Jeremiah 19:4 - Bible Ni Thothup4 Bay gu rin’ e ren’ey ya girdi’ nu roy e ka ra n’iged gag ma kar ta’ay niged e gin’ey ko incense ni yad be urfiy ngar pi’ed ngak yugu boch e got, ni bogi got ni mus ngorad, ara pi chitamangirad, ara pi pilung nu Judah ma dar nanged murung’agen. Ka ra suguyed e gin’ey nga racha’en e girdi’ ndawori bucheg ban’en, Faic an caibideil |
Kireb rom e bayi gechig nigem, ma rogon ni ka mu pi’ keru’um ngog e bayi turguy e gechig rom. Bay mu nang rogon feni gel e mo’oy nge kireb riy ni ngan pi’ keru’uy ngog, fare SOMOL ni Got rom, min par ndakunir yul’yul’ ngog. I Gag fare SOMOL ni Th’abi Tolang ma Gubin ma Rayag Rok, e kugog e pi thin ney.”
“I Gag SOMOL e kugog ngomed e n’en ni ngam rin’ed nib yal’uw ma bfel’. Ngan ayweg e cha’ ni kan bannag rok e cha’ nike bannag. Dab mu gafgow niged e milekag, nge pi’in kanim’ rorad, ara pi’in ke yim’ figirngirad, ma dab mu thanged e pogofan rok e girdi’ ni dariy ban’en nike bucheg u lan e gin’ey nib thothup.
Aramfan ni gamanman ni layon u loway e bayi thangrad; ma pilis ni malboch u daken e ted ni desert e bayi popofrad ni yochyang, ma pi leopard e bay ura pachpach gad niyad be fita’ u lan e yochi binaw rorad. Pi girdi’ ney e yad ra yan nga waen, ma yira popofrad ni bochan e denen rorad ni kaygi yo’or ma ke yo’or yay ni yad be pi’ keru’rad ngak Got.
Dab ku um guyed rogon ni nge fel’ rogomed u puluwon e girdi’ u yugu boch e nam, nge bitir ni kanim’ rorad, nge pi’in ni ppin nike yim’ figirngirad. Dab ku um thanged e pogofan rok e girdi’ ndawori bucheg ban’en u lan e re gin’ey. Dab ku um meybilgad ngak yugu boch e got ni aram e gimed be tay farad, ya ban’en nra kireb nagmed.