Jeremiah 21:13 - Bible Ni Thothup

¹³ Jerusalem i gur e kam par ngalang ko pi loway, ni bod ba war nib tolang ngalang u lan bangi tafel’fel’. Machane bay gu cham nib togopluw ngom. Ga be yog ndariy be’ nrayag ni cham ngom fa yag ni thumur rok e pi tamatnag rom nga barba’.

Jeremiah 21:13 Iomraidhean Croise

Psalms 125:2

Bod e pi burey nib liyeg yu Jerusalem, e aram rogon SOMOL nike longbiy e girdi’ rok, e chiney i yane ngaram ndariy n’umngin nap’an.

Exodus 13:20

Miyad chuw u Sukkoth ngranod ra pired nga Etham, ni bay u marichlen e ted ni desert.

Exodus 13:8

Nap’an nra tabab e re madnom ney mi gimed weliy ngak pifakmed ni pumo’on fan ni gimed be rin’ e pin’ey ni bochan e tin i rin’ SOMOL ni fan ngomed nnap’an nim chuwgad u Egypt.

Isaiah 22:1

Irera’ e thin ni murung’agen ba loway ni fithingan e Loway ni Pilyeg e Changar. Mang e yibe rin’? Mangfan ni urngin e girdi’ u lan binaw ma be madnom u daken e chigiy ko naun?

Jeremiah 17:3

nge daken e pi burey ni gagang’ u lan e tafelfel’. Bay gu gagiyegnag e pi to’ogor romed ngar feked e fla’ab u pa’med nge machaf romed ni bochan gubin e denen ni ka mu rin’ed u daken tafenmed ni ga’ngin.

Jeremiah 21:5

Bay gucham u polo’ i gelngig nge ga’ngin e damumuw rog nib togopluw ngom.

Jeremiah 49:16

Yowlop romed e ke ban nagmed. Ma dariy be’ ni be rus ngomed ni bod rogon ni gimed be leamnag. Gimed ma par u pe’bugul e war nib tolang u daken e burey; ma yug aram rogon ni gimed ba tolang ngalang ni bod e manuw, ma SOMOL e bayi piligmed nga but’. I SOMOL e keyog e pi thin ney.”

Jeremiah 50:31

“Gimed yu Babylon, ke puw ufmed, ere Gag SOMOL ni Th’abi Tolang ma Gubin ma Rayag Rok e nggu togopluw ngomed! Ke taw nga nap’an rog ni nggu gechig nagmed.

Jeremiah 51:25

Gimed yu Babylon e kam boded bburey ni be kirebnag ga’ngin e fayleng, machane I Gag SOMOL e to’ogor romed. Bay gu malle’ ngomed, nggu ta’reb foyen nagmed ko but’, mu gu pagmed u fithik’ e awat.

Jeremiah 7:4

Nge dabki mich u wun’med e pi thin ni ba’aray nde riyul’ nike lunguy, ‘Irera’ fare Tempel rok SOMOL, irera’ fare Tempel rok SOMOL, irera’ fare Tempel rok SOMOL! Ere dabi buch ban’en rodad!’

Lamentations 4:12

Dariy be’ u bang, ni mus ngak e pi’in tagagiyeg ko pi nam nu bang, ni tun ngan’ nrayag ni thum’ reb e to’ogor ngalan e garog nu Jerusalem.

Ezekiel 13:8

Ma aram me ga’ar SOMOL ni Th’abi Tolang ngorad, “Thin romed e de riyul’, nge changar romed ni be pig e go’ ban. Gub togopluw ngomed.

Ezekiel 21:3

ni Gag SOMOL, e gu be ga’ar: I gag e to’ogor romed. Bay gu girengiy e saydon rog nggu thang e pogofan romed ngay ni gimed gubin, ni pi’in ni bfel’ nge pi’in kireb ni ta’reb rogon.

Ezekiel 34:10

I Gag SOMOL ni Th’abi Tolang e kugog ni gag e to’ogor romed. Bay gu fek e saf rog romed ma dakriy bayay ni nggu pagmed ngu’um gafaliyedrad; ma ku dakriy bi’id ni nggu pagmed nge mang gimed e um ayuweged gimed. Bay gu leag e saf rog u pa’med nggu ayuwegrad nge dabkiyag ni mu longuyed yad.”

Ezekiel 5:8

Ere I Gag SOMOL ni Th’abi Tolang, e gu be yog ngom ni gag e to’ogor rom. Bay gu pag e gechig nge aw ngom ni gubin e nam mra guy.

Mikah 3:11

Pi’in yad be gagiyegnag e girdi’ u lan binaw e yad be fek puluwon e sasaliyeb ni yad be tay, ma pi prist e yad be pithig fan e Motochiyel u wan’ e girdi’ ni bay puluwon, ma pi profet e yad be weliy e yi’iy ni ku bay puluwon ma yad be yog ni bay SOMOL rorad. Bayi n’en me lungurad, “Gathi ba’ SOMOL rodad? Ere dariy ban’en nra buch rodad.”

Nahum 2:13

I SOMOL ni Gubin ma Rayag Rok e be ga’ar, “I Gag e to’ogor romed! Bay gu urfiy e pi chariot romed. Ma pi salthaw romed e bay ram’ad u fithik’ e mael, ma bay gu fek u pa’med urngin e tin mu feked rok e girdi’. Ma tin nge yog e pi tamal’og romed ni ngan rin’ e dab kun rung’ag.”