged yad ngar malobochgad u lan e pi burey. U ra derawgad ni bod e saf u reb e burey nga reb, ni da ku ra nanged e gin bay taferad riy.

Jeremiah 6:13

Gubin e girdi’, ni pi’in fel’ rogon nge pi’in gafgow, ni yad ma guy rogon ni nge yag e salpiy ngorad u fithik’ e sasalap; mus ko profet nge prist ni yad ma bannag e girdi’.

Jeremiah 7:30

“Girdi’ nu Judah e ka ra ngongliyed ban’en nib kireb. Fapi liyos rorad ndabug e ka ra feked ka ra ted ngalan e Tempel rog ka ra ta’ay niged.

Jeremiah 8:10

Ere bay gu pi’ e yungi flang rorad ngak boch e girdi’ nge milfan ngorad mu gu pi’ pi le’engirad ngak yug boch e pumo’on. Gubin e girdi’ ni tin fel’ rogon nge tin gafgow ni yad be guy rogon ni nge yag e salpiy ngorad u fithik’ e sasalap. Ni mus ko profet nge prist ma yad be bannag e girdi’.

Lamentations 2:20

SOMOL mu changar! Mangfan ni ga be gechig nagmad ni arayrogon? Pi’in ni ppin e yad be longuy pi fakrad nrib t’uf rorad! Prist nge profet e yi be thang e pogogan rorad u lan e Tempel!

Ezekiel 23:39

Chirofen ni ba’aram nra thangew e pogofan rok pifakag ngar maligach nigew ko liyos, e ra bow nga Tempel rog ngar dariyfan nagew!

Ezekiel 44:10

I SOMOL e ga’ar ngog, “Nggu gechignag e pi Levite nib mu’un e tin kabay e girdi’ nu Israel ngay, ni kar niged gag yad be tayfan e liyos.

Ezekiel 7:20

Immoy bangiyal’ ni ur ufanthin gad ko churwo’ rorad ni bfel’ ya’an, machane miyad fek ngar ngongliyed e pi liyos ni sonsonogor riy. Aram fan ni SOMOL e ke gagiyegnag e fla’ab rorad ke chuwan’rad riy.

Ezekiel 8:11

Medlip i ragag e tolang rok yu Israel ni bay u rom, nib mu’un Jaazaniah ngay nib pagel ni fak Shafan. Ra bagyad ma ke kol nga pa’ barba’ i n’en ni yima urfiy e incense riy, ni be yib e ath riy ngalang.

Ezekiel 8:16

Ma aram me fekeg ngalan e yoror ko Tempel. U rom u charen e gin yima yan riy ngalan e garog ko gin nib thothup, u thilin e altar nge baranda’ ma bay rliw’ nge lal i pumo’on riy. Ni kar pi’ed keru’rad ko gin ba thothup ni yad be siro’ ko ngek, ni yad be tayfan e yal’ ni be yib ngalang.

Zefaniah 3:3

Pi tolang riy e bod bogi layon ni be tolul; pi’in tapuf oloboch riy e yad bod e pi wolves ni kar uyngolgad, ni kari gel farad cholchol ni mada’ nga balay i yil ma dab ra paged nge kadbul ngay.

Zefaniah 3:4

Fapi profet e dariy ban’en nma m’ag rorad ni yad bogi sasalap; ma fapi prist e kar ta’ay niged e n’en nib thothup, ma yad ma dalib nag e motochiyel rok Got nge mang yad e fel’ ngorad.